ವಿಶ್ವದ 10 ಶ್ರೀಮಂತ ದೇಶಗಳ ಪಟ್ಟಿಯಲ್ಲಿ ಭಾರತ
ವ್ಯಕ್ತಿಗಳ ಸಂಪತ್ತಿನ ಆಧಾರದಲ್ಲಿ ಜಗತ್ತಿನ 10 ಸಿರಿವಂತ ದೇಶಗಳನ್ನು ಪಟ್ಟಿ ಮಾಡಲಾಗಿದೆ. ಅಮೆರಿಕ ಮೊದಲ ಸ್ಥಾನದಲ್ಲಿ ಮತ್ತು ಭಾರತ 6ನೇ ಸ್ಥಾನದಲ್ಲಿದೆ ಎಂದು ನ್ಯೂ ವಲ್ಡ್ ವೆಲ್ತ್ ವರದಿಯಲ್ಲಿ ತಿಳಿಸಿದೆ.
ಜಗತ್ತಿನ ಹತ್ತು ಸಿರಿವಂತ ದೇಶಗಳ ಪಟ್ಟಿಯಲ್ಲಿ ಭಾರತ ಸ್ಥಾನವನ್ನು ಪಡೆದಿರುವುದು ನಮಗೆಲ್ಲಾ ಸಂತಸದ ಸುದ್ದಿ. ವ್ಯಕ್ತಿಗಳ ಸಂಪತ್ತಿನ ಆಧಾರದಲ್ಲಿ ಜಗತ್ತಿನ 10 ಸಿರಿವಂತ ದೇಶಗಳನ್ನು ಪಟ್ಟಿ ಮಾಡಲಾಗಿದ್ದು, ಅಮೆರಿಕ ಮೊದಲ ಸ್ಥಾನದಲ್ಲಿ ಮತ್ತು ಭಾರತ 6ನೇ ಸ್ಥಾನದಲ್ಲಿದೆ ಎಂದು ನ್ಯೂ ವಲ್ಡ್ ವೆಲ್ತ್ ವರದಿಯಲ್ಲಿ ತಿಳಿಸಿದೆ. ಭಾರತೀಯರ ಒಟ್ಟು ಖಾಸಗಿ ಸಂಪತ್ತು ರೂ. 534 ಲಕ್ಷ ಕೋಟಿಗಳಷ್ಟಿದೆ ಎಂದು ವರದಿ ತಿಳಿಸಿದೆ.
ವ್ಯಕ್ತಿಗಳು ಹೊಂದಿರುವ ಆಸ್ತಿ, ನಗದು, ಷೇರು, ಉದ್ದಿಮೆ ವಹಿವಾಟು ಒಳಗೊಂಡ ನಿವ್ವಳ ಸ್ವತ್ತು ಆಧರಿಸಿ ಸಂಪತ್ತು ಲೆಕ್ಕಕ್ಕೆ ತೆಗೆದುಕೊಳ್ಳಲಾಗಿದೆ. ಈ ಸಂಪತ್ತಿನ ಲೆಕ್ಕದಲ್ಲಿ ಸರ್ಕಾರದ ನಿಧಿಗಳನ್ನು ಪರಿಗಣನೆಗೆ ತೆಗೆದುಕೊಂಡಿಲ್ಲ. ಯುರೋಪಿನ ದೇಶಗಳು ಜಗತ್ತಿನ ಸಿರಿವಂತ ದೇಶಗಳ ಪಟ್ಟಿಯಲ್ಲಿ ಹೆಚ್ಚಿನ ಪಾಲನ್ನು ಹೊಂದಿವೆ. ಜೀವ ವಿಮೆ (life insurance) ಯಾಕೆ ಖರೀದಿಸಬೇಕು?
ಇಲ್ಲಿ ಜಗತ್ತಿನ ಹತ್ತು ದೇಶಗಳ ಮಾಹಿತಿ ಹಾಗೂ ಅವುಗಳ ಸಂಪತ್ತು ಇತ್ಯಾದಿ ಪ್ರಮುಖ ಆಂಶಗಳನ್ನು ವಿವರಿಸಲಾಗಿದೆ..
