ಹಳೆ ನೋಟುಗಳ ನಿಷೇಧದಿಂದ ಉಂಟಾಗಿರುವ ಗೊಂದಲಗಳನ್ನು ಹತೋಟಿಗೆ ತರಲು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯ ಮುಂದಾಗಿದ್ದು, ಇದೀಗ ಓವರ್ ಡ್ರಾಪ್ಟ್ ಮತ್ತು ನಗದು ಕ್ರೆಡಿಟ್ ಖಾತೆದಾರರು ವಾರಕ್ಕೆ ರೂ. 50,000 ವಿತ್ ಡ್ರಾ ಮಾಡಬಹುದು ಎಂದು ಆರ್ಬಿಐ ತಿಳಿಸಿದೆ.

ಈ ಹಿಂದೆ ಚಾಲ್ತಿ ಖಾತೆದಾರರು ಮಾತ್ರ ಒಂದು ವಾರಕ್ಕೆ ರೂ. 50,000 ನಗದು ಹಣವನ್ನು ವಿತ್ ಡ್ರಾ ಮಾಡಿಕೊಳ್ಳಬಹುದಾಗಿತ್ತು.

ಕಳೆದ ಮೂರು ತಿಂಗಳು ಅಥವಾ ಅದಕ್ಕಿಂತ ಹೆಚ್ಚಿನ ತಿಂಗಳುಗಳಿಂದ ಚಾಲ್ತಿ ಖಾತೆ/ಓವರ್ ಡ್ರಾಪ್ಟ್/ನಗದು ಕ್ರೆಡಿಟ್ ಖಾತೆ ಹೊಂದಿರುವವರು ವಾರಕ್ಕೆ ರೂ. 50,000 ನಗದು ಹಣವನ್ನು ವಿತ್ ಡ್ರಾ ಮಾಡಬಹುದಾಗಿದೆ. ಈ ಮಿತಿ ವೈಯಕ್ತಿಕ ಓವರ್ ಡ್ರಾಪ್ಟ್ ಖಾತೆಗಳಿಗೆ ಅನ್ವಯಿಸುವುದಿಲ್ಲ.