ಹತ್ತು ರೂಪಾಯಿ ನಾಣ್ಯಗಳ ಚಲಾವಣೆ ಬಗ್ಗೆ ಜನರಲ್ಲಿ ಗೊಂದಲ ಹೆಚ್ಚಾಗಿರುವ ಹಿನ್ನೆಲೆಯಲ್ಲಿ ಆರ್ಬಿಐ ಸ್ಪಷ್ಟೀಕರಣಕ್ಕೆ ಮುಂದಾಗಿದೆ.

ಹತ್ತು ರೂ. ನಾಣ್ಯಗಳ ಚಲಾವಣೆ ಗ್ರಾಹಕರು, ವ್ಯಾಪಾರಿಗಳಲ್ಲಿ ತೀವ್ರ ಗೊಂದಲ ಸೃಷ್ಟಿಸಿರುವುದನ್ನು ನಿರಾಕರಿಸಿ ನಾಣ್ಯಗಳು ಚಾಲ್ತಿಯಲ್ಲಿವೆ ಎಂದುಸಾರ್ವಜನಿಕರ ಮೊಬೈಲ್ ಗಳಿಗೆ ಸಂದೇಶಗಳ ಮೂಲಕ ಗೊಂದಲ ನಿವಾರಿಸುವ ಅಭಿಯಾನವನ್ನು ಆರ್ಬಿಐ ಕೈಗೊಂಡಿದೆ.
ಹತ್ತು ರೂಪಾಯಿ ನಾಣ್ಯಗಳು ರೂ. ಚಿನ್ನೆ ಸಹಿತ ಮತ್ತು ರಹಿತವಾಗಿ ಚಲಾವಣೆಯಲ್ಲಿವೆ. ಇದರ ಬಗ್ಗೆ ಗೊಂದಲಗಳಿಲ್ಲದೆ ಭಯಪಡದೆ ಸ್ವೀಕರಿಸಿ. 2010ರಿಂದ ನಾಣ್ಯಗಳ ಮೇಲೆ ರೂ. ಚಿನ್ನೆ ಮುದ್ರಿಸಲಾಗುತ್ತಿದೆ.

ಹೆಚ್ಚಿನ ಮಾಹಿತಿಗಾಗಿ 14440 ಸಂಖ್ಯೆಗೆ ಮಿಸ್ಡ್‌ ಕಾಲ್‌ ಕೊಡಿ ಎಂದು ಆರ್‌ಬಿಐನಿಂದ ಮೊಬೈಲ್‌ಗಳಿಗೆ ಎಸ್‌ಎಂಎಸ್‌ ಬರುತ್ತಿವೆ. ಈ ಎಸ್‌ಎಂಎಸ್‌ ಕನ್ನಡ, ಇಂಗ್ಲೀಷ್‌ ಹಾಗೂ ಹಿಂದಿಯಲ್ಲಿ ಕಳುಹಿಸಲಾಗುತ್ತಿದೆ ಎಂದು ತಿಳಿಸಿದೆ.