PUBG ಆಟಕ್ಕಾಗಿ ತಂದೆ ಖಾತೆಯ 16 ಲಕ್ಷ ತೆಗೆದ 17ರ ಹುಡುಗ
ಟಿಕ್ ಟಾಕ್ ನಂತರ ಭಾರತದಲ್ಲಿ ಬಹಳ ಪ್ರಸಿದ್ಧವಾದದ್ದು PUBG. ಈ ಆಟದ ವ್ಯಸನಿಗಳಾಗಿರುವವರು ಬಹಳ ಮಂದಿ ಸಿಗುತ್ತಾರೆ ಮತ್ತು ಇದು ಹೆಚ್ಚಿನ ಸಂಖ್ಯೆಯ ಜನರು ಆಡುವ ಆಟ. PUBG ಆಟಕ್ಕೆ ನಿಷೇಧ ಹೇರಬೇಕು ಎಂಬ ಬೇಡಿಕೆ ಸಹ ಇದೆ. ಚೀನಾ- ಭಾರತ ಮಧ್ಯೆ ಗಡಿ ವಿವಾದ ಉಲ್ಬಣಿಸುವ ಮುಂಚಿನಿಂದಲೂ ಈ ಆಟದ ಹಿಂದೆ ಬಿದ್ದು, ವ್ಯಸನಿಗಳಾಗಿರುವವರ ಸಂಖ್ಯೆ ದೊಡ್ಡದಿದೆ.
ಈ ವರದಿಯಲ್ಲಿನ ಉದಾಹರಣೆಯನ್ನೇ ಹೇಳುವುದಾದರೆ, 17 ವರ್ಷದ ಹುಡುಗನೊಬ್ಬ PUBG ಆಡುವ ಸಲುವಾಗಿ ತನ್ನ ತಂದೆಯ ಬ್ಯಾಂಕ್ ಖಾತೆಯಲ್ಲಿ ಇದ್ದ 16 ಲಕ್ಷ ರುಪಾಯಿಯನ್ನು ಖರ್ಚು ಮಾಡಿದ್ದಾನೆ. ಈ ಘಟನೆ ವರದಿ ಆಗಿರುವುದು ಪಂಜಾಬ್ ನ ಖರಾರ್ ನಿಂದ. ಆ ವರದಿಯ ಪ್ರಕಾರ, ವೈದ್ಯಕೀಯ ಖರ್ಚಿಗಾಗಿ ಆ ಹುಡುಗನ ತಂದೆ ಹಣ ಕೂಡಿಸಿಟ್ಟಿದ್ದರು. ಅದನ್ನು ತನ್ನ ಹಾಗೂ ಸ್ನೇಹಿತರ PUBG ಖಾತೆ ಅಪ್ ಡೇಟ್ ಮಾಡಲು ಈ ಹಣ ಬಳಸಲಾಗಿದೆ.
ಆನ್ ಲೈನ್ ಬ್ಯಾಂಕಿಂಗ್ ಹೆಸರಲ್ಲಿ ವಂಚಿಸುತ್ತಿದ್ದ ಯುವಕ ಸಿಕ್ಕಿಬಿದ್ದ
ಬ್ಯಾಂಕ್ ಸ್ಟೇಟ್ ಮೆಂಟ್ ನೋಡಿದ ನಂತರವಷ್ಟೇ ಈ ಬಗ್ಗೆ ಪೋಷಕರಿಗೆ ಗೊತ್ತಾಗಿದೆ. ಆನ್ ಲೈನ್ ತರಗತಿಗೆ ಹಣ ಕಟ್ಟಬೇಕು ಅಂತ ಕಾರಣ ಹೇಳಿ, ಹದಿನೇಳು ವರ್ಷದ ಈ ಹುಡುಗ ತನ್ನ ತಂದೆಯ ಮೊಬೈಲ್ ಫೋನ್ ಪಡೆದುಕೊಂಡಿದ್ದಾನೆ. ಅದರಲ್ಲಿ ತಂದೆಯ ಬ್ಯಾಂಕ್ ಖಾತೆಯ ಮೂಲಕ ತನ್ನಗೆ ಹಾಗೂ ಸ್ನೇಹಿತರಿಗಾಗಿ PUBG ಇನ್ ಅಪ್ಲಿಕೇಷನ್ ಖರೀದಿ ಮಾಡಿದ್ದಾನೆ.
ಈ ಹಿಂದೆ ಹಲವು ಬಾರಿ PUBG ವ್ಯಸನಿಗಳ ವಿಚಿತ್ರ ಘಟನೆಗಳು ವರದಿ ಆಗಿದ್ದು. ಆಟ ಆಡುವಾಗಲೇ ಬಾಲಕನೊಬ್ಬ ಆಸಿಡ್ ಕುಡಿದಿದ್ದ. ಜಮ್ಮು- ಕಾಶ್ಮೀರದಲ್ಲಿ ಒಬ್ಬನಿಗೆ ಮಾನಸಿಕ ಸಮಸ್ಯೆ ಆಗಿತ್ತು. ಇಪ್ಪತ್ತೆರಡು ವರ್ಷದ ಯುವಕನೊಬ್ಬ ಈ PUBG ಆಟಕ್ಕೆ ವ್ಯಸನಿಯಾಗಿ, ಕಳೆದ ವಾರ ಮಹಾರಾಷ್ಟ್ರದ ಯವತ್ಮಲ್ ಜಿಲ್ಲೆಯಲ್ಲಿ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಈ ಆಟದ ವ್ಯಸನದಿಂದಲೇ ಹುಡುಗ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ಎಂದು ದೂರಲಾಗಿದೆ.