ಹೊಸ ವರ್ಷಕ್ಕೆ ಇನ್ಫಿ ಏನು ನೀಡಿದೆ

ವಿದೇಶಿ ಬಂಡವಾಳ ಹೂಡಿಕೆ ಬ್ಯಾಂಕ್ ಜೆಪಿ ಮಾರ್ಗನ್ ಪ್ರಕಾರ ' ನ್ಯಾಸ್ ಕಾಂ FY14 ಪ್ರಗತಿ ಅಂದಾಜಿಗಿಂತ ಕೆಳ ಮಟ್ಟದ ಆದಾಯ ಪ್ರಗತಿ ಶೇ 10-12 ರಷ್ಟು USD ಅಂದಾಜಿನಲ್ಲಿ ಸಾಗಿದರೆ ಉತ್ತಮ ಎಂದು ಹೇಳಲಾಗಿತ್ತು.

ಆದರೆ, ಇನ್ಫೋಸಿಸ್ ಶೇ 6 ರಿಂದ 10 ರಷ್ಟು ಆದಾಯ ಪ್ರಗತಿ ಸೂಚಿಸಿ ನಿರಾಶೆ ಮೂಡಿಸಿದೆ. ಲೋಡ್ ಸ್ಟೋನ್ ಖರೀದಿ ಕೂಡಾ ಇನ್ಫಿಗೆ ಬಲ ನೀಡಬೇಕಿತ್ತು.

ಷೇರುಪೇಟೆಯಲ್ಲಿ ಭಾರಿ ಕುಸಿತ

ಯುಗಾದಿ ಮಾರನೇ ದಿನ ಹೊರ ಬಿದ್ದ ತ್ರೈಮಾಸಿಕ ವರದಿ ನಂತರ ಬಿಎಸ್ ಇಯಲ್ಲಿ ಶುಕ್ರವಾರ (ಏ.12) ಮಾರುಕಟ್ಟೆ ಮುಕ್ತಾಯದ ವೇಳೆಗೆ 2295.45 ರು ನಂತೆ ಶೇ 21.33 ರಷ್ಟು ಕುಸಿತ ಕಂಡಿದೆ. 2917.85 ರು ನಂತೆ ದಿನದ ವಹಿವಾಟು ಆರಂಭಗೊಂಡಿತ್ತು. 622 ರು ಲಾಸ್ ಒಂದೇ ದಿನದಲ್ಲಿ ಕಂಡಿದೆ.

ಇದೇ ವೇಳೆ ಎನ್ ಎಸ್ ಇನಲ್ಲಿ 2296.65 ರು ನಂತೆ ಶೇ 21.66 ರಷ್ಟು ಕುಸಿತ ಕಂಡಿದೆ. ದಿನದ ಆರಂಭದಲ್ಲಿ 2916.70 ರು ನಂತೆ ವಹಿವಾಟು ಆರಂಭವಾಗಿತ್ತು.

ಡಾಲರ್ ಆದಾಯ ನಿರೀಕ್ಷೆ

Q2 Year-on-Year ನಲ್ಲಿ 7.343 ಬಿಲಿಯನ್ ಡಾಲರ್ ಆದಾಯ ನಿರೀಕ್ಷೆ ಹೊತ್ತಿದ್ದ ಇನ್ಫೋಸಿಸ್ Q3 ತ್ರೈಮಾಸಿಕ ವರದಿ ಹೂಡಿಕೆದಾರರಿಗೆ ನಿರಾಶೆ ಮೂಡಿಸಿತ್ತು.

Q4 ನಲ್ಲೂ ಕೂಡಾ 1938 ಯುಎಸ್ ಮಿಲಿಯನ್ ಡಾಲರ್ ನಂತೆ ಆದಾಯ ಬಂದಿದೆ. ಮಾರುಕಟ್ಟೆ ತಜ್ಞರ ನಿರೀಕ್ಷೆ 1987 ಯುಎಸ್ ಮಿಲಿಯನ್ ಡಾಲರ್ ನಷ್ಟಿತ್ತು.

ಉದ್ಯೋಗ ಅವಕಾಶ

ಆದರೆ ಹೊಸ ನೇಮಕಾತಿ ಇಲ್ಲ ಎಂದು ಮತ್ತೊಮ್ಮೆ ಸ್ಪಷ್ಟವಾಗಿ ಇನ್ಫೋಸಿಸ್ ಹೇಳಿದೆ. ಕ್ಯಾಂಪಸ್ ಸಂದರ್ಶನದ ಮೂಲಕ ನೇಮಕಾತಿಯನ್ನು 27,000ಕ್ಕೆ ಇಳಿಸಿದ್ದ ಇನ್ಫೋಸಿಸ್ ಈಗ ಈ ಪೈಕಿ 17,000 ನೇಮಕಾತಿಯನ್ನು ವಿಳಂಬಗೊಳಿಸಿತ್ತು. ಇನ್ನೂ cost cutting ಮಂತ್ರ ಜಪಿಸುತ್ತಿದೆ.

EBIT ಮಾರ್ಜಿನ್

ಮಾರುಕಟ್ಟೆ ನಿರೀಕ್ಷೆ ಪ್ರಕಾರ EBIT ಶೇ 25 ರಷ್ಟಿರಬೇಕಿತ್ತು. ಆದರೆ, EBIT ಮಾರ್ಜಿನ್ ಶೇ 23.55 ದಾಟಿಲ್ಲ. ಆನ್ ಸೈಟ್ ಉದ್ಯೋಗಿಗಳಿಗೆ ಸಂಬಳ ಏರಿಕೆ ಮುಂತಾದ ಮಾರ್ಜಿನ್ ಬಗ್ಗೆ ಸ್ಪಷ್ಟನೆ ಇಲ್ಲ.

ನಿವ್ವಳ ಆದಾಯ ಇತರೆ ಸಂಪನ್ಮೂಲ

ಇನ್ಫೋಸಿಸ್ ಸಂಸ್ಥೆಯ ನಿವ್ವಳ ಲಾಭ 2394 ಕೋಟಿ ರು ಬಂದಿದ್ದು ನಿರೀಕ್ಷೆಗೆ ತಕ್ಕ ಫಲ ಸಿಕ್ಕಿದೆ. ಆದರೆ, Earnings Per Share ಬಗ್ಗೆ ಯಾವುದೇ ಮಾರ್ಗದರ್ಶನ ಇಲ್ಲದಿರುವುದರಿಂದ ಪ್ರಸಕ್ತ ವರ್ಷದ ತ್ರೈಮಾಸಿಕ ವರದಿಗಳಲ್ಲಿ ಮತ್ತೊಮ್ಮೆ ಏರುಪೇರು ನಿರೀಕ್ಷಿಸಬಹುದು.