ಅಮೆರಿಕ
ಜಗತ್ತಿನ ದೊಡ್ಡಣ್ಣ ಖ್ಯಾತಿಯ ಅಮೆರಿಕ ವಿಶ್ವದ 10 ಸಿರಿವಂತ ದೇಶಗಳ ಪಟ್ಟಿಯಲ್ಲಿ ಮುಂಚೂಣಿಯ ಸ್ಥಾನದಲ್ಲಿದೆ.
ಅಮೆರಿಕಾದ ಒಟ್ಟು ಸಂಪತ್ತು 64,584 ಬಿಲಿಯನ್ ಡಾಲರ್ ಆಗಿದೆ. ಇಲ್ಲಿ ಜಗತ್ತಿನ ಹೆಚ್ಚು ತಂತ್ರಜ್ಞಾನ ಆಧಾರಿತ ಸ್ಟಾರ್ಟ್ಅಪ್ ಗಳು, ಇ-ಕಾಮರ್ಸ್ ಕಂಪನಿಗಳು ಮತ್ತು ಉದ್ಯಮಿಗಳು ಇದ್ದಾರೆ. ಐಟಿ, ಬಿಟಿ ಮತ್ತು ಕೈಗಾರಿಕೊದ್ಯಮ ಕ್ಷೇತ್ರದಲ್ಲಿ ಪಾರುಪತ್ಯ ಹೊಂದಿದೆ.
ಚೀನಾ
ಚೀನಾ ವಿಶ್ವದ 10 ಸಿರಿವಂತ ದೇಶಗಳ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದೆ. ಜತೆಗೆ ಏಷಿಯಾದ ಮೊದಲ ಶ್ರೀಮಂತ ದೇಶ ಎಂಬ ಖ್ಯಾತಿ ಗಳಿಸಿದೆ.
ನವೋದ್ಯಮಗಳ ಸಾಲಿನಲ್ಲಿ ಚೀನಾ ಮುಂಚೂಣಿಯಲ್ಲಿ ನಿಲ್ಲುವ ದೇಶವಾಗಿದೆ. ಚೀನಾ ದೇಶ ಒಟ್ಟು 24,803 ಬಿಲಿಯನ್ ಡಾಲರ್ ಸಂಪತ್ತನ್ನು ಹೊಂದಿದೆ. ಚೀನಾದಲ್ಲಿ ಅನೇಕ ಪ್ರಸಿದ್ದ ಇ-ಕಾಮರ್ಸ್ ಮತ್ತು ಕೈಗಾರಿಕೊದ್ಯಮಗಳಿದ್ದು, ಸಂಪತ್ತಿನಲ್ಲಿ ಎರಡನೇ ಸ್ಥಾನದಲ್ಲಿ ನಿಂತಿದೆ. ಇದು ತುಂಬಾ ವೇಗವಾಗಿ ಬೆಳೆಯುತ್ತಿರುವ ದೇಶಗಳ ಸಾಲಿನಲ್ಲಿ ಮುಂಚೂಣಿಯಲ್ಲಿದೆ.
ಜಪಾನ್
ಇದು ಏಷಿಯಾದ ಎರಡನೇ ದೇಶವಾಗಿದ್ದು, ಜಗತ್ತಿನ ಶ್ರೀಮಂತ ದೇಶಗಳ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದೆ. ಜಪಾನ್ ತಂತ್ರಜ್ಞಾನ ಮತ್ತು ಉದ್ದಿಮೆ ವಹಿವಾಟಿನ ಪ್ರಮುಖ ದೇಶವಾಗಿದೆ. ಇದು ಒಟ್ಟು 19,522 ಬಿಲಿಯನ್ ಡಾಲರ್ ಸಂಪತ್ತನ್ನು ಹೊಂದಿದೆ.
