11,400 ಕೋಟಿ ಆಸ್ತಿಯ ಭಾರತದ ಶ್ರೀಮಂತ ಹೋಮಿಯೋಪತಿ ಡಾಕ್ಟರ್‌ ಯಾರು ಗೊತ್ತಾ?

ಭೋಪಾಲ್‌, ಜುಲೈ 21: ಯಾವುದೇ ಪದವಿ ಪಡೆಯದೆ, 11,400 ಕೋಟಿ ನಿವ್ವಳ ಆಸ್ತಿಯೊಂದಿಗೆ ದೇಶದ ಅತಿ ಶ್ರೀಮಂತ ಹೋಮಿಯೋಪತಿ ಡಾಕ್ಟರ್‌ ಒಬ್ಬರು ಬೃಹತ್ ವ್ಯಾಪಾರ ಸಾಮ್ರಾಜ್ಯವನ್ನು ಮುನ್ನಡೆಸುತ್ತಿದ್ದಾರೆ. ಈ ಮೂಲಕ ಅವರು ದೇಶದ ಶ್ರೀಮಂತ ಹೋಮಿಯೋಪತಿ ಡಾಕ್ಟರ್‌ ಎನಿಸಿದ್ದಾರೆ.

ಕಡಿಮೆ ಆದಾಯ ಬರುತ್ತಿದ್ದ ಕುಟುಂಬದಲ್ಲಿ ಜೀವನವನ್ನು ಪ್ರಾರಂಭಿಸಿದ ರೈತನ ಮಗ ರಾಮೇಶ್ವರ ರಾವ್ ಅವರು ಕಳೆದ ವರ್ಷ ಬಿಲಿಯನೇರ್ ಆಗಿ ಬದಲಾದರು. ಅವರು ಈಗ $ 400 ಮಿಲಿಯನ್ ತನ್ನ ಸಂಪತ್ತನ್ನು ಹೆಚ್ಚಿಸಿಕೊಂಡಿದ್ದಾರೆ. ರಾಮೇಶ್ವರ ರಾವ್ ಅವರು ಇಂದು ಪ್ರಸಿದ್ಧ ವ್ಯಾಪಾರ ಉದ್ಯಮಿಯಾಗಿದ್ದರೂ, ಅದು ಪ್ರಾರಂಭವಾಗಿದ್ದು 50,000 ರೂಪಾಯಿಗಳಿಂದ. ಅಲ್ಲಿಂದ ಮತ್ತೆ ರಾವ್ ಇನ್ನೆಂದು ಹಿಂತಿರುಗಿ ನೋಡಲಿಲ್ಲ.

ಹೆಚ್ಚಿನ ಸಂಪನ್ಮೂಲಗಳಿಲ್ಲದ ಸಾಧಾರಣ ಕುಟುಂಬದಲ್ಲಿ ಬೆಳೆದ ಹೈದರಾಬಾದ್ ಮೂಲದ ಜೂಪಲ್ಲಿ ರಾಮೇಶ್ವರ್ ರಾವ್ ಅವರು ಪ್ರಾಥಮಿಕ ಶಿಕ್ಷಣವನ್ನು ಪಡೆಯಲು ಕಿಲೋಮೀಟರ್‌ಗಟ್ಟಲೆ ನಡೆಯಬೇಕಾಗಿತ್ತು. ತನಗಾಗಿ ಉನ್ನತ ಮಟ್ಟಕ್ಕೇರುವ ಹಂಬಲವಿದ್ದರೂ ದೊಡ್ಡ ಕನಸು ಕಾಣಲು ಅವರಿಗೆ ವೇದಿಕೆಯೇ ಇರಲಿಲ್ಲ. ಆಗ ಅವರು ಆರಿಸಿಕೊಂಡ ವೃತ್ತಿ ಹೋಮಿಯೋಪತಿ ವೈದ್ಯರದ್ದು.

ಸಾಧಾರಣ ಮನುಷ್ಯನಿಗೆ ಇದು ಗೌರವಾನ್ವಿತ ವೃತ್ತಿಯಾಗಿತ್ತು. ಆದರೆ ಸಂಪತ್ತು ಸೃಷ್ಟಿಯ ಉತ್ತುಂಗವನ್ನು ತಲುಪುವುದು ಅವರ ಯೋಜನೆಯಲ್ಲಿ ಎಲ್ಲೂ ಇರಲಿಲ್ಲ. ರಾವ್ 1974 ರಲ್ಲಿ ಮಹಬೂಬ್‌ನಗರ ಜಿಲ್ಲೆಯ ತಮ್ಮ ಹಳ್ಳಿಯಿಂದ ಹೈದರಾಬಾದ್‌ಗೆ ಯುವಕರಾಗಿ ಆಗಮಿಸಿದರು. ಇಲ್ಲಿ ಹಲವಾರು ದೊಡ್ಡ ತಿರುವುಗಳು ಮತ್ತು ಅನಿರೀಕ್ಷಿತ ಅವಕಾಶವು ಅವರ ಯಶಸ್ಸಿನ ಕಥೆಗೆ ದಾರಿ ಮಾಡಿಕೊಟ್ಟಿತು.

