ಕೇಂದ್ರ ಸರ್ಕಾರ ನೌಕರರಿಗೆ ಸಿಹಿಸುದ್ದಿ ನೀಡುವ ಸಾಧ್ಯತೆಯಿದೆ. ನೌಕರರ ಪಿಂಚಣಿ ಯೋಜನೆಯಡಿ (ಇಪಿಎಸ್) ಪಿಂಚಣಿ ಹಣವನ್ನು ದುಪ್ಪಟ್ಟು ಮಾಡುವ ಸಾಧ್ಯತೆಯಿದ್ದು, ಈ ಬದಲಾವಣೆ ತರುವಾಯ ಪ್ರತಿ ತಿಂಗಳು ಪಿಂಚಣಿ ಹಣ ರೂ. 2,000 ಸಿಗಲಿದೆ. ಸುಮಾರು 40 ಲಕ್ಷಕ್ಕೂ ಹೆಚ್ಚು ನೌಕರಿಗೆ ಲಾಭದಾಯಕವಾಗಲಿದೆ.

ನೌಕರರ ಪಿಂಚಣಿ ಹೆಚ್ಚಿಸುವಂತೆ ಉನ್ನತ ಮಟ್ಟದ ಸಮಿತಿ ಪ್ರಸ್ತಾವನೆ ಸಲ್ಲಿಸಿದೆ. ಇಪಿಎಫ್ಒ ಚಂದಾದಾರರು ಪಿಂಚಣಿಯ ಭಾಗವಾಗಲಿದ್ದು, ಹಣಕಾಸು ಸಚಿವಾಲಯ ಇದರ ಬಗ್ಗೆ ಚರ್ಚೆ ನಡೆಸುತ್ತಿದೆ ಎಂದು ಹೇಳಲಾಗಿದೆ.

ಸರ್ಕಾರವು ಪ್ರತಿ ವರ್ಷ ನೌಕರರ ಪಿಂಚಣಿ ಯೋಜನೆ ಭಾಗವಾಗಿ ರೂ. 9000 ಕೋಟಿ ಖರ್ಚು ಮಾಡುತ್ತದೆ. ಒಂದು ವೇಳೆ ಉನ್ನತ ಮಟ್ಟದ ಸಮಿತಿ ಪ್ರಸ್ತಾವವನ್ನು ಒಪ್ಪಿಕೊಂಡರೆ ಪಿಂಚಣಿ ಮೊತ್ತ ರೂ. 12,000 ಕೋಟಿ ಆಗಲಿದೆ.
ಕೇಂದ್ರ ಸರ್ಕಾರ ಕೆಲ ಷರತ್ತುಗಳ ಮೇಲೆ ಪಿಂಚಣಿ ಹೆಚ್ಚಳ ನಿರ್ಧಾರ ಕೈಗೊಳ್ಳುವ ಸಾಧ್ಯತೆಯಿದೆ. ಸುಮಾರು 60 ಲಕ್ಷ ಪಿಂಚಣಿದಾರರಿದ್ದು, ಅವರಲ್ಲಿ 40 ಲಕ್ಷ ಮಂದಿ ಪ್ರತಿ ತಿಂಗಳು ರೂ. 1500 ಕ್ಕಿಂತ ಕಡಿಮೆ ಪಿಂಚಣಿ ಪಡೆಯುತ್ತಿದ್ದಾರೆ.