ಕಪ್ಪು ಹಣ ಅಥವಾ ಅಕ್ರಮ ಹಣ ಹೊಂದಿದವರಿಗೆ ತೆರಿಗೆ ವಿಧಿಸಿ ಕಪ್ಪುಹಣ ಸಕ್ರಮಗೊಳಿಸಲು ಅವಕಾಶ ನೀಡುವುದಕ್ಕಾಗಿ ಕೇಂದ್ರ ಸರ್ಕಾರ ಈ ವಾರ ಅಧಿಸೂಚನೆ ಹೊರಡಿಸಲಿದೆ ಎಂದು ತಿಳಿಸಿದೆ.

ಹಳೆ ನೋಟುಗಳ ನಿಷೇಧದ ನಂತರ ಬ್ಯಾಂಕಿಗೆ ದಾಖಲೆ ರಹಿತ ಹಣ ಜಮಾ ಮಾಡಿದವರು ಈ ಅವಕಾಶ ಬಳಸಿಕೊಳ್ಳಬಹುದಾಗಿದೆ. ಹಣ ಜಮೆ ಮಾಡಿದ ನಂತರ ಶೇ. 50ರಷ್ಟು ತೆರಿಗೆ ಮತ್ತು ದಂಡ ರೂಪದಲ್ಲಿ ಪಾವತಿಸಬೇಕಾಗುತ್ತದೆ.

ಪ್ರಧಾನ ಮಂತ್ರಿ ಗರೀಬ್ ಕಲ್ಯಾಣ ಯೋಜನೆ

ಪ್ರಧಾನ ಮಂತ್ರಿ ಗರೀಬ್ ಕಲ್ಯಾಣ ಯೋಜನೆಯ (ಪಿಎಂಜಿಕೆವೈ) ಅಧಿಸೂಚನೆ ಈ ವಾರ ಪ್ರಕಟವಾಗಲಿದ್ದು, ಕಪ್ಪುಹಣ/ಅಕ್ರಮ ಹಣದ ಮೇಲೆ ವಿಧಿಸಲಾಗುವ ತೆರಿಗೆ ಮತ್ತು ದಂಡಗಳನ್ನು ಗರೀಬ್ ಕಲ್ಯಾಣ ಯೋಜನೆಗೆ ಅನುಷ್ಠಾನಕ್ಕೆ ಬಳಸಿಕೊಳ್ಳಲಾಗುವುದು. ಬ್ಯಾಂಕಿಗೆ ಇಡಲಾಗುವ ಕಪ್ಪುಹಣದ ಮೊತ್ತದ ಶೇ. 25ರಷ್ಟನ್ನು 4 ವರ್ಷ ಠೇವಣಿ ಇರಿಸಬೇಕಾಗಿದ್ದು, ಇದು ಬಡ್ಡಿ ರಹಿತವಾಗಿರುತ್ತದೆ.