ಹೊಸ 500 ಮುಖಬೆಲೆಯ 1 ಲಕ್ಷ ಕೋಟಿ ಮೊತ್ತದ ಹೊಸ ನೋಟುಗಳನ್ನು ಈಗಾಗಲೇ ಮುದ್ರಣ ಮಾಡಲಾಗಿದೆ ಎಂದು ಹಣಕಾಸು ಸಚಿವಾಲಯ ಹೇಳಿದೆ.

ಪ್ರತಿನಿತ್ಯ ನೋಟು ಮುದ್ರಣ ಕೇಂದ್ರಗಳಿಂದ ರೂ. 500 ಮುಖಬೆಲೆಯ 2.2 ಕೋಟಿ ನೋಟುಗಳು ಮುದ್ರಣಗೊಂಡು ಪೂರೈಕೆಯಾಗುತ್ತಿವೆ.

ನೋಟು ರದ್ದತಿ ನಂತರದ ಸಮಯದಲ್ಲಿ ಆರ್‌ಬಿಐ ಬಳಿ 2000 ಮುಖಬೆಲೆಯ ರೂ. 4.95 ಲಕ್ಷ ಕೋಟಿ ಮೊತ್ತದ ಹೊಸ ನೋಟುಗಳ ಸಂಗ್ರಹ ಇತ್ತೆಂಬುದು ಆರ್‌ಟಿಐ ಪ್ರಶ್ನೆ ಮೂಲಕ ಬಹಿರಂಗವಾಗಿತ್ತು. ಆದರೆ ಹೊಸ 500 ಮುಖಬೆಲೆಯ ನೋಟುಗಳ ಸಂಗ್ರಹ ಇರಲಿಲ್ಲ.

ಎಸ್‌ಪಿಎಂಸಿಐಎಲ್ ಮೂರು ಶಿಫ್ಟ್‌ಗಳಲ್ಲಿ ಹೊಸ ನೋಟು ಅಗತ್ಯ ಪೂರೈಕೆಗಾಗಿ ಕಾರ್ಯನಿರ್ವಹಿಸುತ್ತಿದ್ದು, ಪ್ರತಿದಿನ 24 ಗಂಟೆಗಳ ಕಾಲ ಮುದ್ರಣ ಕಾರ್ಯವನ್ನು ಚಾಲನೆಯಲ್ಲಿ ಇರಿಸಿದೆ.