UAE Golden Visa: ಹೊಸ ಗೋಲ್ಡನ್ ವೀಸಾ ಪರಿಚಯಿಸಿದ UAE..ಅರ್ಜಿ ಸಲ್ಲಿಕೆ ಹೇಗೆ.. ಹೂಡಿಕೆಯ ಅಗತ್ಯವಿಲ್ಲ..ಭಾರತೀಯರಿಗೆ ಏನು ಲಾಭ?

ಸಿಹಿ ಸುದ್ದಿ... ನೀವು ಗಲ್ಫ್‌ನಲ್ಲಿ ವಾಸಿಸುವ ಕನಸು ಕಾಣುತ್ತಿದ್ದೀರಾ..? ಹಾಗಿದ್ರೆ ಈ ಸುದ್ದಿ ನಿಮಗಾಗಿ.. ಹೌದು, ಯುನೈಟೆಡ್ ಅರಬ್ ಎಮಿರೇಟ್ಸ್ ಹೊಸ ನಾಮನಿರ್ದೇಶನ ಆಧಾರಿತ ಗೋಲ್ಡನ್ ವೀಸಾ ಕಾರ್ಯಕ್ರಮವನ್ನು ಪ್ರಾರಂಭಿಸಿದೆ. ಇದು ಭಾರತೀಯರು ಮತ್ತು ಇತರ ವಿದೇಶಿ ಪ್ರಜೆಗಳಿಗೆ ಈ ಪ್ರದೇಶದಲ್ಲಿ ದೀರ್ಘಕಾಲದವರೆಗೂ ವಾಸ ಮಾಡುವ ಅವಕಾಶವನ್ನು ನೀಡಿದೆ.ಆಸ್ತಿ ಖರೀದಿ, ವ್ಯಾಪಾರ ಪರವಾನಗಿಯಿಲ್ಲದೆ ಭಾರತೀಯರಿಗೆ ಯುಎಇ ನಲ್ಲಿ 'ಗೋಲ್ಡನ್ ವೀಸಾ' ಸಿಗಲಿದೆ.

ಈ ಹಿಂದೆ, ಯುಎಇ ಗೋಲ್ಡನ್ ವೀಸಾ ಪಡೆಯಲು, ದೇಶದಲ್ಲಿ 4 ಕೋಟಿ ರೂ. ಅಥವಾ 2 ಮಿಲಿಯನ್ ದಿರ್ಹಮ್‌ಗಳಿಗಿಂತ ಹೆಚ್ಚಿನ ಮೌಲ್ಯದ ಆಸ್ತಿ ಅಥವಾ ವ್ಯವಹಾರದಲ್ಲಿ ಭಾರಿ ಹೂಡಿಕೆ ಮಾಡಬೇಕಾಗಿತ್ತು. ಇದು ಕೇವಲ ಹೆಚ್ಚಿನ ಆಸ್ತಿಯ ಮೌಲ್ಯವನ್ನು ಹೊಂದಿರುವವರಿಗೆ ಮಾತ್ರ ಸಾಧ್ಯವಾಗುತ್ತಿತ್ತು. ಆದರೆ ಇದೀಗ ಈ ಹೊಸ ಯುಎಇ ಗೋಲ್ಡನ್ ವೀಸಾ ವೃತ್ತಿಪರರು ಮತ್ತು ಇತರ ವ್ಯಕ್ತಿಗಳಿಗೆ ಸಹ ಇದ ಸದುಪಯೋಗವನ್ನು ಪಡೆದುಕೊಳ್ಳಬಹುದು. ಯುನೈಟೆಡ್ ಅರಬ್ ಎಮಿರೇಟ್ಸ್ ಸರ್ಕಾರವು ಪ್ರಾರಂಭಿಸಿರುವ ನೂತನದ ಗೋಲ್ಡನ್ ವೀಸಾ ನಿಯಮದನ್ವಯ ಭಾರತೀಯರು ಕೆಲವು ಷರತ್ತುಗಳೊಂದಿಗೆ ವೀಸಾ ಪಡೆಯಬಹುದಾಗಿದೆ.

UAEಯ ಹೊಸ ಗೋಲ್ಡನ್ ವೀಸಾ ಎಂದರೇನು?

