ಪ್ರಸ್ತುತ ಸೇವಾಶುಲ್ಕ ಎಷ್ಟು?

ಪ್ರಸ್ತುತ ಡೆಬಿಟ್ ಕಾರ್ಡ್‌ ಮೂಲಕ ಮಾಡಲಾಗುವ ರೂ. 2 ಸಾವಿರದವರೆಗಿನ ವವ್ಯವಹಾರಕ್ಕೆ ಶೇ. 0.75ರಷ್ಟು ಮತ್ತು ರೂ. 2 ಸಾವಿರಕ್ಕಿಂತ ಹೆಚ್ಚಿನ ಮೊತ್ತದ ವ್ಯವಹಾರಗಳಿಗೆ ಶೇ. 1ರಷ್ಟು ಸೇವಾಶುಲ್ಕ ವಿಧಿಸಲಾಗುತ್ತಿದೆ.

20 ಲಕ್ಷದವರೆಗಿನ ವಹಿವಾಟಿಗೆ ಶುಲ್ಕ

ವಾರ್ಷಿಕವಾಗಿ ರೂ. 20 ಲಕ್ಷದ ಒಳಗೆ ವಹಿವಾಟು ನಡೆಸುವ ವ್ಯಾಪಾರಸ್ಥರು, ವರ್ತಕರು, ವಿಮೆ, ಮ್ಯೂಚುವಲ್‌ ಫಂಡ್ಸ್‌, ಶೈಕ್ಷಣಿಕ ಸಂಸ್ಥೆ, ಸರ್ಕಾರಿ ಆಸ್ಪತ್ರೆಗಳಲ್ಲಿನ ಡೆಬಿಟ್‌ ಕಾರ್ಡ್‌ ವಹಿವಾಟಿಗೆ ಶೇ 0.40ರಷ್ಟು ಎಂಡಿಆರ್ ಅನ್ವಯವಾಗಲಿದೆ.

ಏಪ್ರಿಲ್‌ 1ರಿಂದ ಜಾರಿ

ಈ ಪರಿಷ್ಕೃತ ದರ ಏಪ್ರಿಲ್‌ 1ರಿಂದ ಜಾರಿಗೆ ಬರಲಿದ್ದು, ಕ್ರೆಡಿಟ್‌ ಕಾರ್ಡ್‌ ಮೂಲಕ ಪಾವತಿಸುವ ಮೊತ್ತದ ಮೇಲಿನ MDR ಮೇಲೆ ಆರ್‌ಬಿಐ ಮಿತಿ ವಿಧಿಸಿಲ್ಲ. ಪಿಒಎಸ್(Point of sale), ಕ್ಯೂಆರ್ ಕೋಡ್‌ ಮೂಲಕ ನಡೆಸಲಾಗುವ ಡಿಜಿಟಲ್‌ ವ್ಯವಹಾರದ ಮೇಲೆ ಕಡಿಮೆ ಸೇವಾಶುಲ್ಕ ವಿಧಿಸಲಾಗುವುದು.

ಅಂಗಡಿಗಳಲ್ಲಿ ಫಲಕ

ವ್ಯಾಪಾರಿಗಳು/ವರ್ತಕರು ‘ಗ್ರಾಹಕರು ಸೇವಾಶುಲ್ಕ ತೆರಬೇಕಾಗಿಲ್ಲ' ಎಂಬ ಫಲಕವನ್ನು ತಮ್ಮ ಅಂಗಡಿಗಳಲ್ಲಿ ನೇತು ಹಾಕುವಂತೆ ಸೂಚಿಸಬೇಕೆಂದು ಬ್ಯಾಂಕುಗಳಿಗೆ ಸೂಚಿಸಲಾಗಿದೆ.