Instagram: ಪ್ರತೀ ಪೋಸ್ಟಿಗೆ ವಿರಾಟ್ ಕೊಹ್ಲಿ ಪಡೆಯುವ ಸಂಭಾವನೆ! ಅಬ್ಬಬ್ಬಾ, ಇಷ್ಟಾ..

ಇನ್‌ಸ್ಟಾಗ್ರಾಮ್‌ನಲ್ಲಿ ಅತಿ ಹೆಚ್ಚು ಸಂಭವಾನೆ ಪಡೆಯುವ ಮೂರನೇ ಆಟಗಾರ ಎನ್ನುವ ಖ್ಯಾತಿಗೆ ಒಳಗಾಗಿದ್ದಾರೆ ಭಾರತೀಯ ಕ್ರಿಕೆಟ್ ತಂಡದ ಮಾಜಿ ನಾಯಕ, ರನ್ ಮೆಷಿನ್ ವಿರಾಟ್ ಕೊಹ್ಲಿ.

ಸುಮಾರು ಮೂರು ವರ್ಷಗಳಿಗಿಂತಲೂ ಅಧಿಕ ಸಮಯದ ಶತಕದ ಬರವನ್ನು ನೀಗಿಸಿಕೊಂಡ ಬಳಿಕ, ಕೊಹ್ಲಿ ಅಪ್ ಡೇಟ್ ವರ್ಷನ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಎದುರಾಳಿ ರಣ ತಂತ್ರವನ್ನು ಬುಡಮೇಲು ಮಾಡುವ ಕ್ಷಮತೆ ಹೊಂದಿರುವ ವಿರಾಟ್‌, ದಾಖಲೆಗಳ ಒಡೆಯ. ಅಂಗಳದಲ್ಲಿ ದಾಖಲೆಗಳನ್ನು ಚೇಸ್‌ ಮಾಡಿ ಪುಡಿ ಪುಡಿ ಮಾಡುವ ವಿರಾಟ್‌, ಸಾಮಾಜಿಕ ತಾಣದಲ್ಲೂ ತಮ್ಮ ಅಬ್ಬರ ಮುಂದುವರೆಸಿದ್ದಾರೆ.

ಟೀಮ್ ಇಂಡಿಯಾದ ಮಾಜಿ ನಾಯಕ ವಿರಾಟ್ ಕೊಹ್ಲಿ ಇನ್‌ಸ್ಟಾಗ್ರಾಮ್‌ನಲ್ಲೂ ಆರ್ಭಟಿಸುತ್ತಿದ್ದಾರೆ. ಇವರ ಪ್ರತಿ ಪೋಸ್ಟ್‌ ಗೆ ಇನ್‌ಸ್ಟಾಗ್ರಾಮ್‌ ನೀಡುವ ಮೊತ್ತವನ್ನು ಕೇಳಿದರೆ ಶಾಕ್ ಆಗುತ್ತದೆ. ಕೊಹ್ಲಿ ಭಾರತದಲ್ಲಿ ಮಾತ್ರವಲ್ಲ, ಏಷ್ಯಾದಲ್ಲೇ ಅತಿ ಹೆಚ್ಚು ಜನಪ್ರಿಯ ಆಟಗಾರ. ಅಲ್ಲದೆ ಇನ್‌ಸ್ಟಾಗ್ರಾಮ್‌ನಲ್ಲಿ ವಿರಾಟ್‌ ಪ್ರತಿ ಪೋಸ್ಟ್‌ಗೆ ಸುಮಾರು 11.45 ಕೋಟಿ ರೂಪಾಯಿ ಪಡೆಯುತ್ತಾರೆ.

ಈ ಮೂಲಕ ಕೊಹ್ಲಿ, ಇನ್‌ಸ್ಟಾಗ್ರಾಮ್‌ ಮೂಲಕ ಅತಿ ಹೆಚ್ಚು ಸಂಭಾವನೆ ಪಡೆಯುತ್ತಿರುವ ಆಟಗಾರರ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದ್ದಾರೆ. ಇನ್‌ಸ್ಟಾಗ್ರಾಮ್‌ ಪೋಸ್ಟ್ ಮಾಡುವ ಮೂಲಕ ಅತಿ ಹೆಚ್ಚು ಆದಾಯ ಗಳಿಸುವ ಭಾರತೀಯ ಆಟಗಾರ ಮಾತ್ರವಲ್ಲದೇ ಏಷ್ಯನ್ ಪ್ಲೇಯರ್ ಕೂಡ ಆಗಿದ್ದಾರೆ. ಹಾಪರ್ ಎಚ್.ಕ್ಯೂ 2023ರ ಇನ್‌ಸ್ಟಾಗ್ರಾಮ್‌ ಶ್ರೀಮಂತ ಆಟಗಾರರ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.

