ಯುಪಿಎ ಆರ್ಥಿಕ ನೀತಿ, ಎಫ್ ಡಿಐ ನೀತಿ ವಿರೋಧಿಸಿ ಕರೆ ನೀಡಿರುವ ಬಂದ್ ನಿಂದಾಗಿ ಗುರುವಾರ(ಸೆ.20) ರೀಟೈಲ್ ಷೇರುಗಳಲ್ಲಿ ಏರಿಳಿತ ಕಂಡುಬಂದಿದೆ.

ಪ್ಯಾಂಟಲೂನ್ ರೀಟೈಲ್ ಷೇರುಗಳು ಶೇ 5 ರಷ್ಟು ಕುಸಿತ ಕಂಡರೆ, ಪ್ರೊವೋಗ್ ಷೇರುಗಳು ಕೂಡಾ ಶೇ 5ರಷ್ಟು ಇಳಿಕೆಯಾಗಿದೆ.

* ಬಿಎಸ್ ಇನಲ್ಲಿ ಪ್ಯಾಂಟಲೂನ್ ರೀಟೈಲ್ ಷೇರುಗಳು ಮಧ್ಯಾಹ್ನ 1.20 ರ ಸುಮಾರಿಗೆ 175.65 ರು ನಂತೆ ಶೇ 2.42ರಷ್ಟು ಇಳಿಕೆಯಾಗಿದೆ. ಎನ್ಎಸ್ ಇನಲ್ಲಿ ಕೂಡಾ 175.65 ರು ನಂತೆ ಶೇ 2.34 ರಷ್ಟು ಕುಸಿದಿದೆ.

* ಬಿಎಸ್ ಇನಲ್ಲಿ ಶಾಪರ್ಸ್ ಸ್ಟಾಪ್ ಷೇರುಗಳು 379.10 ರುನಂತೆ ಶೇ 0.40 ಏರಿಕೆ ಕಂಡು ಚೇತರಿಸಿಕೊಂಡಿದೆ. ಎನ್ಎಸ್ ಇನಲ್ಲಿ 379.80 ರುನಂತೆ ಶೇ 0.52ರಷ್ಟು ಏರಿದೆ.

* ಪ್ರೋವೊಗ್ ಇಂಡಿಯಾ ಷೇರುಗಳು ಬಿಎಸ್ ಇನಲ್ಲಿ 16.86 ರು ನಂತೆ ಶೇ 4.58 ರಷ್ಟು ಕುಸಿದಿದೆ. ಎನ್ಎಸ್ ಇನಲ್ಲ್ಲಿ 16.90 ರು.ನಂತೆ ಶೇ 4.52 ರಷ್ಟು ಕುಸಿತ ಕಂಡಿದೆ.

* ಶಾಪರ್ಸ್ ಸ್ಟಾಪ್ ಹಾಗೂ ಟ್ರೆಂಟ್ ಲಿ ಷೇರುಗಳು ಶೇ 2 ರಷ್ಟು ಇಳಿಮುಖ ಕಂಡಿದ್ದು, ತಜ್ಞರ ಪ್ರಕಾರ ರೀಟೈಲ್ ಕ್ಷೇತ್ರದಲ್ಲಿ ಬಹುರಾಷ್ಟ್ರೀಯ ಕಂಪನಿಗಳ ಷೇರುಗಳು ಇನ್ನಷ್ಟು ಕುಸಿತ ಕಾಣುವ ಸಾಧ್ಯತೆಯಿದೆ.
* ಟ್ರೆಂಟ್ ಲಿಮಿಟೆಡ್ ನ ಷೇರುಗಳು ಬಿಎಸ್ ಇನಲ್ಲಿ 1100 ರು ನಂತೆ ಶೇ 2.44 ರಷ್ಟು ಕುಸಿದಿದೆ. ಎನ್ ಎಸ್ ಇನಲ್ಲಿ 1100.95 ರುನಂತೆ ಶೇ 2.52 ರಷ್ಟು ಕುಸಿದಿದೆ.

ದೇಶದ ಬಹುತೇಕ ರಾಜ್ಯಗಳು ರೀಟೈಲ್ ಕ್ಷೇತ್ರದಲ್ಲಿ ವಿದೇಶಿ ಬಂಡವಾಳ ಹೂಡಿಕೆಗೆ ವಿರೋಧ ವ್ಯಕ್ತಪಡಿಸಿರುವ ಹಿನ್ನೆಲೆಯಲ್ಲಿ ಈ ಟ್ರೆಂಡ್ ಕೆಲ ಕಾಲ ಮುಂದುವರೆಯುವ ಸಾಧ್ಯತೆಯಿದೆ.