ಎಚ್-1ಬಿ ವೀಸಾ ಪ್ರಕ್ರಿಯೆ ಆರಂಭ, ಭಾರತೀಯ ಐಟಿ ಕಂಪನಿಗಳಿಗೆ ಆಗಲಿದೆ ಲಾಭ?
ಅಮೆರಿಕ ಎಚ್-1ಬಿ ವೀಸಾ ನೀಡುವ ಪ್ರಕ್ರಿಯೆಯನ್ನು ಪುನರ್ ಆರಂಭಿಸಿದ್ದು, ವೀಸಾ ಪ್ರಯೋಜನ ಪಡೆಯುವ ಭಾರತೀಯ ಐಟಿ ಕಂಪನಿಗಳಿಗೆ ವಹಿವಾಟು ನಡೆಸಲು ಸಹಾಯಕವಾಗಲಿದೆ.
ಅಮೆರಿಕ ಎಚ್-1ಬಿ ವೀಸಾ ನೀಡುವ ಪ್ರಕ್ರಿಯೆಯನ್ನು ಪುನರ್ ಆರಂಭಿಸಿದ್ದು, ವೀಸಾ ಪ್ರಯೋಜನ ಪಡೆಯುವ ಭಾರತೀಯ ಐಟಿ ಕಂಪನಿಗಳಿಗೆ ವಹಿವಾಟು ನಡೆಸಲು ಸಹಾಯಕವಾಗಲಿದೆ.
ಉತ್ತಮ ಯೋಜನೆಗಳನ್ನು ರೂಪಿಸಲು ಮತ್ತು ಅವಶ್ಯಕತೆಗಳನ್ನು ಪೂರೈಸಲು ಇದು ನೆರವಾಗುತ್ತದೆ. ಅಮೆರಿಕ ನಾಗರಿಕ ಮತ್ತು ವಲಸೆ ಸೇವಾ (USCIS) ವಿಭಾಗ ಈ ಅರ್ಜಿಯನ್ನು 15 ದಿನಗಳ ಒಳಗಾಗಿ ಪ್ರಕ್ರಿಯೆಗೊಳಿಸುವುದಾಗಿ ಭರವಸೆ ನೀಡಿದೆ. ಎಚ್-1 ಬಿ ವೀಸಾ ನೀತಿ ಬದಲಾವಣೆ ಭಾರತೀಯ ಉದ್ಯೋಗಿಗಳಿಗೆ ಲಾಭ
ತ್ವರಿತ ಕಾರ್ಯಾಚರಣೆ
H1-B ಹೊಸ ಬಿಲ್: ದೇಶದ 10 ಐಟಿ ಕಂಪನಿಗಳಿಗೆ ಎದುರಾಗಿದೆ ಭೀತಿ
ಎಚ್-1 ಬಿ ವೀಸಾ ಮಿತಿ
2018ನೇ ಹಣಕಾಸು ವರ್ಷದಲ್ಲಿ 65 ಸಾವಿರ ಇಂತಹ ವೀಸಾ ನೀಡಲು ಅಮೆರಿಕ ನಾಗರಿಕ ಮತ್ತು ವಲಸೆ ಸೇವಾ (USCIS) ವಿಭಾಗ ಮಿತಿಯನ್ನು ನಿಗದಿಪಡಿಸಿದೆ. ದೇಶಿ ಐ.ಟಿ ಸಂಸ್ಥೆಗಳು ಇತ್ತೀಚೆಗೆ ಈ ವೀಸಾ ಮೇಲಿನ ಅವಲಂಬನೆ ಕಡಿಮೆ ಮಾಡಲು ಮುಂದಾಗಿದ್ದವು. ಎಚ್-1 ಬಿ ವೀಸಾ ನವೀಕರಣಗಳ ಪ್ರಕ್ರಿಯೆ ಅಥವಾ ತಿದ್ದುಪಡಿಗಳು (ಅದೇ ಉದ್ಯೋಗದಾತರೊಂದಿಗೆ ಕೆಲಸ ಮಾಡುವ ಸ್ಥಳಗಳಲ್ಲಿನ ಬದಲಾವಣೆಗಳ ಆಧಾರದ ಮೇಲೆ) ಇನ್ನೂ ಪೂರ್ಣಗೊಂಡಿಲ್ಲ ಎನ್ನಲಾಗಿದೆ. ಟ್ರಂಪ್ ಹೊಸ ನೀತಿ ಭಾರತೀಯ ಐಟಿ ರಂಗಕ್ಕೆ ಭೀತಿ!
ಎಚ್-1 ಬಿ ವೀಸಾ ಏನು?
H1-B ವೀಸಾ ಅಮೆರಿಕಾದ ಕಂಪನಿಗಳಲ್ಲಿ ಕೆಲಸ ಮಾಡಲು ವಿದೇಶದಿಂದ ತಜ್ಞ ನೌಕರರನ್ನು ನೇಮಿಸಿಕೊಳ್ಳಲು ಅವಕಾಶ ಮಾಡಿಕೊಡುತ್ತದೆ. ಅಂದರೆ H-1B ವೀಸಾ ಎನ್ನುವುದು ವಿದೇಶಿ ನೌಕರರನ್ನು ತಾಂತ್ರಿಕ ಪರಿಣತಿಯ ಅಗತ್ಯವಿರುವ ವಿಶೇಷ ಉದ್ಯೋಗಗಳಲ್ಲಿ ನೇಮಿಸಿಕೊಳ್ಳಲು ಅನುಮತಿಸುವ ವಲಸೆ ರಹಿತ ವೀಸಾ. ತಂತ್ರಜ್ಞಾನ ಕಂಪನಿಗಳು ಪ್ರತಿ ವರ್ಷ ಸಾವಿರಾರು ಉದ್ಯೋಗಿಗಳನ್ನು ನೇಮಿಸಿಕೊಳ್ಳಲು h-1b ವೀಸಾ ಅವಲಂಬಿಸಿವೆ.
ನಾಸ್ಕಾಂ ಪ್ರತಿಕ್ರಿಯೆ
ಕಳೆದ ಏಪ್ರಿಲ್ ನಿಂದ ಸ್ಥಗಿತಗೊಳಿಸಲಾಗಿದ್ದ ವೀಸಾ ನೀಡುವ ಪ್ರಕ್ರಿಯೆಯನ್ನು ಪುನರ್ ಆರಂಭಿಸಿರುವುದು ಸ್ವಾಗತಾರ್ಹ ನಡೆಯಾಗಿದೆ. ನಾವು ಇದನ್ನು ನಿರೀಕ್ಷೆ ಮಾಡಿದ್ದೇವು ಎಂದು ನಾಸ್ಕಾಂ ಅಧ್ಯಕ್ಷ ಆರ್. ಚಂದ್ರಶೇಖರ್ ಪ್ರತಿಕ್ರಿಯಿಸಿದ್ದಾರೆ.