ಭಾರತೀಯ ಅಂಚೆ ಇಲಾಖೆ ವ್ಯವಹಾರ ವಿಸ್ತರಿಸುವ ಉದ್ದೇಶದಿಂದ ಇ-ಕಾಮರ್ಸ್ ಪೋರ್ಟಲ್ ಆರಂಭಿಸಿದೆ ಎಂದು ಕೇಂದ್ರ ಸಚಿವ ಮನೋಜ್ ಸಿನ್ಹಾ ಟ್ವೀಟ್ ಮಾಡಿದ್ದಾರೆ.

ಡಿಸೆಂಬರ್ ತಿಂಗಳ ಮಧ್ಯದಲ್ಲಿ ಪೂರ್ಣ ಪ್ರಮಾಣದಲ್ಲಿ ಸೇವೆ ಆರಂಭಿಸಲಾಗುತ್ತದೆ ಎಂದು ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ. ಆದರೆ ಹೊಸ ಸೇವೆಯ ಬಗ್ಗೆ ಇಲಾಖೆ ಈವರೆಗೆ ಮಾಹಿತಿ ನೀಡಿಲ್ಲ.

ಅಂಚೆ ಇಲಾಖೆ ತನ್ನ ಆದಾಯ ಹೆಚ್ಚಿಸಿಕೊಳ್ಳುವ ಉದ್ದೇಶದಿಂದ ಇ-ಕಾಮರ್ಸ್ ಸೇವೆ ಆರಂಭಿಸಿದೆ. 2013ರ ಡಿಸೆಂಬರ್ ನಿಂದ ೨೦೧೮ರ ಜನೆವರಿವರೆಗೆ ಇಲಾಖೆಯು ಕ್ಯಾಶ್ ಆನ್ ಡೆಲವರಿ ಸೇವೆಯಿಂದ ರೂ. 2700 ಕೋಟಿ ರೂ. ಸಂಗ್ರಹಿಸಿದೆ. ಇ- ಕಾಮರ್ಸ್ ಕ್ಷೇತ್ರದ ಮೂಲಕ ಭಾರತೀಯ ಅಂಚೆ ಇಲಾಖೆಗೆ ಶೇ. 13 ರಷ್ಟು ಆದಾಯ ಹೆಚ್ಚಳವಾಗಿದೆ.