ಪಿಪಿಎಫ್ ಹೂಡಿಕೆದಾರರಲ್ಲಿ ಆತಂಕಬೇಡ: ಸರ್ಕಾರ ಸ್ಪಷ್ಟನೆ

ಸಾರ್ವಜನಿಕ ಪ್ರಾವಿಡೆಂಟ್ ನಿಧಿ (ಪಿಪಿಎಫ್) ಠೇವಣಿ ರಕ್ಷಣೆ ಹಿಂದಿನಂತೆಯೇ ಅಬಾಧಿತವಾಗಿರಲಿದೆ ಎಂದು ಕೇಂದ್ರ ಆರ್ಥಿಕ ವ್ಯವಹಾರಗಳ ಕಾರ್ಯದರ್ಶಿ ಎಸ್ ಸಿ ಗಾರ್ಗ್ ಹೇಳಿದ್ದಾರೆ.

ಪಿಪಿಎಫ್ ಉಳಿತಾಯದ ಸುರಕ್ಷತೆ ಬಗ್ಗೆ ಸಾರ್ವಜನಿಕ ಪ್ರಾವಿಡೆಂಟ್ ನಿಧಿ(ಪಿಪಿಎಫ್)ಕಾಯಿದೆ ರದ್ದುಗೊಳಿಸುವ ಕುರಿತು ಬಜೆಟ್ ಪ್ರಸ್ತಾವನೆಯಲ್ಲಿ ಹೇಳಿರುವುದು ಚಂದಾದಾರರಲ್ಲಿ ಭೀತಿಯನ್ನು ಹುಟ್ಟಿಸಿತು.

ಪಿಪಿಎಫ್ ಕಾಯಿದೆ ರದ್ದುಪಡಿಸಿ 'ಉಳಿತಾಯ ಅಭಿವೃದ್ಧಿ ಕಾಯ್ದೆ' ವ್ಯಾಪ್ತಿಗೆ ಒಳಪಡಿಸಲು ಬಜೆಟ್ ನಲ್ಲಿ ಪ್ರಸ್ತಾಪಿಸಲಾಗಿತ್ತು. ಆದರೆ ಪಿಪಿಎಫ್ ಹೂಡಿಕೆದಾರರು ಆತಂಕ ಪಡುವ ಅಗತ್ಯವಿಲ್ಲ ಎಂದು ತಿಳಿಸಲಾಗಿದೆ. ಉಳಿತಾಯ ಅಭಿವೃದ್ಧಿ ಕಾಯ್ದೆ ಅಡಿಯಲ್ಲಿ ಪಿಪಿಎಫ್ ಕಾಯಿದೆ ವಿಲೀನವಾಗುವ ಸಂದರ್ಭದಲ್ಲಿ ಮುಟ್ಟುಗೋಲಿನ ವಿರುದ್ಧ ಪಿಪಿಎಫ್ ಠೇವಣಿಗಳಿಗೆ ಇರುವ ರಕ್ಷಣೆ ಮುಂದುವರೆಯಲಿದೆ. ಹೀಗಾಗಿಪಿಪಿಎಫ್ ಠೇವಣಿದಾರರು ಆತಂಕಪಡುವ ಅಗತ್ಯ ಇಲ್ಲ.