ದೂರಸಂಪರ್ಕ ಮಾರುಕಟ್ಟೆಯಲ್ಲಿ ತಮ್ಮ ಗ್ರಾಹಕರನ್ನು ಆಕರ್ಷಿಸಲು ಟೆಲಿಕಾಂ ಕಂಪನಿಗಳು ಹೊಸ ಹೊಸ ಪ್ಲಾನ್ ಗಳನ್ನು ಘೋಷಿಸುತ್ತವೆ. ಜಿಯೋ ಪ್ರವೇಶಾತಿ ನಂತರ ಏರ್ಟೆಲ್, ವೋಡಾಫೋನ್, ಐಡಿಯಾ, ಬಿಎಸ್ಎನ್ಎಲ್ ನಂತಹ ಪ್ರಮುಖ ಕಂಪನಿಗಳು ಹರಸಾಹಸ ಪಡುತ್ತಲೇ ಇವೆ!
ಸರ್ಕಾರಿ ಸ್ವಾಮ್ಯದ ಬಿಎಸ್ಎನ್ಎಲ್ ತನ್ನ ಗ್ರಾಹಕರನ್ನು ಸೆಳೆಯಲು ಸಾಕಷ್ಟು ಹೊಸ ಯೋಜನೆಗಳನ್ನು ಬಿಡುಗಡೆ ಮಾಡಿದೆ. ಆದರೆ ಈ ಬಾರಿ ಗ್ರಾಹಕರಿಗೆ ಶಾಕಿಂಗ್ ಸುದ್ದಿ ನೀಡಿದ್ದು, ಬಿಎಸ್ಎನ್ಎಲ್ ರೂ. 99 ಪ್ಲಾನ್ ನಲ್ಲಿ ಎರಡು ಮಹತ್ವದ ಬದಲಾವಣೆ ಮಾಡಿದೆ.

ರೂ. 99 ಯೋಜನೆ ಬದಲಾವಣೆ
- ರೂ. 99 ಯೋಜನೆಯ ವ್ಯಾಲಿಡಿಟಿ ಅವಧಿಯಲ್ಲಿ ಬದಲಾವಣೆ ಮಾಡಿದ್ದು, ಈ ಹಿಂದೆ ಇದ್ದ 26 ದಿನಗಳ ವ್ಯಾಲಿಡಿಟಿಯನ್ನು ಇದೀಗ 24 ದಿನಗಳಿಗೆ ಇಳಿಸಿದೆ.

- ಬಿಎಸ್ಎನ್ಎಲ್ ಇನ್ನೊಂದು ನಿರ್ಧಾರ ಕೈಗೊಂಡಿದ್ದು, ಸಿಮ್ ಬದಲಿ (sim replacement) ಶುಲ್ಕ ಶೇ. 10ರಷ್ಟು ಹೆಚ್ಚಿಸಿ ಗ್ರಾಹಕರಿಗೆ ಶಾಕ್ ನೀಡಿದೆ.
ಮೊದಲು ಸಿಮ್ ರಿಪ್ಲೇಸ್ಮೆಂಟ್ ಗಾಗಿ ಗ್ರಾಹಕರು ರೂ. 10 ನೀಡುತ್ತಿದ್ದರು. ಇನ್ಮುಂದೆ ರೂ. 100 ನೀಡಬೇಕಾಗಿದೆ.

- ಪ್ರಿಪೇಡ್ ಹಾಗೂ ಪೋಸ್ಟ್ ಪೇಡ್ ಎರಡೂ ವಿಧದ ಗ್ರಾಹಕರಿಗೆ ಇದು ಅನ್ವಯವಾಗಲಿದೆ. ಹೊಸ ನಿಯಮ ಜನವರಿ 21, 2019 ರಿಂದ ಜಾರಿಗೆ ಬಂದಿದೆ.