ರೂ. 100 ಕೋಟಿ(14.11 ಮಿಲಿಯನ್ ಡಾಲರ್) ಅಥವಾ ಅದಕ್ಕೂ ಹೆಚ್ಚಿನ ಅಧಿಕ ಸಾಲ ಪಡೆಯುವ ಕಂಪನಿಗಳು ಸಾಲದ ಶೇ. 25 ರಷ್ಟನ್ನು ಬಾಂಡ್ ರೂಪದಲ್ಲಿ ಪಡೆಯಬೇಕು ಎಂದು ಸೆಕ್ಯುರಿಟಿ ಆಂಡ್ ಎಕ್ಸ್ಚೇಂಜ್ ಬೋರ್ಡ್ ಆಫ್ ಇಂಡಿಯಾ (ಸೆಬಿ) ಹೇಳಿದೆ.

ಹೊಸ ನಿಯಮ 2019 ರ ಏಪ್ರಿಲ್ 1ರಿಂದ ಅನ್ವಯವಾಗಲಿದ್ದು, ಕ್ಯಾಲೆಂಡರ್ ವರ್ಷವನ್ನೇ ಹಣಕಾಸು ವರ್ಷವಾಗಿ ಪಾಲಿಸುವ ಕಂಪನಿಗಳಿಗೆ ಇದು 2020 ಜನೆವರಿ 1 ರಿಂದ ಅನ್ವಯವಾಗಲಿದೆ ಸೆಬಿ ತಿಳಿಸಿದೆ.

ಫೆಬ್ರವರಿಯ ಬಜೆಟ್ ಸಂದರ್ಭದಲ್ಲೇ ದೇಶದ ಕಾರ್ಪೋರೇಟ್ ಬಾಂಡ್ ಮಾರುಕಟ್ಟೆಯನ್ನು ತುಲನಾತ್ಮಕವಾಗಿ ವಿಸ್ತರಿಸುವ ಸಲುವಾಗಿ ಈ ಪ್ರಸ್ತಾವನೆಯನ್ನು ಸಲ್ಲಿಸಲಾಗಿತ್ತು. ಈ ಹೊಸ ನಿಯಮದ ಪ್ರಕಾರ ದೊಡ್ಡ ಕಂಪನಿಗಳು ಶೇ. 25ರಷ್ಟು ಸಾಲವನ್ನು ಒಂದು ವರ್ಷಕ್ಕೂ ಅಧಿಕ ಅವಧಿಗೆ ಬಾಂಡ್ ರೂಪದಲ್ಲಿ ಪಡೆಯಬೇಕಾಗುತ್ತದೆ. ಆರ್ಥಿಕ ವರ್ಷ 2022 ರಷ್ಟರಲ್ಲಿ ಈ ನಿಯಮ ಇನ್ನಷ್ಟು ಕಟ್ಟುನಿಟ್ಟಾಗಲಿದ್ದು, ಕಂಪನಿಗಳು ಶೇ. 25ರಷ್ಟು ಸಾಲವನ್ನು ಬಾಂಡ್ ರೂಪದಲ್ಲಿ 2 ವರ್ಷಗಳ ಅವಧಿಗೆ ಕಡ್ಡಾಯವಾಗಿ ಪಡೆಯಬೇಕಾಗುತ್ತದೆ.