Year-End Discount: 4.2 ಲಕ್ಷ ರೂಪಾಯಿವರೆಗೆ ಆಫರ್‌ ನೀವು ಇವಿಗಳಿವು!

ಈ ವರ್ಷದ ಅಂತ್ಯ ಬರುತ್ತಿದೆ. ಈ ನಡುವೆ ಹಲವಾರು ಸಂಸ್ಥೆಗಳು ವರ್ಷ ಅಂತ್ಯದ ಆಫರ್‌ಗಳನ್ನು ನೀಡಲು ಆರಂಭ ಮಾಡಿದೆ. ವರ್ಷವು ಅಂತ್ಯಗೊಳ್ಳುತ್ತಿದ್ದಂತೆ, ವಿವಿಧ ಕಂಪನಿಗಳಿಗೆ 60,000 ರೂಪಾಯಿಯಿಂದ 4 ಲಕ್ಷ ರೂಪಾಯಿವರೆಗೆ ಉನ್ನತ ಎಲೆಕ್ಟ್ರಿಕ್-ವೀಲರ್‌ಗಳ ಮೇಲೆ ಹಲವಾರು ಡಿಸೆಂಬರ್ ರಿಯಾಯಿತಿಗಳಿವೆ.

ಮಹೀಂದ್ರಾ ಮತ್ತು ಮಹೀಂದ್ರಾ (ಎಂ&ಎಂ), ಹ್ಯುಂಡೈ ಮೋಟಾರ್ ಇಂಡಿಯಾ, ಎಂಜಿ ಮೋಟಾರ್ ಮತ್ತು ಟಾಟಾ ಮೋಟಾರ್ಸ್ ಎಲೆಕ್ಟ್ರಿಕ್-ವಾಹನ (ಇವಿ) ಗಾಗಿ ರಿಯಾಯಿತಿಯಲ್ಲಿ ಮುಂಚೂಣಿಯಲ್ಲಿರುವ ಕಂಪನಿಗಳು. ಕಳೆದ ವರ್ಷಕ್ಕೆ ಹೋಲಿಸಿದರೆ, ರಿಯಾಯಿತಿಗಳು ಹೆಚ್ಚಾಗಿದೆ. ಕಳೆದ ವರ್ಷ, ಇವಿಗಳಿಗೆ 2.5 ಲಕ್ಷ ರೂಪಾಯಿ ರಿಯಾಯಿತಿ ಇತ್ತು. ಈ ವರ್ಷದ ರಿಯಾಯಿತಿ ಬಗ್ಗೆ ಇಲ್ಲಿದೆ ವಿವರ ಮುಂದೆ ಓದಿ....

ಮಹೀಂದ್ರ ಎಕ್ಸ್‌ಯುವಿ400

ಮಹೀಂದ್ರಾ ಎಕ್ಸ್‌ಯುವಿ400 ನ ಎಲೆಕ್ಟ್ರಿಕ್ ರೂಪಾಂತರವು 4.2 ಲಕ್ಷ ರೂಪಾಯಿವರೆಗಿನ ಬೃಹತ್ ರಿಯಾಯಿತಿಯನ್ನು ನೀಡುತ್ತದೆ. ಈ ಕಾರು ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಕಂಟ್ರೋಲ್ (ಇಎಸ್‌ಸಿ) ಫೀಚರ್ ಅನ್ನು ಹೊಂದಿದೆ. ಅಲ್ಲದೆ, ಎಕ್ಸ್‌ಯುವಿ400 ಇಎಸ್‌ಸಿ ವರ್ಜನ್‌ಗಳು 3.2 ಲಕ್ಷ ರೂಪಾಯಿವರೆಗೆ ಆಕರ್ಷಕ ರಿಯಾಯಿತಿ ನೀಡುತ್ತದೆ. ಕಂಪನಿಯು ಪ್ರವೇಶ ಮಟ್ಟದ ಇಸಿ ವೆರಿಯೆಂಟ್‌ಗೆ 1.7 ಲಕ್ಷ ರೂಪಾಯಿ ರಿಯಾಯಿತಿ ಇದೆ.

