ನೋಟು ರದ್ದತಿ ನಂತರ ಕೇಂದ್ರ ಸರ್ಕಾರ ಡಿಜಿಟಲ್ ವ್ಯವಹಾರಕ್ಕೆ ಹೆಚ್ಚು ಪ್ರಾಮುಖ್ಯತೆ ನೀಡುತ್ತಿದ್ದು, ಹಲವು ಯೋಜನೆಗಳನ್ನು ಕಾರ್ಯರೂಪಕ್ಕೆ ತರಲು ನಿರತವಾಗಿದೆ.

ನಗದು ರಹಿತ ವ್ಯವಹಾರ ಪ್ರಚಾರಕ್ಕಾಗಿ ದೇಶದಾದ್ಯಂತ ಮುಂದಿನ ನಾಲ್ಕು ತಿಂಗಳ ಅವಧಿಯಲ್ಲಿ ಪಾಯಿಂಟ್ ಆಫ್ ಸೇಲ್(POS) ಟರ್ಮಿನಲ್ ಗಳಲ್ಲಿ ಹೆಚ್ಚುವರಿ 10 ಲಕ್ಷ ಅನುಸ್ಥಾಪಿಸುವಂತೆ ಕೇಂದ್ರ ಸರ್ಕಾರ ಬ್ಯಾಂಕುಗಳಿಗೆ ಕೇಳಿಕೊಂಡಿದೆ. ಈಗಾಗಲೇ ಆರು ಲಕ್ಷ POS ಯಂತ್ರಗಳನ್ನು ಅಳವಡಿಸಲು ಪೂರೈಸಲಾಗಿದ್ದು, ಮುಂದಿನ ಕೆಲ ದಿನಗಳಲ್ಲಿ ನಾಲ್ಕು ಲಕ್ಷ POS ಯಂತ್ರಗಳನ್ನು ಅಳವಡಿಸಲಾಗುವುದು ಎಂದು ಹಣಕಾಸು ಸಚಿವಾಲಯ ತಿಳಿಸಿದೆ.

ಪ್ರಸ್ತುತ ದೇಶದಾದ್ಯಂತ ಕಾರ್ಡ್ ಆಧಾರಿತ ಪಾವತಿ ಸುಲಭಗೊಳಿಸಲು ವ್ಯಾಪಾರಿಗಳು 15 ಲಕ್ಷ POS ಟರ್ಮಿನಲ್ ಗಳನ್ನು ಅಳವಡಿಸಿದ್ದಾರೆ. ಡಿಜಿಟಲ್ ಪಾವತಿ ವ್ಯವಸ್ಥೆ ವಿಸ್ತರಿಸಲು ಹಾಗೂ ನಗದು ರಹಿತ ವ್ಯವಹಾರ ಪ್ರೋತ್ಸಾಹಿಸಲು ಹೊಸ ಹತ್ತು ಲಕ್ಷ POS ಟರ್ಮಿನಲ್ ಗಳನ್ನು ಮಾರ್ಚ್ 31ರ ಒಳಗಾಗಿ ಸ್ಥಾಪಿಸಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ.