ಜೂ 30, 2012ಕ್ಕೆ ಕೊನೆಗೊಂಡ ತ್ರೈಮಾಸಿಕದಲ್ಲಿ ಮಹೀಂದ್ರಾ ಸತ್ಯಂ ಸಂಸ್ಥೆ ಕಳೆದ ವರ್ಷಕ್ಕೆ ಹೋಲಿಸಿದರೆ 352 ಕೋಟಿ ರು.ನಂತೆ ಶೇ 56 ರಷ್ಟು ಪ್ರಗತಿ ಸಾಧಿಸಿದೆ.

ಶುಕ್ರವಾರ ಸಂಸ್ಥೆಯ ಷೇರುಗಳು ಬಿಎಸ್ ಇನಲ್ಲಿ ಶೇ 6.8 ರಷ್ಟು ಏರಿಕೆ ಕಂಡು 89.35 ರು. ನಂತೆ ಬೆಳಗ್ಗೆ 10.35ಕ್ಕೆ ಪ್ರಗತಿ ಕಂಡಿತ್ತು. ಮಧ್ಯಾಹ್ನ 3.15ರ ಸುಮಾರಿಗೆ BSE ಯಲ್ಲಿ 88.95 ರು.ನಂತೆ ಶೇ 6.34ರ ಪ್ರಗತಿ ಮುಂದುವರೆಸಿದೆ. ಎನ್ ಎಸ್ ಇನಲ್ಲಿ ಇದೇ ಸಮಯಕ್ಕೆ 89.00 ರು.ನಂತೆ ಶೇ 6.27 ರು ನಂತೆ ಪ್ರಗತಿ ಸಾಧಿಸಿದೆ.

ಈ ತ್ರೈಮಾಸಿಕದಲ್ಲಿ ಶೇ 31ರಷ್ಟು ನಿವ್ವಳ ಆದಾಯ ಗಳಿಸಿರುವ ಸಂಸ್ಥೆ ಕಳೆದ ತ್ರೈಮಾಸಿಕಕ್ಕೆ ಹೋಲಿಸಿದರೆ ಶೇ 13ರಷ್ಟು ಪ್ರಗತಿ ಸಾಧಿಸಿ 1880 ಕೋಟಿ ರು ಗಳಿಸಿದೆ.ಒಟ್ಟಾರೆ ಆದಾಯದಲ್ಲಿ ಡಾಲರ್ ಎದುರು ರುಪಾಯಿ ಕುಸಿತದಿಂದ ಶೇ 8 ರಷ್ಟು ಆದಾಯ ಬಂದಿದೆ.

ಈ ತ್ರೈಮಾಸಿಕದಲ್ಲಿ ಸಂಸ್ಥೆ 372 ಸಕ್ರಿಯ ಗ್ರಾಹಕರನ್ನು ಹೊಂದಿದೆ. ತ್ರೈಮಾಸಿಕದಲ್ಲಿ 33 ಹೊಸ ಗ್ರಾಹಕರನ್ನು ಸೇರಿಸಿಕೊಂಡಿದೆ. ಸಂಸ್ಥೆಯ ಒಟ್ಟಾರೆ ಉದ್ಯೋಗಿಗಳ ಸಂಖ್ಯೆ ಈ ತ್ರೈಮಾಸಿಕದಲ್ಲಿ 2,643 ಹೆಚ್ಚಾಗಿದ್ದು, ಒಟ್ಟಾರೆ 35,996 ಉದ್ಯೋಗಿಗಳನ್ನು ಹೊಂದಲಾಗಿದೆ.

(ಗುಡ್ ರಿಟರ್ನ್ಸ್.ಇನ್)