ವಿತರಣೆಗೆ 100 ಕೋಟಿ ವೆಚ್ಚ

ರು. 100 ಹೊಸ ನೋಟುಗಳ ಹಂಚಿಕೆಗೆ ಸಾಕಷ್ಟು ಸವಾಲುಗಳು ಎದುರಾಗುತ್ತಿದ್ದು, ಈ ಹೊಸ ನೋಟುಗಳನ್ನು ದೇಶದ ಎಲ್ಲಾ ಎಟಿಎಂ ಗಳಿಗೆ ವಿತರಣೆ ಮಾಡುವುದಕ್ಕೆ ಸುಮಾರು ರೂ. 100 ಕೋಟಿಖರ್ಚಾಗಲಿದೆ ಎಂದು ಎಟಿಎಂ ಆಪರೇಟರ್ಸ್ ಸಂಘ ಹೇಳಿದೆ.

12 ತಿಂಗಳು ಕಾಲಾವಕಾಶಬೇಕು

ದೇಶದಾದ್ಯಂತ ಸುಮಾರು 2.4 ಲಕ್ಷ ಎಟಿಎಂ ಗಳಿವೆ. ಎಲ್ಲಾ ಎಟಿಎಂ ಗಳಲ್ಲಿ ಹೊಸ ನೂರು ರುಪಾಯಿ ಮುಖಬೆಲೆಯ ನೋಟುಗಳು ಸಿಗುವಂತೆ ಮಾಡಲು ಕನಿಷ್ಟ ಒಂದು ವರ್ಷದ ಕಾಲಾವಕಾಶ ಬೇಕಾಗಲಿದೆ.

ನೋಟುಗಳ ಹಂಚಿಕೆ ಸುಲಭವಲ್ಲ

ಇಲ್ಲಿಯವರೆಗೆ ರೂ. 200 ರೂಪಾಯಿ ಮುಖಬೆಲೆಯ ನೋಟುಗಳನ್ನು ಎಟಿಎಂ ಮೂಲಕ ವಿತರಣೆ ಮಾಡುವ ಕಾರ್ಯವೇ ಸರಿಯಾಗಿ ಯಶಸ್ವಿಯಾಗಿಲ್ಲ. ಇನ್ನೂ ರೂ. 100 ಹೊಸ ನೋಟುಗಳ ಹಂಚಿಕೆ ಮಾಡುವುದು ತುಂಬಾ ಕಠಿಣ ಕಾರ್ಯ ಎಂದು ಎಟಿಎಂ ಆಪರೇಟರ್ಸ್ ಹೇಳಿದ್ದಾರೆ.

ಪೂರೈಕೆ ಕೂಡ ಸವಾಲಿನ ಕೆಲಸ

ಹಳೆ ನೂರು ರೂಪಾಯಿ ನೋಟುಗಳ ಜೊತೆಗೆ ಹೊಸ ನೋಟುಗಳನ್ನು ನೋಟುಗಳನ್ನು ಪೂರೈಸುವುದು ಕೂಡ ಸವಾಲಿನ ಕೆಲಸವಾಗಿದ್ದು, ಹೊಸ ನೋಟುಗಳ ಕಾಲಕಾಲಕ್ಕೆ ಎಟಿಎಂ ಗಳಲ್ಲಿ ತುಂಬಿಸಬೇಕಾಗುತ್ತದೆ. ಈ ಕಾರ್ಯ ಯಶಸ್ವಿಯಾಗಿ ನಡೆಯದಿದ್ದರೆ ಗ್ರಾಹಕರ ಪರಿಸ್ಥಿತಿ ಹದಗೆಡಲಿದೆ ಎಂದು ಆರ್ಥಿಕ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.