ಷೇರುಪೇಟೆ ತಲ್ಲಣ! ಬಿಎಸ್ಇ ಸೂಚ್ಯಂಕ 225 ಅಧಿಕ ಅಂಕ ಕುಸಿತ

ಬಿಎಸ್ಇ ಸೆನ್ಸೆಕ್ಸ್ ಸೂಚ್ಯಂಕ ಶುಕ್ರವಾರದ ಆರಂಭಿಕ ವಹಿವಾಟಿನಲ್ಲಿ 225ಕ್ಕೂ ಅಧಿಕ ಅಂಕಗಳಷ್ಟು ಕುಸಿತ ಕಂಡಿದೆ.

ರಾಷ್ಟ್ರೀಯ ಷೇರು ಮಾರುಕಟ್ಟೆಯಲ್ಲಿ 11.18ರ ಹೊತ್ತಿಗೆ ಸೆನ್ಸೆಕ್ಸ್ 217.17 ಪಾಯಿಂಟ್ ಕುಸಿತದೊಂದಿಗೆ 36,753.71 ಅಂಶ ಹಾಗು ನಿಫ್ಟಿ ಸೂಚ್ಯಂಕ 68.35 ಅಂಕ ನಷ್ಟದೊಂದಿಗೆ 11,001.65 ಅಂಶಗಳಲ್ಲಿ ವಹಿವಾಟು ನಡೆಸುತ್ತಿದೆ.

ಯುಎಸ್ - ಚೀನಾ ವ್ಯಾಪಾರ ಯುದ್ದ ಜಾಗತಿಕ ಮಾರುಕಟ್ಟೆಯ ಮೇಲೆ ಪರಿಣಾಮ ಬೀರುವ ಭೀತಿಯ ಹಿನ್ನೆಲೆಯಲ್ಲಿ ದೇಶಿ ಮಾರುಕಟ್ಟೆ ಕುಡ ಕುಸಿತ ಕಂಡಿದೆ. ಆರಂಭಿಕ ವಹಿವಾಟಿನಲ್ಲಿ ಟಾಟಾ ಮೋಟರ್‌, ರಿಲಯನ್ಸ್‌, ಬಜಾಜ್‌ ಆಟೋ, ಯೆಸ್ ಬ್ಯಾಂಕ್‌, ಟೆಕ್‌ ಮಹೀಂದ್ರ ಷೇರುಗಳು ಸಕರಾತ್ಮಕವಾಗಿದ್ದವು.
ಡಾಲರ್‌ ಎದುರು ರೂಪಾಯಿ ಮೌಲ್ಯ 13 ಪೈಸೆ ಜಿಗಿತ ದಾಖಲಿಸಿ ರೂ. 71.32 ಮಟ್ಟದಲ್ಲಿ ವ್ಯವಹಾರ ನಡೆಸುತ್ತಿದೆ.