ಟಾಟಾ ಕೆಮಿಕಲ್ಸ್ ಕಂಪನಿಯು ಯೂರಿಯಾ ಮಾರಾಟ ವ್ಯವಹಾರವನ್ನು ಯಾರಾ ಫರ್ಟಿಲೈಜರ್ಸ್ ಇಂಡಿಯಾ ಪ್ರೈ. ಲಿ. ಕಂಪನಿಗೆ 2,670 ಕೋಟಿಗೆ ಮಾರಾಟ ಮಾಡುವುದಾಗಿ ಬುಧವಾರ ತಿಳಿಸಿದೆ.

ಇಂದು ನಡೆದ ಸಭೆಯಲ್ಲಿ ಟಾಟಾ ಕೆಮಿಕಲ್ಸ್ ಕಂಪನಿಯಿಂದ ಉತ್ಪಾದಿಸಲ್ಪಡುವ ಯೂರಿಯಾ ಮತ್ತು ಇನ್ನಿತರ ಗೊಬ್ಬರ ಉತ್ಪನ್ನಗಳನ್ನು ಯಾರಾ ಫರ್ಟಿಲೈಜರ್ಸ್ ಇಂಡಿಯಾ ಪ್ರೈ. ಲಿ. ಕಂಪನಿಗೆ ಮಾರಾಟ ಮಾಡುವುದಾಗಿ ನಿರ್ದೇಶಕರ ಮಂಡಳಿ ಮತ್ತು ಅಡಿಟಿಂಗ್ ಮಂಡಳಿ ನಿರ್ಧರಿಸಿ ನಿರ್ಣಯಗಳನ್ನು ಕೈಗೊಂಡಿದೆ.

ಯೂರಿಯಾ ವ್ಯವಹಾರದ ಜತೆಗೆ ಸ್ವತ್ತು, ಹೊಣೆಗಾರಿಕೆ, ಬಾಧ್ಯತೆಗಳು, ಒಪ್ಪಂದಗಳು, ಡೀಡ್ಸ್ ಇತ್ಯಾದಿ ವ್ಯವಹಾರ ಸಂಬಂಧಿ ದಾಖಲಾತಿಗಳನ್ನು ವರ್ಗಾವಣೆ ಮಾಡಲಾಗಿದೆ. ಯಾರಾ ಫರ್ಟಿಲೈಜರ್ಸ್ ಇಂಡಿಯಾ ಪ್ರೈ. ಲಿ. ಪರಿಣಾಮಕಾರಿಯಾಗಿ ಉತ್ಪನ್ನಗಳನ್ನು ಮಾರಾಟ ಮಾಡುವ ದೃಷ್ಟಿಯಿಂದ ಅನೇಕ ಯೋಜನೆಗಳನ್ನು ಹಾಕಿಕೊಂಡಿದೆ.

ಈ ವ್ಯವಹಾರ ವಿಶೇಷ ಉತ್ಪನ್ನಗಳು ಮತ್ತು ಕಾಂಪ್ಲೆಕ್ಸ್ ಗೊಬ್ಬರ ಒಳಗೊಂಡಿಲ್ಲ.