ಕ್ಯೂಆರ್ ಕೋಡ್ ಸ್ಕ್ಯಾನ್

ಎಟಿಎಂಗಳಿಂದ ಹಣ ವಿತ್ ಡ್ರಾ ಮಾಡಲು ಡೆಬಿಟ್ ಕಾರ್ಡ್ ಹಾಗೂ ಕ್ರೆಡಿಟ್ ಕಾರ್ಡ್ ಗಳನ್ನು ಎಟಿಎಂ ಗಳಲ್ಲಿ ಸ್ವೈಪ್ ಮಾಡಬೇಕಿತ್ತು. ಆದರೆ ಇದೀಗ ಕೇವಲ‌ ಕ್ಯೂಆರ್ ಕೋಡ್ ಸ್ಕ್ಯಾನ್ ಮಾಡುವ ಮೂಲಕ ಹಣ ಬಿಡಿಸಿಕೊಳ್ಳುವ ತಂತ್ರಾಂಶ ಸಿದ್ಧಗೊಂಡಿದೆ.

ಸುರಕ್ಷತೆಗೆ ಆದ್ಯತೆ

ಸುರಕ್ಷತೆಯ ದೃಷ್ಟಿಯಿಂದ ಕ್ಯೂಆರ್ ಕೋಡ್ ನೊಂದಿಗೆ ಬಯೋಮೆಟ್ರಿಕ್/ಫಿಂಗರ್ ಪ್ರಿಂಟ್ ಸ್ಕ್ಯಾನ್ ಕಡ್ಡಾಯಗೊಳಿಸುವ ಸಾಧ್ಯತೆ ಇದೆ. ಪೇಟಿಎಂ, ಯುಪಿಐ ಸೇರಿದಂತೆ ವಿವಿಧ ಇ-ವ್ಯಾಲೆಟ್ ಗಳಲ್ಲಿರುವ ಸೌಲಭ್ಯದಂತೆ ಬ್ಯಾಂಕ್ ಖಾತೆಗೂ ಇದನ್ನು ಮುಂದುವರಿಸಲು ಬ್ಯಾಂಕಿಂಗ್ ಕ್ಷೇತ್ರ ಸಿದ್ಧತೆ ನಡೆಸಿದೆ.

ನೋಟುಗಳ ಆಯ್ಕೆ

ಎಟಿಎಮ ಕೇಂದ್ರಗಳಲ್ಲಿ ಸ್ಕ್ಯಾನ್ ಮಾಡಿ ಹಣ ಬಿಡಿಸುವಾಗ, ರೂ. 100, 500 ಹಾಗೂ 2000 ನೋಟುಗಳಲ್ಲಿ ಯಾವ ನೋಟುಗಳು ಬೇಕು‌ ಎಂದು ಆಯ್ಕೆ ಮಾಡಬಹುದಾಗಿದೆ.
ಹಣ ಬಿಡಿಸುವುದರ ಜೊತೆಗೆ ಡಿಡಿ ಪಡೆಯುವುದಕ್ಕೂ ನೂತನ ತಂತ್ರಜ್ಞಾನದಲ್ಲಿ ಅವಕಾಶ ನೀಡಲಾಗಿದೆ.