ಯುಕೆ
ಇಂಗ್ಲೆಂಡ್ ತಂತ್ರಜ್ಞಾನ ಆಧಾರಿತ ಸ್ಟಾರ್ಟ್ಅಪ್ ಗಳನ್ನು ಆರಂಭಿಸುವ ವಿಷಯದಲ್ಲಿ ಅಮೆರಿಕಾ ನಂತರದಲ್ಲಿ ಎರಡನೇ ಸ್ಥಾನದಲ್ಲಿದೆ. ಇಲ್ಲಿ ತಂತ್ರಜ್ಞಾನ ಮತ್ತು ಕೈಗಾರಿಕೊದ್ಯಮ ವಹಿವಾಟಿನ ಜೋರಾಗಿದ್ದು, ಇದರ ಒಟ್ಟು ಸಂಪತ್ತು 9,919 ಬಿಲಿಯನ್ ಡಾಲರ್ ಆಗಿದೆ.
ಜರ್ಮನಿ
ಜರ್ಮನಿ ಪಶ್ಚಿಮ ಯುರೋಪಿಯನ್ ದೇಶ. ಇದು ಜಗತ್ತಿನ ಶ್ರೀಮಂತ ದೇಶಗಳ ಪಟ್ಟಿಯಲ್ಲಿ ಐದನೇ ಸ್ಥಾನ ಪಡೆದಿದೆ. ಜರ್ಮನಿಯ ಒಟ್ಟು ಸಂಪತ್ತು 9,660 ಬಿಲಿಯನ್ ಡಾಲರ್ ಆಗಿದೆ.
ಭಾರತ
ಅತಿ ದೊಡ್ಡ ಜನಸಂಖ್ಯೆಯಿಂದಾಗಿ ಭಾರತವು ಜಗತ್ತಿನ 10 ಸಿರಿವಂತ ದೇಶಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ.
ಭಾರತ ಜಗತ್ತಿನಲ್ಲಿ ತಂತ್ರಜ್ಞಾನ ಆಧಾರಿತ, ತಂತ್ರಜ್ಞಾನ ರಹಿತ, ಸ್ಟಾರ್ಟ್ಅಪ್, ಇ-ಕಾಮರ್ಸ್ ಕ್ಷೇತ್ರದಲ್ಲಿ ಮೇಲುಗೈ ಸಾಧಿಸುತ್ತಿದೆ. ಅಲ್ಲದೇ ತಂತ್ರಜ್ಞಾನ ಮತ್ತು ಉದ್ದಿಮೆ ವಹಿವಾಟಿನ ಪ್ರಮುಖ ದೇಶವಾಗಿದೆ.
ಭಾರತವು ಒಟ್ಟು ರೂ. 534 ಲಕ್ಷ ಕೋಟಿ (8,230 ಬಿಲಿಯನ್ ಡಾಲರ್) ಸಂಪತ್ತನ್ನು ಹೊಂದಿದೆ. ಭಾರತ ತುಂಬಾ ವೇಗವಾಗಿ ಬೆಳೆಯುತ್ತಿರುವ ದೇಶಗಳ ಸಾಲಿನಲ್ಲಿ ಮುಂಚೂಣಿಯಲ್ಲಿ ನಿಲ್ಲುತ್ತದೆ.
ಪ್ರಾನ್ಸ್
ಪ್ರಾನ್ಸ್ ಕೂಡ ಪಶ್ಚಿಮ ಯುರೋಪಿಯನ್ ದೇಶ. ಇದು ವಿಶ್ವದಲ್ಲಿನ ಪ್ರಸಿದ್ದ ಪ್ರವಾಸೋದ್ಯಮ ದೇಶವಾಗಿದೆ.
ವಿಶ್ವದ ಶ್ರೀಮಂತ ದೇಶಗಳ ಪಟ್ಟಿಯಲ್ಲಿ ಆರನೇ ಸ್ಥಾನದಲ್ಲಿದ್ದು, ಇದು ಒಟ್ಟು ಸಂಪತ್ತು 6,649 ಬಿಲಿಯನ್ ಡಾಲರ್ ಹೊಂದಿದೆ.
