ಜಿಎಸ್ಟಿ ನಿಯಮ: ತಯಾರಕರು ಪರಿಷ್ಕೃತ MRP ಮುದ್ರಿಸದಿದ್ದರೆ ಜೈಲುವಾಸ

ಜಿಎಸ್ಟಿ ಹೊಸ ನಿಯಮದ ಪ್ರಕಾರ ತಯಾರಕರು ಮಾರಾಟವಾಗದ ಹಾಗೂ ಹೊಸ ಉತ್ಪನ್ನಗಳ ಮೇಲೆ ಪರಿಷ್ಕೃತ ದರಗಳನ್ನು(MRP) ಮುದ್ರಿಸದಿದ್ದರೆ ಜೈಲುವಾಸ ಮತ್ತು ದಂಡ ತೆರಬೇಕಾಗುತ್ತದೆ.

ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ಜಾರಿಗೆ ಬಂದ ನಂತರ ಕೇಂದ್ರ ಸರ್ಕಾರ ಹೊಸ ಆದೇಶ ಹೊರಡಿಸಿದ್ದು, ಸರ್ಕಾರ ಗ್ರಾಹಕರ ಹಕ್ಕು ಸಂರಕ್ಷಣೆ ಕಾಯಿದೆಯಲ್ಲಿ ತಿದ್ದುಪಡಿ ಮಾಡಿದೆ. ಇದಕ್ಕನುಸಾರವಾಗಿ ಉತ್ಪಾದಕರು ಜಿಎಸ್ಟಿ ಜಾರಿ ನಂತರ ಪರಿಷ್ಕೃತ ದರ(ಎಂಆರ್ಪಿ) ಮುದ್ರಿಸದೆ ಇದ್ದರೆ ಕಠಿಣ ಶಿಕ್ಷೆ ಎದುರಿಸಬೇಕೆಂದು ಎಚ್ಚರಿಕೆ ನೀಡಿದೆ.