ಸಾರ್ವಜನಿಕ ವಲಯದ ಸಂಸ್ಥೆ ಕೆನರಾ ಬ್ಯಾಂಕ್ ತನ್ನ ಮೂರನೇ ತ್ರೈಮಾಸಿಕ ವರದಿಯನ್ನು ಸೋಮವಾರ(ಜನವರಿ 28) ದಂದು ಪ್ರಕಟಿಸಿದೆ. ಕೆನರಾ ಬ್ಯಾಂಕ್ ನಿವ್ವಳ ಲಾಭದಲ್ಲಿ ಶೇ152.50 ರಷ್ಟು ಏರಿಕೆ ಕಂಡು ಬಂದಿದೆ. ಮೂರನೇ ತ್ರೈಮಾಸಿಕದ ಅಂತ್ಯಕ್ಕೆ 317.52 ಕೋಟಿ ರು ಗಳಿಸಿದೆ.

ಡಿಸೆಂಬರ್ 31ಕ್ಕೆ ಅಂತ್ಯ ಕಂಡ ತ್ರೈಮಾಸಕ್ದಲ್ಲಿ ನಿವ್ವಳ ಆದಾಯ ಶೇ 3.66ರಷ್ಟು ಏರಿಕೆ ಕಂಡು ವರ್ಷದಿಂದ ವರ್ಷಕ್ಕೆ(y-o-y) ಎಣಿಕೆಯಂತೆ 3,815 ಕೋಟಿ ರು ಗಳಿಸಿದ್ದು, ಸಾಲದ ನೀಡಿಕೆ ಪ್ರಮಾಣ ಶೇ12ರಷ್ಟು ಏರಿಕೆ ಕಂಡು 4.17 ಲಕ್ಷ ಕೋಟಿ ರು ಗೆ ಏರಿಕೆಯಾಗಿದೆ.

ನಿರ್ವಹಣಾ ಲಾಭ ಶೇ 16.75ರಷ್ಟು ಇಳಿಕೆ ಕಂಡು 2,357 ಕೋಟಿ ರು ಗೆ ಇಳಿದಿದೆ. ಸೋಮವಾರದಂದು ಕೆನರಾ ಬ್ಯಾಂಕಿನ ಷೇರುಗಳು ಬಿಎಸ್ಇಯಲ್ಲಿ ಶೇ 5.23ರಷ್ಟು ಕುಸಿದು 13.25 ರುನಷ್ಟು ಕಳೆದುಕೊಂಡು 240.30 ರು ನಂತೆ ವ್ಯವಹಾರ ನಡೆಸಿತ್ತು. ಎನ್ಎಸ್ಇಯಲ್ಲಿ ಶೇ 5.48ರಷ್ಟು ಇಳಿಕೆ ಕಂಡು 13.85ರು ನಷ್ಟು ಕಳೆದುಕೊಂಡು 240.40 ರುನಂತೆ ವ್ಯವಹಾರ ಮುಗಿಸಿತ್ತು.