ಇಂಡಿಗೋ ಫ್ಲಾಶ್ ಸೇಲ್ ಆಫರ್! ಆರಂಭಿಕ ದರ ರೂ. 899

ಇಂಡಿಗೋ ಏರ್ಲೈನ್ ವಿಮಾನಯಾನ ಸಂಸ್ಥೆ ತನ್ನ ಸ್ಥಳೀಯ ಮತ್ತು ಅಂತಾರಾಷ್ಟ್ರೀಯ ಗ್ರಾಹಕರಿಗೆ ವಿಶೇಷ ಕೊಡುಗೆಗಳನ್ನು ಘೋಷಿಸುತ್ತಲೇ ಇರುತ್ತದೆ.

ಫ್ಲಾಶ್ ಸೇಲ್ ಅಡಿಯಲ್ಲಿ ಫೆ.11 ರಿಂದ 13 ರ ವರೆಗೆ ಮೂರು ದಿನದ ವಿಶೇಷ ಕೊಡುಗೆಯನ್ನು ಪರಿಚಯಿಸಿದ್ದು, ಈ ವಿಶೇಷ ಮಾರಾಟದಲ್ಲಿ ಸ್ಥಳೀಯ ಹಾಗೂ ಅಂತಾರಾಷ್ಟ್ರೀಯ ಇಂಡಿಗೋ ಟಿಕೆಟ್‌ಗಳ ಮೇಲೆ ಭಾರಿ ರಿಯಾಯಿತಿ ನೀಡಲಾಗಿದೆ.

2019 ರ ಫೆಬ್ರವರಿ 26 ರಿಂದ ಸೆಪ್ಟಂಬರ್ 29 ರ ಅವಧಿಗೆ ಈ‌ ವಿಶೇಷ ರಿಯಾಯಿತಿಗಳನ್ನು ಬುಕ್ ಮಾಡಬಹುದು ಎಂದು ವೆಬ್‌ಸೈಟ್ ನಲ್ಲಿ ಇಂಡಿಗೋ ಹೇಳಿದೆ.

ಇಂಡಿಗೋ ಸ್ಥಳೀಯ ವಿಮಾನಗಳ ಟಿಕೆಟ್ ಆರಂಭಿಕ ದರ ರೂ. 899 ಹಾಗೂ ಅಂತಾರಾಷ್ಟ್ರೀಯ ವಿಮಾನಗಳ ಟಿಕೆಟ್ ಆರಂಭಿಕ ದರ ರೂ. 3399 ಇರುತ್ತದೆ. ಇದರೊಂದಿಗೆ ಸ್ಥಳೀಯ ವಿಮಾನಗಳ ಟಿಕೆಟ್‌ ನ್ನು ಅಮೆರಿಕನ್ ಎಕ್ಸ್‌ಪ್ರೆಸ್‌, ಡಿಬಿಎಸ್ ಹಾಗೂ ಆರ್‌ಬಿಎಲ್‌ ಕಾರ್ಡ್‌ಗಳಲ್ಲಿ ಬುಕ್ ಮಾಡಿದರೆ ಶೇ. 20 ರಷ್ಟು ಕ್ಯಾಶ್‌ ಬ್ಯಾಕ್ ಆಫರ್ ಇದೆ ಎಂದು ವೆಬ್‌ಸೈಟ್ ತಿಳಿಸಿದೆ.