ಜಾಗತಿಕವಾಗಿ ಅಮೆರಿಕಾ ಅಧ್ಯಕ್ಷೀಯ ಚುನಾವಣೆ ಹಾಗೂ ದೇಶಿಯವಾಗಿ ನೋಟುಗಳ ಚಲಾವಣೆ ರದ್ದತಿ ಎರಡು ಭಾರೀ ಸದ್ದು ಮಾಡುತ್ತಿರುವ ಸುದ್ದಿಗಳು. ಈ ಎರಡು ಸುದ್ದಿಗಳು ಷೇರುಪೇಟೆ ಹಾಗೂ ಚಿನ್ನ ಬೆಳ್ಳಿ ಬೆಲೆಗಳ ಮೇಲೆ ಭಾರೀ ಪರಿಣಾಮವನ್ನೇ ಉಂಟು ಮಾಡಿವೆ.ಭಾರತದಲ್ಲಿ ಚಿನ್ನದ ದರ

ಕೇಂದ್ರ ಸರ್ಕಾರ ರೂ. 500, 1000 ಮುಖಬೆಲೆಯ ನೋಟುಗಳ ಚಲಾವಣೆ ರದ್ದುಪಡಿಸಿದ ಪ್ರಭಾವ ಚಿನ್ನ ಬೆಳ್ಳಿ ಮಾರಾಟದ ಮೇಲೆ ಉಂಟಾಗಿದ್ದು, ನೋಟುಗಳ ಮೇಲೆ ನಿರ್ಬಂಧ ಹಾಕಿದ ನಂತರ ಬೆಳ್ಳಿ ದರದಲ್ಲಿ ರೂ. 200 ಏರಿಕೆಯಾಗಿದೆ ಎನ್ನಲಾಗಿದೆ.

ಒಂದು ಕೆ.ಜಿ ಬೆಳ್ಳಿ ದರದಲ್ಲಿ ಶೇ. 35ರಷ್ಟು ಹೆಚ್ಚಳ ಕಂಡಿದ್ದು, ಎರಡು ಸಾವಿರ ಏರಿಕೆಯಾಗುವ ಮೂಲಕ 43,500ಕ್ಕೆ ಹೆಚ್ಚಳ ಕಂಡಿದೆ. ಬೆಂಗಳೂರಿನಲ್ಲಿ 24 ಕ್ಯಾರೆಟ್ ಚಿನ್ನದ ದರ ರೂ. 31,020(10 ಗ್ರಾಂ) ಏರಿಕೆ ಕಂಡಿದೆ.

ವಿಶ್ವ ಚಿನ್ನ ಮಂಡಳಿ ವರದಿ ಪ್ರಕಾರ ಚಿನ್ನದ ಬೇಡಿಕೆಯಲ್ಲಿ ಕುಸಿತ ಕಂಡಿದ್ದರೂ, ಕೇಂದ್ರ ಸರ್ಕಾರ ರೂ. 500, 1000 ಮುಖಬೆಲೆಯ ನೋಟುಗಳ ಚಲಾವಣೆ ನಿಷೇಧಿಸಿರುವ ಹಿನ್ನೆಲೆಯಲ್ಲಿ ಚಿನ್ನ ಬೆಳ್ಳಿ ಬೇಡಿಕೆಯಲ್ಲಿ ಏರಿಕೆಯಾಗಿದೆ.