ಹುಂಡೈ ಕೋನಾ ಇವಿ

ಭಾರತದಲ್ಲಿ ಜಿರೋ - ಎಮಿಷನ್ ವಾಹನಗಳನ್ನು ಜನಪ್ರಿಯಗೊಳಿಸುತ್ತಿರುವ ಹುಂಡೈ ಕೋನಾ ಇವಿ ಮೇಲೆ 3 ಲಕ್ಷ ರೂಪಾಯಿವರೆಗೆ ರಿಯಾಯಿತಿಯನ್ನು ಒದಗಿಸುತ್ತಿದೆ. ಇವಿ 39.2 ಕೆಡಬ್ಲ್ಯೂ ಬ್ಯಾಟರಿ ಮತ್ತು ಸ್ಟ್ಯಾಂಡರ್ಡ್ ಎಸಿ ಚಾರ್ಜರ್ ಅನ್ನು ಒಳಗೊಂಡಿರುತ್ತದೆ. ಇದು ಕೇವಲ 6 ಗಂಟೆಗಳಲ್ಲಿ ಮತ್ತು 50 ಕೆಡಬ್ಲ್ಯೂ ಡಿಸಿ ಚಾರ್ಜರ್‌ನೊಂದಿಗೆ ಸಂಪೂರ್ಣವಾಗಿ ಚಾರ್ಜ್ ಆಗುತ್ತದೆ.

ಎಂಜಿ ಜೆಡ್‌ಎಸ್‌ ಇವಿ

ಒಂದೆರಡು ತಿಂಗಳ ಹಿಂದೆ, ಎಂಜಿ ಜೆಡ್‌ಎಸ್‌ ಇವಿ ಬೆಲೆಗಳನ್ನು ಕಡಿತಗೊಳಿಸಿದೆ. ಈಗ ತಯಾರಕರು 1 ಲಕ್ಷ ರೂಪಾಯಿಗಿಂತ ಹೆಚ್ಚಿನ ಡೀಲ್‌ಗಳನ್ನು ನೀಡುವ ಮೂಲಕ ಅದನ್ನು ಹೆಚ್ಚು ಆಕರ್ಷಕವಾದ ಡೀಲ್ ಮಾಡಲು ನಿರ್ಧರಿಸಿದ್ದಾರೆ. ವರದಿಗಳ ಪ್ರಕಾರ, ಜೆಡ್‌ಎಸ್‌ ಇವಿ 50,000 ರೂಪಾಯಿಗಳವರೆಗೆ ವಿನಿಮಯ ಬೋನಸ್ ಅನ್ನು ಹೊಂದಿದೆ. ಲೋಯಲ್ಟಿ ಮತ್ತು ಕಾರ್ಪೊರೇಟ್ ಡೀಲ್‌ಗಳ ಜೊತೆಗೆ 50,000 ರೂಪಾಯಿಗಳವರೆಗೆ ನಗದು ರಿಯಾಯಿತಿಯನ್ನು ಹೊಂದಿದೆ. ಎಂಜಿ ಜೆಡ್‌ಎಸ್‌ ಇವಿ ಬೆಲೆ 23.38 ಲಕ್ಷ ರೂಪಾಯಿ ಆಗಿದೆ.

ಎಂಜಿ ಕಾಮೆಟ್

ಎಂಜಿ ಈ ವರ್ಷದ ಮೇ ತಿಂಗಳಲ್ಲಿ ಕಾಮೆಟ್ ಅನ್ನು ಬಿಡುಗಡೆ ಮಾಡಿತು ಮತ್ತು ಭಾರತದಲ್ಲಿ ಅತ್ಯಂತ ಕೈಗೆಟುಕುವ ಎಲೆಕ್ಟ್ರಿಕ್ ವಾಹನಗಳಲ್ಲಿ ಇದು ಒಂದಾಗಿದೆ. 7.98 ಲಕ್ಷ ರೂಪಾಯಿ ಇದರ ಆರಂಭಿಕ ಬೆಲೆಯಾಗಿದ್ದು, ಪೇಸ್, ಪ್ಲೇ ಮತ್ತು ಪ್ಲಶ್ ಎಂಬ ಮೂರು ಆವೃತ್ತಿಗಳಲ್ಲಿ ಕಾಮೆಟ್ ಲಭ್ಯವಿದೆ.

ಎಂಜಿ ಕಾಮೆಟ್‌ನಲ್ಲಿ 65,000 ರೂಪಾಯಿವರೆಗೆ ರಿಯಾಯಿತಿಯನ್ನು ನೀಡುವ ಮೂಲಕ 2023 ಸ್ಟಾಕ್ ಅನ್ನು ಮುಕ್ತಾಯಗೊಳಿಸಲು ನಿರ್ಧರಿಸಿದೆ. ಲೋಯಲ್ ಮತ್ತು ವಿನಿಮಯ ಬೋನಸ್‌ಗಳು ಮತ್ತು ಕಾರ್ಪೊರೇಟ್ ಮತ್ತು ನಗದು ಕೊಡುಗೆಗಳೊಂದಿಗೆ ಇದು ಹೆಚ್ಚು ಉತ್ತ, ಆಫರ್ ಆಗಿದೆ.