ಕೇಂದ್ರ ಸರ್ಕಾರ ಜಿಎಸ್ಟಿ ತೆರಿಗೆದಾರರಿಗೆ ರಿಟರ್ನ್ಸ್ ಸಲ್ಲಿಕೆಗೆ ಒಂದು ತಿಂಗಳ ಗಡುವು ನೀಡಿದೆ.

ಜುಲೈ ತಿಂಗಳ ಜಿಎಸ್ಟಿಆರ್-2 ಮತ್ತು ಜಿಎಸ್ಟಿಆರ್-3 ಸಲ್ಲಿಕೆಯ ಅವಧಿಯನ್ನು ಒಂದು ತಿಂಗಳು ಮುಂದೂಡಲಾಗಿದ್ದು, ಜುಲೈ ತಿಂಗಳ ಜಿಎಸ್ಟಿಆರ್-2 ರಿಟರ್ನ್ಸ್ ಸಲ್ಲಿಕೆಗೆ ನವೆಂಬರ್ 30 ಹಾಗೂ ಆಗಸ್ಟ್ ತಿಂಗಳ ಜಿಎಸ್ಟಿಆರ್-3 ರಿಟರ್ನ್ಸ್ ಸಲ್ಲಿಕೆಗೆ ಡಿಸೆಂಬರ್ 11 ರ ವರೆಗೆ ಗಡುವು ನೀಡಲಾಗಿದೆ.

ಜಿಎಸ್ಟಿಆರ್-2 ಸಲ್ಲಿಕೆಗೆ ಅಕ್ಟೋಬರ್‌ 31 ಮತ್ತು ಜಿಎಸ್ಟಿಆರ್-3 ಸಲ್ಲಿಕೆಗೆ ನವೆಂಬರ್‌ 11 ಕೊನೆಯ ದಿನವಾಗಿತ್ತು. ಈಗ ಈ ಎರಡೂ ರಿಟರ್ನ್ಸ್ ಸಲ್ಲಿಕೆಯ ಗಡುವನ್ನು ಕ್ರಮವಾಗಿ ನವೆಂಬರ್‌ 30 ಮತ್ತು ಡಿಸೆಂಬರ್‌ 11ಕ್ಕೆ ವಿಸ್ತರಿಸಲಾಗಿದೆ. ನವೆಂಬರ್ ತಿಂಗಳು ದುಬಾರಿ ಆಗಲಿದೆ.. ಯಾಕೆ ಗೊತ್ತೆ?

ಗಡುವು ವಿಸ್ತರಣೆಯಿಂದ ಜುಲೈ ತಿಂಗಳ ಜಿಎಸ್ಟಿಆರ್-2 ಸಲ್ಲಿಸಲು 30.81 ಲಕ್ಷ ತೆರಿಗೆದಾರರಿಗೆ ಪ್ರಯೋಜನ ಆಗಲಿದೆ ಎಂದು ಹಣಕಾಸು ಸಚಿವಾಲಯ ತಿಳಿಸಿದೆ.

ಇದೀಗ ಮತ್ತೆ ಅವಧಿ ವಿಸ್ತರಣೆ ಆಗಿರುವುದರಿಂದ ವಹಿವಾಟುದಾರರಿಗೆ ಅನುಕೂಲವಾಗಲಿದೆ. ಜಿಎಸ್‌ಟಿಎನ್‌ ಜಾಲ ತಾಣದಲ್ಲಿನ ಲೋಪದೋಷಗಳನ್ನು ಸರಿಪಡಿಸಲೂ ಈಗ ಸಾಕಷ್ಟು ಕಾಲಾವಕಾಶವೂ ಸಿಗಲಿದೆ.