ರೇಲ್ವೆ ಟಿಕೆಟ್ ಗಳನ್ನು ಬುಕಿಂಗ್ ಮಾಡುವುದು ಇನ್ನುಮುಂದೆ ಸುಲಭವಾಗಿರಲಿದೆ.

ಇಂಡಿಯನ್ ರೇಲ್ವೆ ಕೇಟರಿಂಗ್ ಅಂಡ್ ಟೂರಿಸಮ್ ಕಾರ್ಪೊರೇಶನ್(ಐಆರ್‌ಸಿಟಿಸಿ), ಭಾರತೀಯ ರೇಲ್ವೆಯ ಆನ್ಲೈನ್ ಟಿಕೆಟ್ ಬುಕಿಂಗ್ ಕಾರ್ಯಾಚರಣೆ ನಿರ್ವಹಿಸುತ್ತಿದ್ದು, ಇದೀಗ ಭೀಮ್ ಆ್ಯಪ್ ಸೇವೆಗಳನ್ನು ಪರಿಚಯಿಸಿದೆ. ಇನ್ನುಮುಂದೆ ರೈಲು ಟಿಕೆಟ್ ಖರೀದಿದಾರರು ಟಿಕೆಟ್ ಗಳನ್ನು ಬುಕಿಂಗ್ ಮಾಡಲು ಭೀಮ್ ಆ್ಯಪ್ ಬಳಸಬಹುದು. ಭೀಮ್(BHIM) ಆಪ್ ಮೂಲಕ ಹಣ ವರ್ಗಾವಣೆ ಹೇಗೆ?

ಡಿಜಿಟಲೀಕರಣದ ಪ್ರಭಾವದಿಂದ ಟಿಕೆಟ್ ಬುಕಿಂಗ್ ಪ್ರಮಾಣದಲ್ಲಿ ಶೇ. 12ರಷ್ಟು ಏರಿಕೆಯಾಗಿದ್ದು, ನಗದು ರಹಿತ ವ್ಯವಹಾರ ಉತ್ತೇಜಿಸಲು ಭೀಮ್ ಆ್ಯಪ್ ಸೌಲಭ್ಯ ಪರಿಚಯಿಸಲಾಗಿದೆ.

2016 ನವೆಂಬರ್ 26 ರಂದು ನೋಟು ನಿಷೇಧದ ನಂತರ ಆನ್ಲೈನ್ ಟಿಕೆಟ್ ಬುಕಿಂಗ್ ನಲ್ಲಿ ಅಭೂತಪೂರ್ವ ಏರಿಕೆ ಕಂಡುಬಂದಿದೆ. ಅನಾಣ್ಯೀಕರಣದ ಮೊದಲು ಶೇ. 58ರಷ್ಟು ಟಿಕೆಟ್ ಗಳನ್ನು ಆನ್ಲೈನ್ ಮೂಲಕ ಕಾಯ್ದಿರಿಸಲಾಗುತ್ತಿತ್ತು. ಅಕ್ಟೋಬರ್ 2016ರ ನಂತರ ಇದರ ಪ್ರಮಾಣ ಶೇ. 70ಕ್ಕೆ ಏರಿದೆ ಎಂದು ರೇಲ್ವೆ ಮೂಲಗಳು ತಿಳಿಸಿವೆ. IRCTC SBI ಪ್ಲಾಟಿನಮ್ ಕಾರ್ಡ್: ಇದರ ಪ್ರಯೋಜನಗಳೇನು ಗೊತ್ತೆ?