ಯುನೈಟೆಡ್ ಅರಬ್ ಎಮಿರೇಟ್ಸ್ ಸರ್ಕಾರ ಜೀವಮಾನದ ನಿವಾಸ ವೀಸಾವಾಗಿದೆ. ಇದು ಸಾಂಪ್ರದಾಯಿಕ ಗೋಲ್ಡನ್ ವೀಸಾಕ್ಕಿಂತ ಭಿನ್ನವಾಗಿದೆ.ಇದು ನಾಮನಿರ್ದೇಶನ ಆಧಾರಿತವಾಗಿದೆ, ಅಂದರೆ ವ್ಯಕ್ತಿಗಳನ್ನು ಹಣಕಾಸಿನ ಹೂಡಿಕೆಗಿಂತ ಅರ್ಹತೆ ಮತ್ತು ಅರ್ಹತೆಯ ಆಧಾರದ ಮೇಲೆ ಆಯ್ಕೆ ಮಾಡಲಾಗುತ್ತದೆ ಅಥವಾ ನಾಮನಿರ್ದೇಶನ ಮಾಡಲಾಗುತ್ತದೆ. ಈ ರೀತಿಯ ವೀಸಾದಲ್ಲಿ, ಆಸ್ತಿಯನ್ನು ಖರೀದಿಸುವ ಅಥವಾ ವ್ಯವಹಾರದಲ್ಲಿ ಹೂಡಿಕೆ ಮಾಡುವ ಅಗತ್ಯವಿಲ್ಲ.ಅಲ್ಲದೆ, ಇದು ಜೀವಿತಾವಧಿಯವರೆಗೂ ಮಾನ್ಯವಾಗಿರುತ್ತದೆ. ಒಂದು ಬಾರಿಯ ವೆಚ್ಚ AED 100,000 ಸುಮಾರು 23.3 ಲಕ್ಷ ರೂ ಅತ್ಯುತ್ತಮ ಭಾಗವೆಂದರೆ ಈ UAE ಗೋಲ್ಡನ್ ವೀಸಾದೊಂದಿಗೆ ಯಾವುದೇ ಪುನರಾವರ್ತಿತ ಹೂಡಿಕೆಗಳು ಅಥವಾ ವಾರ್ಷಿಕ ಶುಲ್ಕಗಳು ಈ ವೀಸಾದಲ್ಲಿ ಇರುವುದಿಲ್ಲ.

ಗೋಲ್ಡನ್ ವೀಸಾಗೆ ಯಾರು ಅರ್ಜಿ ಸಲ್ಲಿಸಬಹುದು?

ಪ್ರಸ್ತುತ ಹೊಸ ಗೋಲ್ಡನ್ ವೀಸಾ ಪ್ರಾಯೋಗಿಕ ಹಂತದಲ್ಲಿ ಇದೆ. ಈ ವೀಸಾಕ್ಕೆ ಅರ್ಜಿ ಸಲ್ಲಿಸಲು ಭಾರತ ಮತ್ತು ಬಾಂಗ್ಲಾದೇಶದ ನಾಗರಿಕರು ಅರ್ಹರಾಗಿದ್ದಾರೆ. ವರದಿಗಳ ಪ್ರಕಾರ, ಗಲ್ಫ್ ಪ್ರದೇಶದಲ್ಲಿ ಸ್ಥಿರ ನಿವಾಸಕ್ಕೆ ಹೆಚ್ಚಿನ ಬೇಡಿಕೆ ಇರುವುದರಿಂದ ಯುಎಇ ಅಧಿಕಾರಿಗಳು ಮೊದಲ ಮೂರು ತಿಂಗಳಲ್ಲಿ ಭಾರತೀಯರಿಂದ 5,000 ಕ್ಕೂ ಹೆಚ್ಚು ಅರ್ಜಿಗಳನ್ನು ಸ್ವೀಕರಿಸುವ ನಿರೀಕ್ಷೆ ಕೂಡ ಇದೆ.

ವೀಸಾಕ್ಕಾಗಿ ಅರ್ಜಿ ಸಲ್ಲಿಸಿದ ಅರ್ಜಿದಾರರನ್ನು ಕ್ರಿಮಿನಲ್ ದಾಖಲೆ ಪರಿಶೀಲನೆಗಳು, ಹಣ ವರ್ಗಾವಣೆ ವಿರೋಧಿ ಅನುಸರಣೆ, ಸಾಮಾಜಿಕ ಮಾಧ್ಯಮ ನಡವಳಿಕೆ, ಸಂಸ್ಕೃತಿ, ವ್ಯಾಪಾರ, ವಿಜ್ಞಾನ, ಹಣಕಾಸು, ನವೋದ್ಯಮಗಳು ಮತ್ತು ವೃತ್ತಿಪರ ಸೇವೆಗಳಂತಹ ಕ್ಷೇತ್ರಗಳಲ್ಲಿ ಯುಎಇಗೆ ಸಂಭಾವ್ಯ ಕೊಡುಗೆಗಳಂತಹ ಹಲವಾರು ಮಾನದಂಡಗಳ ಮೇಲೆ ಕೂಲಂಕಷವಾಗಿ ಪರಿಶೀಲನೆಯನ್ನು ಮಾಡಲಾಗುತ್ತದೆ.

