ರದ್ದುಗೊಂಡ ರೂ. 500, 1000 ಹಳೆ ನೋಟುಗಳನ್ನು ಬ್ಯಾಂಕುಗಳಲ್ಲಿ ಜಮೆ ಮಾಡಲು ಅನಿವಾಸಿ ಭಾರತೀಯರಿಗೆ ಆರ್ಬಿಐ ಅವಕಾಶ ಕಲ್ಪಿಸಿದೆ.

ಅನಿವಾಸಿ ಭಾರತೀಯರು(NRI) ಮತ್ತು ವಿದೇಶದಲ್ಲಿ ವಾಸವಾಗಿರುವ ಭಾರತೀಯರು ರೂ. 25,000 ಮೊತ್ತವನ್ನು ಬ್ಯಾಂಕುಗಳಲ್ಲಿ ಜಮೆ ಮಾಡಬಹುದು.

ಭಾರತಕ್ಕೆ ಮರಳುವಾಗ ಹಳೆ ನೋಟುಗಳನ್ನು ವಿಮಾನ ನಿಲ್ದಾಣಗಳಲ್ಲಿ ಕಸ್ಟಮ್ಸ್ ಅಧಿಕಾರಿಗಳಿಗೆ ತೋರಿಸಿ ಘೋಷಣಾ ಪತ್ರಕ್ಕೆ ಅಧಿಕಾರಿಗಳಿಂದ ಮುದ್ರೆ ಹಾಕಿಸಿಕೊಳ್ಳಬೇಕು ಎಂಬ ಷರತ್ತು ವಿಧಿಸಿದೆ.

ಭಾರತೀಯ ರಿಸರ್ವ್ ಬ್ಯಾಂಕಿನ ನಿರ್ಧಿಷ್ಟ ಶಾಖೆಗಳಲ್ಲಿ ಹಳೆ ನೋಟುಗಳನ್ನು ಠೇವಣಿ ಇಡುವಾಗ ಈ ಘೋಷಣಾ ಪತ್ರ ಸಲ್ಲಿಸಬೇಕಾಗುತ್ತದೆ ಎಂದು ಹಣಕಾಸು ಸಚಿವಾಲಯ ತಿಳಿಸಿದೆ.

ಅನಿವಾಸಿ ಭಾರತೀಯರಿಗೆ ಜೂನ್ 30 ಮತ್ತು ವಿದೇಶ ಪ್ರವಾಸದಲ್ಲಿರುವವರಿಗೆ ಮಾರ್ಚ್ 31ರ ವರೆಗೆ ಹಣ ಜಮಾವಣೆಗೆ ಅವಕಾಶ ಕಲ್ಪಿಸಲಾಗಿದೆ.