ಅಗ್ಗದ ದರದಲ್ಲಿ ಮನೆ ಹೊಂದಲು ಪಿಎಫ್ ಚಂದಾದಾರರಿಗೆ ಇಪಿಎಫ್ಒ ಸಂಘಟನೆ ಶುಭ ಸುದ್ದಿಯನ್ನು ಹೊರತಂದಿದೆ.

ಕಡಿಮೆ ದರದಲ್ಲಿ ಮನೆ ಖರೀದಿಸಲು ಭವಿಷ್ಯ ನಿಧಿ ಒತ್ತೆ ಇಡುವ ವಿಶಿಷ್ಟವಾದ ಯೋಜನೆಯನ್ನು ಕಾರ್ಮಿಕರ ಭವಿಷ್ಯ ನಿಧಿ ಸಂಘಟನೆ(ಇಪಿಎಫ್ಒ) ಬರುವ ಹಣಕಾಸು ವರ್ಷದಿಂದ(2017-18) ಜಾರಿಗೆ ತರಲಿದೆ.

ಇದು ಇಪಿಎಫ್ಒ ನಾಲ್ಕು ಕೋಟಿಗೂ ಹೆಚ್ಚಿನ ಚಂದಾದಾರರಿಗೆ ಅಗ್ಗದ ಮನೆ ಖರೀದಿಸಲು ನೆರವಾಗಲಿದೆ. ಭವಿಷ್ಯ ನಿಧಿಯ ಹಣವನ್ನು ಆನ್ಲೈನ್ ಮೂಲಕ ವಾಪಸ್ಸು ಪಡೆಯಲು ಮಾರ್ಚ್ ಅಂತ್ಯದ ಹೊತ್ತಿಗೆ ಅಂತಿಮಗೊಳಿಸಲು ಯೋಜಿಸಲಾಗುತ್ತಿದೆ. ತದನಂತರವಷ್ಟೇ ಪಿಎಫ್ ಅಡಮಾನದಲ್ಲಿ ಮನೆ ಖರೀದಿಗೆ ಚಾಲನೆ ನೀಡಲಾಗುವುದು. ಪಿಎಫ್ ಅಡಮಾನದಲ್ಲಿ ಶೀಘ್ರ ಸ್ವಂತ ಮನೆ ಖರೀದಿ!

ಪಿಎಫ್ ಖಾತೆ ಮೂಲಕ ತಿಂಗಳ ಸಮಾನ ಕಂತಿನಲ್ಲಿ ಸಾಲ ಮರುಪಾವತಿ ಮಾಡಲು ಅವಕಾಶ ಮಾಡಿಕೊಡಲಾಗುವುದು ಎಂದು ಕೇಂದ್ರಿಯ ಭವಿಷ್ಯ ನಿಧಿ ಆಯುಕ್ತ ವಿ. ಪಿ. ಜಾಯ್ ತಿಳಿಸಿದ್ದಾರೆ.