ಚಂಢೀಗಡದ 16 ವರ್ಷದ ವಿದ್ಯಾರ್ಥಿಗೆ ತಿಂಗಳಿಗೆ ರೂ. 12 ಲಕ್ಷ ವೇತನದ ಉದ್ಯೋಗ ನೀಡಿರುವುದಾಗಿ ಪತ್ರಿಕೆಗಳಲ್ಲಿ ವರದಿಯಾಗಿರುವ ಸುದ್ದಿಗಳು ಸುಳ್ಳೆಂದು ಗೂಗಲ್ ಸಂಸ್ಥೆ ಹೇಳಿದೆ.

ಎರಡು ದಿನಗಳ ಹಿಂದೆ ಜಾಗತಿಕ ಅಂತರ್ಜಾಲ ದೈತ್ಯ ಗೂಗಲ್ ಸಂಸ್ಥೆ ಹರ್ಷಿತ್ ಶರ್ಮಾನನ್ನು ಗ್ರಾಫಿಕ್ ಡಿಸೈನರ್ ಆಗಿ ನೇಮಕ ಮಾಡಿದ್ದು, ವಾರ್ಷಿಕವಾಗಿ ರೂ. 1.44 ಕೋಟಿ ಸಂಬಳ ನೀಡಲಿದೆ ಎಂದು ವರದಿ ಆಗಿತ್ತು. ಹರ್ಷಿತ್ ಶರ್ಮಾ ಚಂಡೀಗಡದ ಸರ್ಕಾರಿ ಮಾದರಿ ವಿದ್ಯಾರ್ಥಿಯಾಗಿದ್ದಾನೆ.

ಜಗತ್ತಿನಲ್ಲಿ ಯಾವುದೇ ಶಾಲಾ ವಿದ್ಯಾರ್ಥಿಗೂ ಇಲ್ಲಿಯವರೆಗೆ ಉದ್ಯೋಗ ನೀಡಿಲ್ಲ ಎಂದು ಗೂಗಲ್ ತಿಳಿಸಿದೆ. ಈ 16ರ ಪೋರನಿಗೆ ವಾರ್ಷಿಕ ರೂ. 1.44 ಕೋಟಿ ವೇತನಕ್ಕೆ ಗೂಗಲ್ ಸಂಸ್ಥೆ ಉದ್ಯೋಗ ನೀಡಿದೆ ಎಂಬ ಸುದ್ದಿ ಎಲ್ಲರ ಗಮನ ಸೆಳೆದಿತ್ತು.