HDFC Bank: Quotes, News

BSE 785.450.95 (-0.12%)

NSE 786.802.45 (-0.31%)

ಷೇರು ಮಾರುಕಟ್ಟೆಯಲ್ಲಿ ಎಸ್ ಬಿಐ ಭರ್ಜರಿಯಾಗಿ ಸದ್ದು ಮಾಡದಿದ್ದರೂ ಅಗ್ರಸ್ಥಾನದಲ್ಲಿದ್ದ ಎಚ್ ಡಿಎಫ್ ಸಿ ಬ್ಯಾಂಕನ್ನು ಕೆಳಗಿಳಿಸಿ ಅಗ್ರಪಟ್ಟಕ್ಕೆ ಎಸ್ ಬಿಐ ಏರಿದೆ.

ಎಸ್ ಬಿಐ ಮಾರುಕಟ್ಟೆ ಮೌಲ್ಯ(m-cap: what is m-cap?) 1.48 ಲಕ್ಷ ಕೋಟಿ ದಾಟಿದೆ. ಖಾಸಗಿ ವಲಯದ ಎಚ್ ಡಿಎಫ್ ಸಿ ಕೂಡಾ ಪೈಪೋಟಿ ನೀಡುತ್ತಿದ್ದು 1,47,444 ಕೋಟಿ ಮೌಲ್ಯ ದಾಖಲಿಸಿದೆ.

ಕಳೆದ ಜುಲೈನಲ್ಲಿ ಎಸ್ ಬಿಐ ಹಿಂದಿಕ್ಕಿದ ಎಚ್ ಡಿಎಫ್ ಸಿ ಭಾರತದ ಅತಿ ಮೌಲ್ಯಯುತ ಬ್ಯಾಂಕ್ ಆಗಿ ಹೊರಹೊಮ್ಮಿತ್ತು.

ಒಟ್ಟಾರೆ ಎಲ್ಲಾ ಸಂಸ್ಥೆಗಳ ತುಲನೆಯಲ್ಲಿ ರಿಲಯನ್ಸ್ ಸಂಸ್ಥೆ ತನ್ನ ಅಗ್ರಪಟ್ಟವನ್ನು ಕಾಯ್ದುಕೊಂಡಿದೆ. ರಿಲಯನ್ಸ್ ಮಾರುಕಟ್ಟೆ ಮೌಲ್ಯ 2,74,987 ಕೋಟಿ ರು ಇದೆ. ನಂತರದ ಸ್ಥಾನದಲ್ಲಿ ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್ (ಟಿಸಿಎಸ್) 2,55,084 ಕೋಟಿ ಮೌಲ್ಯ ಹೊಂದಿದೆ.

ನಂತರದ ಸ್ಥಾನಗಳಲ್ಲಿ ಒಎನ್ ಜಿಸಿ, ಕೋಲ್ ಇಂಡಿಯಾ, ಐಟಿಸಿ ಇದ್ದು ಆಮೇಲೆ ಎಸ್ ಬಿಐ ನಂತರ ಎಚ್ ಡಿಎಫ್ ಸಿ ಕಾಣಿಸಿಕೊಂಡಿದೆ. 8ನೇ ಸ್ಥಾನದಲ್ಲಿ ಎನ್ ಟಿಪಿಸಿ, ಇನ್ಫೋಸಿಸ್ ಹಾಗೂ ಐಸಿಐಸಿಐ ಕಾಣಿಸಿಕೊಂಡಿದೆ. ಭಾರ್ತಿ ಏರ್ ಟೆಲ್ ಈ ತ್ರೈಮಾಸಿಕದಲ್ಲೂ ಟಾಪ್ 10 ಪಟ್ಟಿಯಿಂದ ಹೊರಬಿದ್ದಿದೆ.

ಬಿಎಸ್ ಇನಲ್ಲಿ ಎಸ್ ಬಿಐ ಷೇರುಗಳು ಮಧ್ಯಾಹ್ನ 1 ಗಂಟೆ ವೇಳೆಗೆ 2249.00 ರು ನಂತೆ ಶೇ 1.65ರಷ್ಟು ಏರಿಕೆ ಕಂಡಿದೆ. ಎನ್ ಎಸ್ ಇನಲ್ಲಿ 2249.00 ರು ನಂತೆ ಶೇ 1.62ರಷ್ಟು ಪ್ರಗತಿ ಸಾಧಿಸಿದೆ.

ಇದೇ ವೇಳೆ ಎಚ್ ಡಿಎಫ್ ಸಿ ಷೇರುಗಳು ಬಿಎಸ್ ಇನಲ್ಲಿ 628.50 ರು ನಂತೆ ಶೇ 0.52 ರಷ್ಟು ಏರಿಕೆ ಕಂಡಿದೆ. ಎನ್ ಎಸ್ ಇನಲ್ಲಿ 628.50 ರು ನಂತೆ ಶೇ 0.54 ರಷ್ಟು ಏರಿದೆ.

ಬಿಎಸ್ ಇನಲ್ಲಿ ನೋಂದಾಯಿತ ಸಂಸ್ಥೆಯ ಮಾರುಕಟ್ಟೆ ಮೌಲ್ಯವು ಪ್ರತಿದಿನದ ಮಾರುಕಟ್ಟೆ ಏರಿಳಿತ ಹಾಗೂ ಷೇರು ಮೌಲ್ಯದ ಮೇಲೆ ಬದಲಾವಣೆಗೆ ಒಳಪಟ್ಟಿರುತ್ತದೆ. ಇಲ್ಲಿ ನೀಡಿರುವ ಅಂಕಿ ಅಂಶಗಳು ಸೋಮವಾರ, 24,2012ಕ್ಕೆ ಅನ್ವಯವಾಗುವಂತೆ ಮಾತ್ರ ಇದೆ ಎಂದು ಓದಿಕೊಳ್ಳತಕ್ಕದ್ದು.