ಕೆನಡಾ
ಕೆನಡಾ ಸಿರಿವಂತ ದೇಶಗಳ ಪಟ್ಟಿಯಲ್ಲಿ ಎಂಟನೇ ಸ್ಥಾನದಲ್ಲಿದೆ. ಇದರ ಒಟ್ಟು ಸಂಪತ್ತು 6,393 ಬಿಲಿಯನ್ ಡಾಲರ್ ಹೊಂದಿದೆ.
ಆಸ್ಟ್ರೇಲಿಯಾ
ಆಸ್ಟ್ರೇಲಿಯಾದಲ್ಲಿ ಭಾರತಕ್ಕೆ ಹೋಲಿಸಿದರೆ ಜನಸಂಖ್ಯೆ ತೀರಾ ಕಡಿಮೆ. ಆಸ್ಟ್ರೇಲಿಯಾ ರೂ.6,142 ಬಿಲಿಯನ್ ಡಾಲರ್ ಸಂಪತ್ತು ಹೊಂದಿರುವ ದೇಶವಾಗಿದೆ.
ಇಟಲಿ
ಇಟಲಿ ಜಗತ್ತಿನ ಸಿರಿವಂತ ದೇಶಗಳ ಪಟ್ಟಿಯಲ್ಲಿ ಹತ್ತನೇ ಸ್ಥಾನದಲ್ಲಿ ನಿಂತಿದೆ. ಇದು 4,276 ಬಿಲಿಯನ್ ಡಾಲರ್ ಪತ್ತನ್ನು ಹೊಂದಿದೆ.
ವ್ಯಕ್ತಿಗತ ಸಂಪತ್ತಿನಲ್ಲಿ ಏರಿಕೆ
ಭಾರತದಲ್ಲಿ ಕಳೆದ ಒಂದು ದಶಕದ (2007 ರಿಂದ 2017) ಅವಧಿಯಲ್ಲಿ ವ್ಯಕ್ತಿಗತ ಸಂಪತ್ತು ರೂ. 205 ಲಕ್ಷ ಕೋಟಿಗಳಿಂದ ರೂ. 534 ಲಕ್ಷ ಕೋಟಿಗಳಿಗೆ ಏರಿಕೆಯಾಗಿದೆ. ಅಂದರೆ ಶೇ. 160ರಷ್ಟು ಹೆಚ್ಚಳ ಕಂಡಿದೆ. ಈ ಅವಧಿಯಲ್ಲಿ ಚೀನಾದ ವ್ಯಕ್ತಿಗತ ಸಂಪತ್ತು ಶೇ. 22ರಷ್ಟು ಮತ್ತು ಜಾಗತಿಕ ಸಂಪತ್ತು ಶೇ. 12ರಷ್ಟು ಏರಿಕೆಯಾಗಿದೆ.
ಷೇರುಪೇಟೆಯ ಕೊಡುಗೆ
ಜನರ ಖಾಸಗಿ/ವ್ಯಕ್ತಿಗತ ಸಂಪತ್ತು ಹೆಚ್ಚಳದಲ್ಲಿ ಷೇರುಪೇಟೆಯ ಕೊಡುಗೆ ಮುಖ್ಯಪಾತ್ರವಹಿಸಿದೆ. ಷೇರುಪೇಟೆಯಲ್ಲಿನ ಗರಿಷ್ಠ ವಹಿವಾಟಿನ ಕಾರಣಕ್ಕೆ ಕಳೆದ ಒಂದು ವರ್ಷದಲ್ಲಿ ಭಾರತ, ಅಮೆರಿಕ, ಚೀನಾ, ಜಪಾನ್ ಮತ್ತು ಆಸ್ಟ್ರೇಲಿಯಾದ ಶ್ರೀಮಂತರ ಸಂಪತ್ತು ಗಮನಾರ್ಹ ಏರಿಕೆ ಕಂಡಿದೆ.