ಬಿಲ್ ಗೇಟ್ಸ್

ಪೋರ್ಬ್ಸ್ ಬಿಡುಗಡೆ ಮಾಡಿರುವ 2016ರ ವಿಶ್ವದ ನೂರು ಶ್ರೀಮಂತ ಶತಕೋಟಿ ಉದ್ಯಮಿಗಳ ಪಟ್ಟಿಯಲ್ಲಿ ಮೈಕ್ರೊಸಾಫ್ಟ್ ದಿಗ್ಗಜ ಬಿಲ್ ಗೇಟ್ಸ್ ಈ ಬಾರಿಯೂ ಅಗ್ರ ಸ್ಥಾನ ಪಡೆದಿದ್ದಾರೆ.
ಇವರು USD 78.4 ಬಿಲಿಯನ್ ಆಸ್ತಿ ಒಡೆಯರಾಗಿದ್ದಾರೆ.
ಮೈಕ್ರೊಸಾಫ್ಟ್ ಅಮೆರಿಕಾದ ಎಂಎನ್ಸಿ ಕಂಪನಿಯಾಗಿದ್ದು, ಕಂಪ್ಯೂಟರ್ ಕ್ಷೇತ್ರದಲ್ಲಿ ಜಾಗತಿಕವಾಗಿ ಮೊದಲ ಸ್ಥಾನದಲ್ಲಿದೆ.

ಜೆಫ್ ಬಿಜೋಸ್

ಅಮೆರಿಕಾ ಮೂಲದ ಉದ್ಯಮಿಯಾದ ಇವರು ಟೆಕ್ ಅಮೆಜಾನ್ ಕಂಪನಿಯ ಸಿಇಒ ಮತ್ತು ಸಂಸ್ಥಾಪಕರು.
ಜೆಫ್ ಬಿಜೋಸ್ ಪೋರ್ಬ್ಸ್ ಬಿಡುಗಡೆ ಮಾಡಿರುವ 2016ರ ವಿಶ್ವದ ನೂರು ಶ್ರೀಮಂತ ಶತಕೋಟಿ ಉದ್ಯಮಿಗಳ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದ್ದಾರೆ.
ಇವರು USD 67 ಬಿಲಿಯನ್ ಆಸ್ತಿ ಒಡೆಯರಾಗಿದ್ದಾರೆ.
ಅಮೆಜಾನ್.ಕಾಮ್ ಜಗತ್ತಿನ ಪ್ರತಿಷ್ಠಿತ ಇ-ಕಾಮರ್ಸ್, ಆನ್ಲೈನ್ ಮಾರುಕಟ್ಟೆಯ ಬೃಹತ್ ಕಂಪನಿಯಾಗಿದೆ.

ಮಾರ್ಕ್ ಜುಗರ್ ಬರ್ಗ್

ಅಮೆರಿಕಾ ಮೂಲದ ಮಾರ್ಕ್ ಜುಗರ್ ಬರ್ಗ್ ಪ್ರಸಿದ್ದ ಅಂತರ್ಜಾಲ ಉದ್ಯಮಿ, ಪ್ರೋಗ್ರಾಮರ್ ಆಗಿದ್ದಾರೆ.
ಇವರು ಪೇಸ್ಬುಕ್ ಸಂಸ್ಥೆಯ ಚೇರಮನ್, ಸಿಇಒ ಮತ್ತು ಸಹಸಂಸ್ಥಾಪಕರಾಗಿದ್ದಾರೆ.
ಇವರ ನೇತೃತ್ವದಲ್ಲಿ ಸಾಮಾಜಿಕ ಮಾದ್ಯಮವಾದ ಪೇಸ್ಬುಕ್ ಸಂಸ್ಥೆ ಮಹತ್ತರ ಸಾಧನೆ ಮಾಡಿದೆ.
ಇವರು USD 53.9 ಬಿಲಿಯನ್ ಆಸ್ತಿ ಹೊಂದಿದ್ದಾರೆ.

ಲ್ಯಾರಿ ಎಲಿಸನ್

ಲ್ಯಾರಿ ಎಲಿಸನ್ ಅಮೆರಿಕಾದ ಉದ್ಯಮಿ ಹಾಗೂ ಓರಾಕಲ್ ಸಂಸ್ಥೆಯ ಸಹ ಸಂಸ್ಥಾಪಕ ಮತ್ತು ಸಿಇಒ ಆಗಿದ್ದಾರೆ.
ಲ್ಯಾರಿ ಎಲಿಸನ್ USD 51.9 ಬಿಲಿಯನ್ ಆಸ್ತಿಯ ಒಡೆಯರಾಗಿದ್ದಾರೆ.