ಈ ಪಟ್ಟಿಯಲ್ಲಿ ವಿರಾಟ್‌ ಕೊಹ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ಆಟಗಾರರ ಪಟ್ಟಿಯಲ್ಲಿ ಕಾಣಿಸಿಕೊಂಡಿದ್ದಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ 256 ಮಿಲಿಯನ್‌ಗಿಂತಲೂ ಹೆಚ್ಚು ಹಿಂಬಾಲಕರನ್ನು ಹೊಂದಿರುವ ವಿರಾಟ್, ಗಳಿಕೆಯ ವಿಚಾರದಲ್ಲೂ ಶ್ರೀಮಂತ ಆಟಗಾರ. ಒಟ್ಟಾರೆ ಪಟ್ಟಿಯಲ್ಲಿ ವಿರಾಟ್‌ 14ನೇ ಸ್ಥಾನದಲ್ಲಿದ್ದಾರೆ.

ಕ್ರಿಸ್ಟಿಯಾನೊ ರೊನಾಲ್ಡೊ

ಇನ್‌ಸ್ಟಾಗ್ರಾಮ್‌ ಶ್ರೀಮಂತ ಆಟಗಾರರ ಪಟ್ಟಿಯಲ್ಲಿ ಮೊದಲ ಸ್ಥಾನವನ್ನು ಪೋರ್ಚುಗಲ್‌ನ ಸ್ಟಾರ್ ಫುಟ್‌ಬಾಲ್ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊ ಹೊಂದಿದ್ದಾರೆ. ಅವರು ಒಂದು ಪೋಸ್ಟ್‌ನಿಂದ ಸುಮಾರು 26.75 ಕೋಟಿ ರೂಪಾಯಿ ಗಳಿಸುತ್ತಾರೆ. ಅರ್ಜೆಂಟೀನಾದ ಫುಟ್ಬಾಲ್ ಆಟಗಾರ ಲಿಯೋನೆಲ್ ಮೆಸ್ಸಿ ಈ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದ್ದಾರೆ. ಒಂದು ಪೋಸ್ಟ್‌ನಿಂದ ಮೆಸ್ಸಿ 21.49 ಕೋಟಿ ರೂ. ಸಂಪಾದಿಸಿದ್ದಾರೆ.

ಅಮೇರಿಕದ ಪ್ರಸಿದ್ಧ ಗಾಯಕಿ ಸೆಲೆನಾ ಗೊಮೆಜ್

ಮೂರನೇ ಸ್ಥಾನದಲ್ಲಿ ಅಮೇರಿಕದ ಪ್ರಸಿದ್ಧ ಗಾಯಕಿ ಸೆಲೆನಾ ಗೊಮೆಜ್ ಇದ್ದು, ಅವರು ಒಂದೇ ಪೋಸ್ಟ್‌ನಿಂದ 21.19 ಕೋಟಿ ರೂ. ಪಡೆಯಲಿದ್ದಾರೆ. ಪ್ರಪಂಚದಾದ್ಯಂತದ ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ವಿರಾಟ್ ಅವರ ಸಂಖ್ಯೆ 14 ನೇ ಸ್ಥಾನದಲ್ಲಿದ್ದು, ಈ ಪಟ್ಟಿಯಲ್ಲಿ ಕೊಹ್ಲಿ ನಂತರ ಪ್ರಿಯಾಂಕಾ ಚೋಪ್ರಾ ಕಾಣಿಸಿಕೊಳ್ಳುವ ಎರಡನೇ ಭಾರತೀಯ ನಟಿ.

ಪ್ರಿಯಾಂಕಾ ಒಂದು ಪೋಸ್ಟ್‌ನಿಂದ ಗಳಿಕೆ 4.4 ಕೋಟಿ

ಪ್ರಿಯಾಂಕಾ ಒಂದು ಪೋಸ್ಟ್‌ನಿಂದ ಗಳಿಕೆ 4.4 ಕೋಟಿ ರೂ. ಆಗಿದೆ. ವಿರಾಟ್ ಕೊಹ್ಲಿ ಇದುವರೆಗೆ ಆಡಿರುವ 111 ಟೆಸ್ಟ್‌ ಪಂದ್ಯಗಳಲ್ಲಿ 8,676 ರನ್ ಸಿಡಿಸಿದ್ದಾರೆ. ಇದರಲ್ಲಿ 29 ಶತಕ ಹಾಗೂ 29 ಅರ್ಧಶತಕಗಳು ಸೇರಿವೆ. ಇನ್ನು 275 ಏಕದಿನ ಪಂದ್ಯಗಳಿಂದ ವಿರಾಟ್‌ 12,898 ರನ್ ಸೇರಿಸಿದ್ದು, 46 ಶತಕ ಸಿಡಿಸಿದ್ದಾರೆ. 115 ಚುಟುಕು ಪಂದ್ಯಗಳಲ್ಲಿ ವಿರಾಟ್‌ 4008 ರನ್ ಕಲೆ ಹಾಕಿ ಅಬ್ಬರಿಸಿದ್ದಾರೆ.