ಆ ವ್ಯಾಪಾರಿ ಯಾರು?

ಗುಜರಾತ್ ರಾಜ್ಯದ ಸೂರತ್ ನಲ್ಲಿನ ವಜ್ರದ ವ್ಯಾಪಾರಿ ಲಕ್ಷ್ಮೀಕಾಂತ್ ವಿಕಾರಿಯಾ ತಮ್ಮ ಸಂಸ್ಥೆಯ 150 ಉದ್ಯೋಗಿಗಳಿಗೆ ದ್ವಿಚಕ್ರ ವಾಹನಗಳನ್ನು ಗಿಫ್ಟ್ ರೂಪದಲ್ಲಿ ನೀಡಿದ್ದಾರೆ. ಲಕ್ಷ್ಮೀಕಾಂತ್ ವಿಕಾರಿಯಾ ಉದ್ಯೋಗಿಗಳ ವೇತನ ಭತ್ಯೆಯಾಗಿ ದ್ವಿಚಕ್ರ ವಾಹನಗಳನ್ನು ಉಡುಗೊರೆಯಾಗಿ ನೀಡಿ ಸುದ್ದಿಯಲ್ಲಿದ್ದಾರೆ.

ಗಿಫ್ಟ್ ನೀಡಲು ಕಾರ್ಯಕ್ರಮ ಆಯೋಜನೆ

ಲಕ್ಷ್ಮೀಕಾಂತ್ ವಿಕಾರಿಯಾ ತಾವೇ ಖುದ್ದಾಗಿ ಉಡುಗೊರೆಗಳನ್ನು ನೀಡಲು ಸೂರತ್ ನಲ್ಲಿ ಅದ್ದೂರಿ ಕಾರ್ಯಕ್ರಮವನ್ನೇ ಆಯೋಜಿಸಿದ್ದರು. ಉಡುಗೊರೆಯಾಗಿ ನೀಡಿದ್ದ ಪ್ರತೀ ದ್ವಿಚಕ್ರ ವಾಹನದ ಮೇಲೆ ತ್ರಿವರ್ಣ ಧ್ವಜವನ್ನು ಹಾಕುವ ಮೂಲಕ ದೇಶಭಕ್ತಿ ಮೆರೆದರು.

ಸಾವಜಿ ದೋಲ್ಖಿಯಾ

ಕಳೆದ ವರ್ಷ ಸೂರತ್ ನ ಇನ್ನೊಬ್ಬ ಪ್ರಸಿದ್ದ ವಜ್ರದ ವ್ಯಾಪಾರಿ ಸಾವಜಿ ದೋಲ್ಖಿಯಾ ತನ್ನ ಉದ್ಯೋಗಿಗಳಿಗೆ 400 ಫ್ಲಾಟ್, ಆಭರಣಗಳು ಮತ್ತು ಸುಮಾರು 1, 260 ಕಾರುಗಳನ್ನು ಉಡುಗೊರೆಯಾಗಿ ನೀಡಿ ಸುದ್ದಿಯಾಗಿದ್ದರು. ಇದೀಗ ಲಕ್ಷ್ಮೀಕಾಂತ್ ವಿಕಾರಿಯಾ ಅವರ ಸರದಿಯಾಗಿದ್ದು, ಉದ್ಯೋಗಿಗಳಿಗೆ ದ್ವಿಚಕ್ರ ವಾಹನ ನೀಡಿ ಗಮನ ಸೆಳೆದಿದ್ದಾರೆ.

ಬಿಎಸ್ 3 ವಾಹನಗಳು ಇರಬಹುದೆ?

ಕೆಲ ದಿನಗಳ ಹಿಂದೆ ಸಾರಿಗೆ ಇಲಾಖೆ ನಿಯಮದ ಪ್ರಕಾರ ಬಿಎಸ್ 3 ದ್ವಿಚಕ್ರ ವಾಹನಗಳನ್ನು ನಿಷೇಧ ಮಾಡಲಾಗಿತ್ತು. ಹೀಗಾಗಿ ಕಂಪನಿಗಳು ದ್ವಿಚಕ್ರ ವಾಹನಗಳನ್ನು ಡಿಸ್ಕೌಂಟ್ ದರದಲ್ಲಿ ಮಾರಾಟ ಮಾಡಿದ್ದವು. ಲಕ್ಷ್ಮೀಕಾಂತ್ ವಿಕಾರಿಯಾ ಕೂಡ ತಮ್ಮ ಉದ್ಯೋಗಿಗಳಿಗೆ ಈ ಬಿಎಸ್-3 ದ್ವಿಚಕ್ರ ವಾಹನಗಳನ್ನು ಉಡುಗೊರೆಯಾಗಿ ನೀಡಿದ್ದಾರೆ ಎಂಬ ಮಾತುಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. 
ಏನೇ ಆಗಲಿ ಉದ್ಯೋಗಿಗಳು ವಾಹನಗಳನ್ನು ಉಡುಗೊರೆಯಾಗಿ ಪಡೆದ ಖುಷಿಯಲ್ಲಿದ್ದಾರೆ. ಹೀರೋ, ಹೋಂಡಾ, ಬಜಾಜ್ ಸಂಸ್ಥೆಯ ಬಿಎಸ್ 3 ಮಾಡೆಲ್ ಬೈಕ್ ಮೇಲೆ 22 ಸಾವಿರವರೆಗೆ ರಿಯಾಯಿತಿ!