ರಿಲಯನ್ಸ್ ಇಂಡಸ್ಟ್ರೀಸ್ (ಆರ್ಐಎಲ್) 2019 ರ ಮೂರನೇ ತ್ರೈಮಾಸಿಕದಲ್ಲಿ ಶೇ. 9 ಏರಿಕೆಯೊಂದಿಗೆ ರೂ. 10,251 ಕೋಟಿ ನಿವ್ವಳ ಲಾಭ ದಾಖಲಿಸಿದೆ.

ತ್ರೈಮಾಸಿಕದ ಅವಧಿಯಲ್ಲಿ ಹತ್ತು ಸಾವಿರ ಕೋಟಿಗಿಂತ ಹೆಚ್ಚು ನಿವ್ವಳ ಲಾಭ ಗಳಿಸಿದ ದೇಶದ ಮೊದಲ ಖಾಸಗಿ ಕಂಪನಿ ಎಂಬ ಹೆಗ್ಗಳಿಕೆಗೆ ರಿಲಯನ್ಸ್ ಇಂಡಸ್ಟ್ರೀಸ್ (ಆರ್ಐಎಲ್) ಪಾತ್ರವಾಗಿದೆ.

ಮುಖೇಶ್ ಅಂಬಾನಿ ಒಡೆತನದ ರಿಲಯನ್ಸ್ ಇಂಡಸ್ಟ್ರೀಸ್ ಜಿಯೋ ಪ್ರವೇಶಾತಿ ನಂತರ ಉತ್ತುಂಗಕ್ಕೆ ಏರುತ್ತಿದೆ. ಡಿಸೆಂಬರ್ ಅಂತ್ಯಕ್ಕೆ ಕೊನೆಗೊಂಡ ಮೂರನೇ ತ್ರೈಮಾಸಿಕದಲ್ಲಿ ರೂ. 10,251 ಕೋಟಿ ನಿವ್ವಳ ಲಾಭ ಗಳಿಸಿರುವುದು ಮಹತ್ವದ ಮೈಲುಗಲ್ಲಾಗಿದೆ.
ಕಳೆದ ವರ್ಷದ ಇದೇ ಅವಧಿಯಲ್ಲಿ ರಿಲಯನ್ಸ್ ಇಂಡಸ್ಟ್ರೀಸ್ ರೂ. 9420 ಕೋಟಿ ನವ್ವಳ ಲಾಭ ಗಳಿಸಿತ್ತು. ಅಂದರೆ ಈ ಬಾರಿ ಶೇ. ೯ರಷ್ಟು ಏರಿಕೆ ಕಂಡಿದೆ.

ಜಿಯೋದ ಫಲವಾಗಿ ದೂರಸಂಪರ್ಕ ಕ್ಷೇತ್ರ, ರಿಟೇಲ್, ಪೆಟ್ರೋಕೆಮಿಕಲ್ಸ್ ಕ್ಷೇತ್ರಗಳಲ್ಲಿ ಉತ್ತಮವಾದ ಸಾಧನೆ ಈ ಮಟ್ಟದ ಗಳಿಕೆಗೆ ಕಾರಣವಾಗಿದೆ. ಕಂಪನಿಯ ಒಟ್ಟು ವರಮಾನ ಶೇ. ೫೬ ರಷ್ಟು ಏರಿಕೆ ಕಂಡಿದೆ. ರಿಲಯನ್ಸ್ ಇಂಡಸ್ಟ್ರೀಸ್ ಹೆಚ್ಚಿನ ಪ್ರಮಾಣದ ಮಳಿಗೆಗಳನ್ನು ತೆರೆದಿರುವುದು ಹಾಗು ಜಿಯೋ ಮೊಬೈಲ್ ಚಂದಾದಾರರಿಂದಾಗಿ ಸಂಸ್ಥೆಯ ಆದಾಯ ಗಣನೀಯವಾಗಿ ಹೆಚ್ಚಳವಾಗಲು ಕಾರಣವಾಗಿದೆ.