ಮಾಹಿತಿದಾರನ ಕುರಿತು ಗೌಪ್ಯತೆ

ಬೇನಾಮಿ ಆಸ್ತಿ ಹೊಂದಿರುವ ವ್ಯಕ್ತಿಗಳ ಬಗ್ಗೆ ಮಾಹಿತಿ ನೀಡುವ ಮಾಹಿತಿದಾರರ ಕುರಿತು ಗೌಪ್ಯತೆಯನ್ನು ಕಾಪಾಡಲಾಗುವುದು ಎಂದು ಇಲಾಖೆ ಹೇಳಿದೆ. ಜಾರಿ ನಿರ್ದೇಶನಾಲಯ, ಆದಾಯ ತೆರಿಗೆ ಇಲಾಖೆ ಹಾಗೂ ಕಂದಾಯ ಗುಪ್ತಚರ ಇಲಾಖೆಯಿಂದ ಮಾಹಿತಿದಾರರಿಗೆ ಬಹುಮಾನ ಕೊಡುವ ಪದ್ಧತಿ ಮುಂಚಿನಿಂದಲೂ ಇದೆ.

ಬೇನಾಮಿ ಆಸ್ತಿ ಕಾನೂನು

ಕೇಂದ್ರ ಸರ್ಕಾರ ಕಳೆದ ವರ್ಷದಿಂದ ಬೇನಾಮಿ ಆಸ್ತಿ ಕಾನೂನು ಪರಿಚಯಿಸಿದೆ. ಬೇನಾಮಿ ಆಸ್ತಿ ಹೊಂದಿರುವ ವ್ಯಕ್ತಿಗಳ ಬಗ್ಗೆ ಮಾಹಿತಿಯನ್ನು ಸುಲಭ ರೂಪದಲ್ಲಿ ಮಾಹಿತಿದಾರರ ಮೂಲಕ ಪಡೆಯಬಹುದು. ಹೀಗೆ ಮಾಡುವುದರಿಂದ ಕಾರ್ಯವನ್ನು ಶೀಘ್ರ ಹಾಗೂ ಪರಿಣಾಮಕಾರಿಯಾಗಿ ಪೂರೈಸಬಹುದು.

ಶೀಘ್ರ ಕಾರ್ಯಾಚರಣೆ

ಬೇನಾಮಿ ಆಸ್ತಿ (benami property) ಮಾಹಿತಿದಾರರಿಗೆ ಆಕರ್ಷಕ ಬಹುಮಾನ ನೀಡಿದರೆ ದೇಶದಾದ್ಯಂತ ಇರುವ ಬೇನಾಮಿದಾರರ ವಿರುದ್ಧ ಶೀಘ್ರ ಕಾರ್ಯಾಚರಣೆ ಮಾಡಿ ಮುಗಿಸಬಹುದು ಎಂದು ಇಲಾಖೆ ತಿಳಿಸಿದೆ.

ಯೋಜನೆ ಜಾರಿ ಯಾವಾಗ?

ಇನಾಮು ಮೊತ್ತ ನಿಗದಿ ಬಗೆಗಿನ ವಿಚಾರ ಹಣಕಾಸು ಸಚಿವಾಲಯದಲ್ಲಿದ್ದು, ಅಲ್ಲಿ ಅಂಕಿತ ಬಿದ್ದರೆ ಕೂಡಲೇ ಅಧಿಕೃತವಾಗಿ ಘೋಷಣೆ ಮಾಡಲಾಗುತ್ತದೆ. ಇದು ಅಕ್ಟೋಬರ್ ಕೊನೆ ವಾರ ಇಲ್ಲವೆ ನವೆಂಬರ್ ಮೊದಲ ವಾರದಲ್ಲಿ ಜಾರಿಗೆ ಬರುವ ಸಾಧ್ಯತೆ ಇದೆ.