ಕಾಲೇಜು ದಿನಗಳಲ್ಲಿ ವಿದ್ಯಾರ್ಥಿ ನಾಯಕನಾಗಿ ಬದಲಾದರು. ಇದು ನಗರದಲ್ಲಿ ಅವರ ನೆಟ್‌ವರ್ಕ್ ನಿರ್ಮಿಸಲು ಸಹಾಯ ಮಾಡಿತು. ರಾವ್ ಅಂತಿಮವಾಗಿ ಹೈದರಾಬಾದ್‌ನ ಅಭಿವೃದ್ಧಿಯಾಗದ ದಿಲ್‌ಸುಖ್‌ನಗರ ಪ್ರದೇಶದಲ್ಲಿ ನೆಲೆಸಿದರು. ಅವರು ತಮ್ಮ ಹೋಮಿಯೋಪತಿ ಕ್ಲಿನಿಕ್ ಅನ್ನು ಅಲ್ಲಿಯೇ ಸ್ಥಾಪಿಸಿ ಅಭ್ಯಾಸವನ್ನು ಪ್ರಾರಂಭಿಸಿದರು. ಆದರೆ 80 ರ ದಶಕದ ಹೊತ್ತಿಗೆ ರಿಯಲ್ ಎಸ್ಟೇಟ್‌ನಲ್ಲಿ ಆಸಕ್ತಿ ಹೊಂದಿರುವ ಅವರ ಹೋಮಿಯೋಪತಿ ಗ್ರಾಹಕರೊಬ್ಬರು ಈ ಅವಕಾಶ ಬಳಸಿಕೊಳ್ಳಲು ಅವರನ್ನು ಪ್ರರೇಪಿಸಿದರು.

ಆಗ ಒಂದು ಜಮೀನಿನ ಮೇಲೆ ರೂ 50,000 ಬಾಜಿಯು ರಾವ್ ಅವರ ದಿಕ್ಕಿನಲ್ಲಿ ಸುರುಳಿಯಾಕಾರದ ಬದಲಾವಣೆಯನ್ನು ತಂದಿತು. ಕೇವಲ 3 ವರ್ಷಗಳಲ್ಲಿ ಅವರು ತಮ್ಮ ಹೂಡಿಕೆಯ ಮೂರು ಪಟ್ಟು ಲಾಭವನ್ನು ಪಡೆದರು. ಇದು ರಾವ್‌ಗೆ ಹೋಮಿಯೋಪತಿ ಅಭ್ಯಾಸವನ್ನು ತೊರೆದು ರಿಯಲ್ ಎಸ್ಟೇಟ್‌ಗೆ ತೆರಳುವಂತೆ ಮಾಡಿತು. ಬಳಿಕ 1981 ರಲ್ಲಿ, ಅವರು ತಮ್ಮ ಮೊದಲ ಕಂಪನಿ ಮೈ ಹೋಮ್ ಕನ್ಸ್ಟ್ರಕ್ಷನ್ಸ್ ಅನ್ನು ಪ್ರಾರಂಭಿಸಿದರು.

ಮುಂದಿನ ಒಂದೆರಡು ದಶಕಗಳಲ್ಲಿ ರಾಮೇಶ್ವರ್‌ ರಾವ್ ನಗರದ ಶ್ರೀಮಂತ ವ್ಯಕ್ತಿಗಳೊಂದಿಗೆ ಸ್ಪರ್ಧೆ ಮಾಡಲು ಪ್ರಾರಂಭಿಸಿದರು. ವಸತಿ ಸಂಘಗಳು ಮತ್ತು ವಾಣಿಜ್ಯ ಕಟ್ಟಡಗಳನ್ನು ನಿರ್ಮಿಸುವುದರಿಂದ ರಾವ್ ಸಿಮೆಂಟ್ ತಯಾರಿಕೆಗೆ ಕಾಲು ಇಟ್ಟರು. ಅವರ ಸಂಸ್ಥೆ ಮಹಾ ಸಿಮೆಂಟ್ 4,000 ಕೋಟಿ ವಾರ್ಷಿಕ ವಹಿವಾಟು ಹೊಂದಿರುವ ದಕ್ಷಿಣ ಭಾರತದ ಪ್ರಮುಖ ಸಂಸ್ಥೆಗಳಲ್ಲಿ ಒಂದಾಯಿತು. ರಾವ್ ಅವರು ಇಂದು ತಮ್ಮ ನಾಲ್ವರು ಪುತ್ರರು ಮತ್ತು ನಾಲ್ವರು ಸೊಸೆಯರ ಸಹಾಯದಿಂದ ಬೃಹತ್ ಸಾಮ್ರಾಜ್ಯವನ್ನು ನಡೆಸುತ್ತಿದ್ದಾರೆ.