ಮುಖೇಶ್ ಅಂಬಾನಿ ಘೋಷಣೆ

ರಿಲಯನ್ಸ್ ಮುಖ್ಯಸ್ಥ ಮುಖೇಶ್ ಅಂಬಾನಿ 99 ರೂ. ಪಾವತಿಸಿದರೆ ಜಿಯೋ ಉಚಿತ ಕರೆ ಸೌಲಭ್ಯ ಸಿಗಲಿದ್ದು, ಮಾ.31ರೊಳಗೆ ಕೇವಲ ರೂ. 99 ರಿಚಾರ್ಜ್​ ಮಾಡಿಸಿದರೆ ಉಚಿತ ಸೇವೆಗಳು ಮುಂದುವರಿಯಲಿವೆ ಎಂದು ಮುಂಬೈನಲ್ಲಿ ನಡೆಸಿದ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದ್ದಾರೆ

ಒಂದು ವರ್ಷ ಉಚಿತ

ಪ್ರಸ್ತುತ ರಿಲಯನ್ಸ್ ಜಿಯೋ ಗ್ರಾಹಕರು ಅನುಭವಿಸುತ್ತಿರುವ ಉಚಿತ ಕರೆ ಮತ್ತು ಡೇಟಾ ಸೇವೆಗಳನ್ನು ಬರುವ 12 ತಿಂಗಳುಗಳ ಕಾಲ ಕೇವಲ ರೂ. 99 ರಿಚಾರ್ಜ್ ಮಾಡುವುದರ ಮುಖೇನ ಮುಂದುವರಿಸಬಹುದು.

100 ಮಿಲಿಯನ್ ಗ್ರಾಹಕರು

ಸೆಪ್ಟಂಬರ್ ತಿಂಗಳಲ್ಲಿ ಜಿಯೋ ಲಾಂಚ್ ಆದ ನಂತರದ ಕೇವಲ 170 ದಿನಗಳಲ್ಲಿ ಜಿಯೋ ಗ್ರಾಹಕರ ಸಂಖ್ಯೆ 100 ಮಿಲಿಯನ್ ದಾಟಿದೆ. ಅತಿ ಕಡಿಮೆ ಅವಧಿಯಲ್ಲಿ 10 ಕೋಟಿ ಗ್ರಾಹಕರನ್ನು ಮೀರಿದೆ. ಜಿಯೋ ಆರಂಭದ ಮೊದಲ 83 ದಿನಗಳಲ್ಲಿ 5 ಕೋಟಿ ಗ್ರಾಹಕರನ್ನು ಜಿಯೋ ಸಂಪಾದಿಸಿದ್ದು, ಪ್ರತಿ ದಿನ 6 ಲಕ್ಷ ಹೊಸ ಗ್ರಾಹಕರು ಸೇರ್ಪಡೆಯಾಗುತ್ತಿದ್ದಾರೆ.

100 ಕೋಟಿ GB ಖತಮ್

ಜಿಯೋ ಲಾಂಚ್ ಆದ ನಂತರದ ದಿನಗಳಲ್ಲಿ ಜಿಯೋ ಗ್ರಾಹಕರು ಒಟ್ಟು 100 ಕೋಟಿ GBಯನ್ನು ಬಳಸಿದ್ದಾರೆ.

20% ಹೆಚ್ಚುವರಿ ಡೇಟಾ

ಈ ಯೋಜನೆ ಅಡಿಯಲ್ಲಿ ಜಿಯೋ ಕೇವಲ ಟ್ಯಾರಿಪ್ ಗಳನ್ನು ಮಾತ್ರ ಅಲ್ಲ 20% ಹೆಚ್ಚುವರಿ ಡೇಟಾ ಕೂಡ ಒದಗಿಸಲಿದೆ ಎಂದು ಅಂಬಾನಿ ಹೇಳಿದ್ದಾರೆ.