ಜಾಕ್ ಮಾ

ಜಾಕ್ ಮಾ ಚೀನಾ ಉದ್ಯಮ ದಿಗ್ಗಜ ಮತ್ತು ಸಮಾಜಸೇವಕ. ಇವರು ಅಲಿಬಾಬಾ ಗ್ರೂಪ್ ನ ಸಂಸ್ಥಾಪಕ ಮತ್ತು ಸಿಇಒ ಆಗಿದ್ದಾರೆ. ಇದು ಇಂಟರ್‌ನೆಟ್ ಕ್ಷೇತ್ರದ ಬೃಹತ್ ಕಂಪನಿಯಾಗಿದೆ.
ಪೋರ್ಬ್ಸ್ ಬಿಡುಗಡೆ ಮಾಡಿರುವ 2016ರ ವಿಶ್ವದ ನೂರು ಶ್ರೀಮಂತ ಶತಕೋಟಿ ಉದ್ಯಮಿಗಳ ಪಟ್ಟಿಯಲ್ಲಿ ಎಂಟನೇ ಸ್ಥಾನ ಪಡೆದಿದ್ದಾರೆ. ಏಷ್ಯಾದಲ್ಲಿ ಮೊದಲ ಸ್ಥಾನ ಪಡೆದಿದ್ದಾರೆ.
ಇವರು USD 32.8 ಬಿಲಿಯನ್ ಆಸ್ತಿಯ ಒಡೆಯರಾಗಿದ್ದಾರೆ.

ಅಜೀಂ ಪ್ರೇಮ್ ಜಿ

ಅಜೀಂ ಪ್ರೇಮ್ ಜಿ ಭಾರತ ಮೂಲದ ಉದ್ಯಮಿ, ಸಮಾಜಸೇವಕ ಮತ್ತು ಹೂಡಿಕೆದಾರ. ಇವರು ವಿಪ್ರೊ ಸಂಸ್ಥೆಯ ಅಧ್ಯಕ್ಷರು.
ಪೋರ್ಬ್ಸ್ ಬಿಡುಗಡೆ ಮಾಡಿರುವ 2016ರ ವಿಶ್ವದ ನೂರು ಶ್ರೀಮಂತ ಶತಕೋಟಿ ಉದ್ಯಮಿಗಳ ಪಟ್ಟಿಯಲ್ಲಿ 13ನೇ ಸ್ಥಾನದಲ್ಲಿದ್ದಾರೆ. ಇವರು USD ೧೬ ಬಿಲಿಯನ್ ಆಸ್ತಿಯ ಒಡೆಯರಾಗಿದ್ದಾರೆ.

ಶಿವ ನಾಡಾರ್

ಇವರು ಭಾರತದ ಉದ್ಯಮಿ ಮತ್ತು ಸಮಾಜಸೇವಕ. ಎಚ್ಸಿಎಲ್ ಕಂಪನಿ ಸಂಸ್ಥಾಪಕ ಅಧ್ಯಕ್ಷರಾಗಿದ್ದಾರೆ.
ಪೋರ್ಬ್ಸ್ ನೂರು ಶ್ರೀಮಂತ ಶತಕೋಟಿ ಉದ್ಯಮಿಗಳ ಪಟ್ಟಿಯಲ್ಲಿ 17ನೇ ಸ್ಥಾನದಲ್ಲಿದ್ದು, ಇವರು USD 11.6 ಬಿಲಿಯನ್ ಆಸ್ತಿಯ ಒಡೆಯರಾಗಿದ್ದಾರೆ.

ಅಮೆರಿಕಾ ಮೇಲುಗೈ

ಪೋರ್ಬ್ಸ್ ಬಿಡುಗಡೆ ಮಾಡಿರುವ ೨೦೧೬ರ ವಿಶ್ವದ ನೂರು ಶ್ರೀಮಂತ ಶತಕೋಟಿ ಉದ್ಯಮಿಗಳ ಪಟ್ಟಿಯಲ್ಲಿ ಅರ್ಧದಷ್ಟು ಜನರು ಅಮೇರಿಕಾದವರೇ ಆಗಿದ್ದು, ಮೊದಲ 8 ಸ್ಥಾನಗಳನ್ನು ಪಡೆದಿದ್ದಾರೆ. ಅಮೇರಿಕಾದವರು 50 ಉದ್ಯಮಿಗಳು ಮತ್ತು ಚೀನಾದವರು 9 ಉದ್ಯಮಿಗಳಿದ್ದಾರೆ.

ಮಹಿಳಾ ಉದ್ಯಮಿಗಳು

ಕೇವಲ ಐದು ಮಹಿಳಾ ಉದ್ಯಮಿಗಳು ಮಾತ್ರ ಪೋರ್ಬ್ಸ್ ಬಿಡುಗಡೆ ಮಾಡಿರುವ 2016ರ ವಿಶ್ವದ ನೂರು ಶ್ರೀಮಂತ ಶತಕೋಟಿ ಉದ್ಯಮಿಗಳ ಪಟ್ಟಿಯಲ್ಲಿ ಸ್ಥಾನ ಪಡೆಯಲು ಸಫಲರಾಗಿದ್ದಾರೆ.
ಮೆಗ್ ವ್ಹಿಟ್ಮ್ಯಾನ್, ಝೌ ಕ್ವಾನ್ಪೈ, ಡೆನಿಸ್ ಕೋಟ್ಸ್, ಲ್ಯಾಮ್ ವಾಯ್ ಯಿಂಗ್ ಮುಂತಾದವರು ಈ ಪಟ್ಟಿಯಲ್ಲಿದ್ದಾರೆ.