ಯುಎಇ ಗೋಲ್ಡನ್ ವೀಸಾಕ್ಕೆ ಅರ್ಜಿ ಸಲ್ಲಿಸುವುದು ಹೇಗೆ?

ಗೋಲ್ಡನ್ ವೀಸಾಕ್ಕೆ ಅರ್ಜಿ ಸಲ್ಲಿಸಲು ನೀವಿನ್ನೂ ದುಬೈಗೆ ಹೋಗುವಂತಹ ಅಗತ್ಯವಂತೂ ಇಲ್ಲವೇ ಇಲ್ಲ. ಭಾರತ ಮತ್ತು ಬಾಂಗ್ಲಾದೇಶದಲ್ಲಿರುವ ಒನ್ ವಾಸ್ಕೋ ಕೇಂದ್ರಗಳ ಮೂಲಕ ಅರ್ಜಿಗಳನ್ನು ನೀವು ಸಲ್ಲಿಕೆಯನ್ನು ಮಾಡಬಹುದು.ಅಥವಾ ಅದಕ್ಕೆ ಪರ್ಯಾಯವಾಗಿ ರಾಯಾದ್ ಗ್ರೂಪ್‌ನ ನೋಂದಾಯಿತ ಕಚೇರಿಗಳಿಗೆ ಹೋಗಿ ಅರ್ಜಿಯನ್ನು ಸಲ್ಲಿಕೆಯನ್ನು ಮಾಡಬಹುದು. ಅರ್ಜಿದಾರರಿಗೆ ಅರ್ಜಿ ಸಲ್ಲಿಸಲು ಆನ್‌ಲೈನ್ ಪೋರ್ಟಲ್‌ಗಳು ಅಥವಾ ಮೀಸಲಾದ ಕಾಲ್ ಸೆಂಟರ್‌ಗಳು ಸಹ ಲಭ್ಯವಿದೆ. ಅರ್ಜಿ ಮತ್ತು ಸ್ಕ್ರೀನಿಂಗ್ ಪ್ರಕ್ರಿಯೆಯನ್ನು ನಿರ್ವಹಿಸಲು ಆಯ್ಕೆಯಾದ ಅಧಿಕೃತ ಸಲಹೆಗಾರ ರಯಾದ್ ಗ್ರೂಪ್. ಪರಿಶೀಲನೆ ಮತ್ತು ಭದ್ರತಾ ಪರಿಶೀಲನೆಗಳು ಪೂರ್ಣಗೊಂಡ ನಂತರ, ಅರ್ಜಿಗಳನ್ನು ಅಂತಿಮ ಅನುಮೋದನೆಗಾಗಿ ಯುಎಇ ಅಧಿಕಾರಿಗಳಿಗೆ ಕಳುಗಿಸಲಾಗುತ್ತದೆ.

ಯುಎಇ ನಾಮನಿರ್ದೇಶನ ಆಧಾರಿತ ಗೋಲ್ಡನ್ ವೀಸಾದ ಪ್ರಯೋಜನಗಳು..?

• ಗೋಲ್ಡನ್ ವೀಸಾದ ಮೂಲಕ ಆಸ್ತಿ ಖರೀದಿ ಅಥವಾ ಯಾವುದೇ ಮರುಕಳಿಸುವ ಹೂಡಿಕೆಯಿಲ್ಲದೆ ಈ ಪ್ರದೇಶದಲ್ಲಿ ಜೀವಿತಾವಧಿಯ ವಾಸ್ತವ್ಯವನ್ನು ಮಾಡಬಹುದು.
• ಗೋಲ್ಡನ್ ವೀಸಾ ಹೊಂದಿರುವವರು ತಮ್ಮ ಕುಟುಂಬದ ಸದಸ್ಯರನ್ನು ಗಲ್ಫ್‌ ದೇಶಕ್ಕೆ ಕರೆತರಬಹುದು ಮತ್ತು ತಮ್ಮ ಮನೆಗೆ ಗೃಹ ಸಿಬ್ಬಂದಿಯನ್ನು ನೇಮಿಸಿಕೊಳ್ಳಬಹುದಾದ ಅವಕಾಶವಿದೆ.
• ಗೋಲ್ಡನ್ ವೀಸಾದಲ್ಲಿ ಮೂಲಕ ನೀವು ವ್ಯವಹಾರವನ್ನು ಆರಂಭವನ್ನು ಸಹ ಮಾಡವುದು.
• ಯುಎಇಯಲ್ಲಿ ಉದ್ಯೋಗವನ್ನು ತೆಗೆದುಕೊಳ್ಳಲು ಸಹ ಗೋಲ್ಡನ್ ವೀಸಾ ಪ್ರಯೋಜನಕಾರಿಯಾಗಿದೆ.