ಜಿಯೋ ಫ್ರೈಮ್ ಮೆಂಬರ್ಷಿಪ್ ಪ್ರೋಗ್ರಾಂ

ಪ್ರಸ್ತುತ ಜಿಯೋ ಗ್ರಾಹಕರಿಗೆ ಹಾಗೂ ಮಾರ್ಚ್ 31ರ ಒಳಗಾಗಿ ಜಿಯೋ ವ್ಯಾಪ್ತಿಗೆ ಒಳಬರುವವರು ಮಾತ್ರ ಜಿಯೋ ಫ್ರೈಮ್ ಮೆಂಬರ್ಷಿಪ್ ಪ್ರೋಗ್ರಾಂ ಲಭ್ಯ ಆಗಲಿದೆ. ಒಂದು ವರ್ಷ ಸಂಪೂರ್ಣ ಸೌಲಭ್ಯ ಆನಂದಿಸಲು ರೂ. 99 ಒಂದು ಬಾರಿ ಶುಲ್ಕ ಪಾವತಿಸಿದರೆ ಸಾಕು.

ರೋಮಿಂಗ್ ಚಾರ್ಜ್ ಇಲ್ಲ

2017ರ ಅಂತ್ಯದೊಳಗೆ 99% ಗುರಿ

2017ರ ಅಂತ್ಯದ ಒಳಗಾಗಿ ದೇಶದ ಶೇಕಡಾ 99 ಜನರನ್ನು ತಲುಪುವ ಗುರಿಯನ್ನು ರಿಲಾಯನ್ಸ್ ಜಿಯೋ ಹೊಂದಿದೆ. ಈಗಾಗಲೇ ಇನ್ನಿತರ ಟೆಲಿಕಾಂ ಕಂಪನಿಗಳಿಗಿಂತ ಎರಡು ಪಟ್ಟು ಹೆಚ್ಚು ಟವರುಗಳನ್ನು ಜಿಯೋ ಹೊಂದಿದ್ದು ವರ್ಷಾಂತ್ಯದ ವೇಳೆಗೆ ಈ ಸಂಖ್ಯೆಯನ್ನು ದುಪ್ಪಟ್ಟು ಮಾಡುವ ಗುರಿ ಇದೆ ಎಂದು ಅಂಬಾನಿ ತಿಳಿಸಿದ್ದಾರೆ.

ಜಿಯೋ ಆಗಲಿದೆ ವಿಶ್ವದಲ್ಲೇ ನಂ. 1

ಮೊಬೈಲ್ ಇಂಟರ್ನೆಂಟ್ ಬಳಕೆಯಲ್ಲಿ ಭಾರತ ವಿಶ್ವದಲ್ಲಿ ನಂಬರ್ ಒನ್ ಸ್ಥಾನಕ್ಕೆ ಏರಿದೆ. ಇಲ್ಲಿಯವರಗೆ ಜಿಯೋ ಬಳಕೆದಾರರು 100 ಕೋಟಿ GB ಹೆಚ್ಚು ಡೇಟಾ ಬಳಕೆ ಮಾಡಿಕೊಂಡಿದ್ದಾರೆ ಎಂದು ರಿಲಯನ್ಸ್ ಮುಖ್ಯಸ್ಥ ಮುಖೇಶ್ ಅಂಬಾನಿ ಹೇಳಿದ್ದಾರೆ.

ಜಿಯೋ ಮುನ್ನ 150ನೇ ಸ್ಥಾನ

ರಿಲಾಯನ್ಸ್ ಜಿಯೋ ಬರುವುದಕ್ಕೆ ಮುಂಚೆ ಭಾರತ ಮೊಬೈಲ್ ಇಂಟರ್ನೆಂಟ್ ಬಳಕೆಯಲ್ಲಿ 150 ನೇ ಸ್ಥಾನದಲ್ಲಿತ್ತು. ಆದರೆ ಈಗ ಜಗತ್ತಿನಲ್ಲಿ ಮೊದಲ ಸ್ಥಾನಕ್ಕೆ ಬಂದಿದೆ.