ದೀವಾಳಿಯಾಗುವ ಹಂತದಲ್ಲಿದ್ದ ಅನಿಲ್ ಅಂಬಾನಿಯವರ ರಿಲಯನ್ಸ್ ಕಮ್ಯೂನಿಕೇಷನ್ಸ್ (ಆರ್ ಕಾಂ) ಆಸ್ತಿಯನ್ನು ಮುಖೇಶ್ ಅಂಬಾನಿ ರೂ. 23 ಸಾವಿರ ಕೋಟಿ ಖರೀದಿಸಿದ್ದಾರೆ.

ರಿಲಯನ್ಸ್ ಸಂಸ್ಥೆಯ ಸಂಸ್ಥಾಪಕರಾದ ಧೀರೂಭಾಯಿ ಅಂಬಾನಿಯವರ 85ನೇ ಜನ್ಮದಿನಾಚರಣೆಗೆ ಮಕ್ಕಳಾದ ಮುಖೇಶ್ ಮತ್ತು ಅನಿಲ್ ಅಂಬಾನಿ ಮಹತ್ವದ ಒಪ್ಪಂದ ಮಾಡಿಕೊಂಡಿದ್ದಾರೆ.

ಸಾಲದ ಸುಳಿಗೆ ಸಿಲುಕಿದ್ದ ರಿಲಯನ್ಸ್ ಕಮ್ಯೂನಿಕೇಷನ್ಸ್ ಸದ್ಯ ದೀವಾಳಿಯ ಹಂತದಿಂದ ದೂರವಾಗಿದೆ. ಈ ಒಪ್ಪಂದದ ಮೂಲಕ ಆರ್ ಕಾಂ ಆಸ್ತಿಯನ್ನು ಮಾರಾಟ ಮಾಡಿ ಬ್ಯಾಂಕುಗಳ ರೂ. 45 ಸಾವಿರ ಕೋಟಿ ಸಾಲ ಮರುಪಾವತಿಸಲಾಗುವುದು ಎನ್ನಲಾಗಿದೆ.