2016-17ನೇ ಸಾಲಿನ ಮೊದಲಾರ್ಧದಲ್ಲಿ ದೇಶದಲ್ಲಿ ವಿದೇಶಿ ನೇರ ಬಂಡವಾಳ 21.62 ಬಿಲಿಯನ್ ಶೇ. 30ರಷ್ಟು ಹೆಚ್ಚಾಗಿದೆ.

2015-16ರ ಏಪ್ರಿಲ್-ಸೆಪ್ಟಂಬರ್ ಆರ್ಥಿಕ ಅವಧಿಯಲ್ಲಿ ಭಾರತ 16.63 ಬಿಲಿಯನ್ ವಿದೇಶಿ ನೇರ ಬಂಡವಾಳ ಪಡೆದಿದೆ. ಸುಲಭ ವ್ಯವಹಾರ ಹಾಗೂ ವಿದೇಶಿ ನೇರ ಬಂಡವಾಳ ನೀತಿಯ ಸರಳತೆಯಿಂದಾಗಿ ಹೆಚ್ಚೆಚ್ಚು ಎಪ್ಡಿಐ ಆಕರ್ಷಿಸಲು ಸಹಾಯಕವಾಗಿದೆ.

ಪ್ರಸ್ತುತ ನಾಗರಿಕ ವಿಮಾನಯಾನ ಮತ್ತು ನಿರ್ಮಾಣ ಕ್ಷೇತ್ರಗಳು ವಿದೇಶಿ ಬಂಡವಾಳ ಆಕರ್ಷಣೆಯ ಕೇಂದ್ರ ಬಿಂದುಗಳಾಗಿವೆ. ಈ ಕ್ಷೇತ್ರ ಕಂಪ್ಯೂಟರ್ ಯಂತ್ರಾಂಶ, ತಂತ್ರಾಂಶ, ವ್ಯಾಪಾರ, ವಾಹನ ಉದ್ಯಮ ಹಾಗೂ ರಾಸಾಯನಿಕಗಳ ಒಳಹರಿವನ್ನು ಹೆಚ್ಚಿನ ಪ್ರಮಾಣದಲ್ಲಿ ಪಡೆದಿದೆ. ಭಾರತ ಮಾರಿಷಸ್, ಸಿಂಗಾಪುರ, ನೆದರ್ಲ್ಯಾಂಡ್ಸ್ ಮತ್ತು ಜಪಾನ್ ದೇಶಗಳಿಂದ ಗರಿಷ್ಠ ವಿದೇಶಿ ಬಂಡವಾಳ ಪಡೆಯುತ್ತಿದೆ.

ವಿದೇಶಿ ಹೂಡಿಕೆ ಬೆಳವಣಿಗೆಯೂ ದೇಶದ ಬ್ಯಾಲೆನ್ಸ್‍ ಆಫ್ ಪೇಮೆಂಟ್(BoP) ಹಾಗೂ ರೂಪಾಯಿಯನ್ನು ಪ್ರಬಲಗೊಳಿಸಲು ಸಹಕಾರಿಯಾಗಬಲ್ಲದು ಎಂದು ಭಾವಿಸಲಾಗಿದೆ.