ದೇಶಿಯ ಮೊಬೈಲ್ ವಾಲೆಟ್ ಸಂಸ್ಥೆ ಮೊಬಿಕ್ವಿಕ್ ಇಂಧನ ಹಾಗೂ ಎಲ್ಪಿಜಿ ಪಾವತಿಗಳ ಮೇಲಿನ ಮೇಲ್ತೆರಿಗೆಯನ್ನು ಮನ್ನಾ ಮಾಡಿದೆ.

ಡಿಜಿಟಲ್ ಪೇಮೆಂಟ್ಸ್ ಉತ್ತೇಜಿಸಲು ಎಲ್ಲ ಪೆಟ್ರೋಲ್ ಪಂಪ್ ಹಾಗೂ ಎಲ್ಪಿಜಿ ವ್ಯವಹಾರಗಳ ಮೇಲೆ ಶೂನ್ಯ ಮೇಲ್ತೆರಿಗೆ ಘೋಷಿಸಲಾಗಿದ್ದು, ಇದು ಗ್ರಾಹಕರಿಗೆ ಹೆಚ್ಚು ಅನುಕೂಲವಾಗಲಿದೆ ಎಂದು ಮೊಬಿಕ್ವಿಕ್ ತಿಳಿಸಿದೆ.

ದೇಶದಾದ್ಯಂತ ಪ್ರಮುಖ ನಗರಗಳಲ್ಲಿನ ಇಂಡಿಯನ್ ಆಯಿಲ್, ಹಿಂದೂಸ್ತಾನ್ ಪೆಟ್ರೋಲಿಯಂ, ಭಾರತ್ ಪೆಟ್ರೋಲಿಯಂಗಳಲ್ಲಿ ಮೊಬಿಕ್ವಿಕ್ ಸೇವೆ ಲಭ್ಯವಾಗಲಿದೆ.

ಪೇಟಿಎಂ ಈಗಾಗಲೇ ಇಂಧನ ಕೇಂದ್ರಗಳಲ್ಲಿ ಮೇಲ್ತೆರಿಗೆ ಮನ್ನಾ ಮಾಡಿದೆ. ಹಳೆ ರೂ. 500, 1000 ನೋಟುಗಳ ರದ್ದತಿ ನಂತರ ನಗದು ರಹಿತ ವ್ಯವಹಾರಗಳಿಗೆ ಕೇಂದ್ರ ಸರ್ಕಾರ ಹೆಚ್ಚು ಉ್ತ್ಏಜನ ನೀಡುತ್ತಿದೆ. ಇದೀಗ ಕೆಲ ಮೊಬೈಲ್ ವಾಲೆಟ್ ಸಂಸ್ಥೆಗಳು ಸಹ ಇಂಧನಗಳ ಮೇಲಿನ ಮೇಲ್ತೆರಿಗೆಯನ್ನು ತೆಗೆದು ನಗದು ರಹಿತ ವ್ಯವಹಾರಗಳನ್ನು ಪ್ರೋತ್ಸಾಹಿಸುತ್ತಿವೆ.