ಜಾಗತಿಕ ಗೋಪ್ಯತಾ ನೀತಿಯನ್ನು ಪರಿಷ್ಕರಿಸಿರುವ ಮೆಸೇಜಿಂಗ್ ಸೇವಾದಾತ ಸಂಸ್ಥೆ ವಾಟ್ಸ್ಆಪ್, ಬಳಕೆದಾರರ ದೂರವಾಣಿ ಸಂಖ್ಯೆ ಮಾಹಿತಿಯನ್ನು ತನ್ನ ಮಾತೃಸಂಸ್ಥೆ ಫೇಸ್ಬುಕ್ ಜತೆ ಹಂಚಿಕೊಳ್ಳಲಿದೆ. ಜಾಗತಿಕವಾಗಿ ನೂರು ಕೋಟಿಗೂ ಹೆಚ್ಚು ಜನರು ವಾಟ್ಸ್ಆಪ್ ಬಳಸುತ್ತಿದ್ದಾರೆ.

ಫೇಸ್ಬುಕ್ ಗೆ ಏನು ಲಾಭ?
ವಾಟ್ಸ್ಆಪ್ ಬಳಕೆದಾರರ ದೂರವಾಣಿ ಸಂಖ್ಯೆಗಳನ್ನು ತನ್ನ ಮಾತೃಸಂಸ್ಥೆ ಫೇಸ್ಬುಕ್ ಜತೆ ಹಂಚಿಕೊಳ್ಳುವುದರಿಂದ ತನ್ನ ಜಾಹೀರಾತು ವಲಯವನ್ನು ಫೇಸ್ಬುಕ್ ವ್ಯಾಪಕವಾಗಿ ವಿಸ್ತರಿಸಿಕೊಳ್ಳಲಿದೆ.

ಯಾವುದೇ ಕಾರಣಕ್ಕೂ ಸಂದೇಶಗಳನ್ನು ಮೂರನೆ ವ್ಯಕ್ತಿಯೊಂದಿಗೆ ಹಂಚಿಕೊಳ್ಳುವುದಿಲ್ಲ ಎಂದು ವಕ್ತಾರರು ತಿಳಿಸಿದ್ದಾರೆ.

ಆಕ್ಷೇಪ
ವಾಟ್ಸ್ಆಪ್ ಬಳಕೆದಾರರ ಮಾಹಿತಿಯನ್ನು ಫೇಸ್ಬುಕ್ ಕೆದಕಲಿದೆ ಎಂದು ಬಳಕೆದಾರರ ಖಾಸಗಿತನದ ಪ್ರತಿಪಾದಕರು ಆಕ್ಷೇಪ ವ್ಯಕ್ತ ಪಡಿಸಿದ್ದಾರೆ.