ಇನ್ಫೋಸಿಸ್ ರೂ. 3,610 ಕೋಟಿ ನಿವ್ವಳ ಲಾಭ

ದೇಶದ ಐಟಿ (ಮಾಹಿತಿ ತಂತ್ರಜ್ಞಾನ) ದಿಗ್ಗಜ ಸಂಸ್ಥೆ ಇನ್ಫೋಸಿಸ್ ಕಳೆದ ಸೆಪ್ಟಂಬರ್ ಮತ್ತು ಡಿಸೆಂಬರ್ ಮೂರನೇ ತ್ರೈಮಾಸಿಕ ಅವಧಿಯಲ್ಲಿ ರೂ. 3,610 ಕೋಟಿ ನಿವ್ವಳ ಲಾಭ ದಾಖಲಿಸಿದೆ.

ಕಳೆದ 2017-18ರ ಸಾಲಿನ ಸೆಪ್ಟಂಬರ್-ಡಿಸೆಂಬರ್ ಅವಧಿಗೆ ಹೋಲಿಸಿದರೆ, ಶೇ. 30ರಷ್ಟು ಇಳಿಕೆಯಾಗಿದೆ. ಎರಡನೇ ಅತಿದೊಡ್ಡ ಕಂಪನಿ ರೂ. 5,129 ಕೋಟಿ ಲಾಭ ಗಳಿಸಿತ್ತು.ಇನ್ಫೋಸಿಸ್ ತ್ರೈಮಾಸಿಕ ನಿವ್ವಳ ವಹಿವಾಟು ರೂ. 21,400 ಕೋಟಿಗಳಾಗಿದ್ದು, ಶೇ. 20 ರಷ್ಟು ಏರಿಕೆ ಕಂಡಿದೆ.

ಇನ್ಫೋಸಿಸ್ ರೂ. 8,260 ಕೋಟಿ ಮೌಲ್ಯದ ಷೇರು ಮರು ಖರೀದಿಯನ್ನು ಘೋಷಿಸಿದ್ದು, ಪ್ರತಿ ಷೇರಿಗೆ ರೂ. 800 ದರದಲ್ಲಿ ಮರು ಖರೀದಿಸಲಿದೆ. ಜೊತೆಗೆ ಪ್ರತಿ ಷೇರಿಗೆ ರೂ. 4 ವಿಶೇಷ ಡಿವಿಡೆಂಡ್ ಪ್ರಕಟಿಸಿದೆ.
ಇನ್ಫೋಸಿಸ್‌ನಲ್ಲಿ ಶೇ. 22.20ರಷ್ಟಿದ್ದ ಉದ್ಯೋಗಿಗಳ ವಲಸೆಯ ದರ ಶೇ. 19.90ಕ್ಕೆ ಇಳಿದಿದೆ.