ಬೆಂಗಳೂರು, ಫೆಬ್ರವರಿ 15: ಎಚ್‍ಪಿ ಹೊಸ ಪ್ರೀಮಿಯಂ ಸ್ಪೆಕ್ಟ್ರಮ್ ಶ್ರೇಣಿಯ ಉತ್ಪನ್ನಗಳನ್ನು ಪ್ರೀಮಿಯಂ ಪಿಸಿಗಾಗಿ ಬಿಡುಗಡೆ ಮಾಡಿದೆ. ಇದರಲ್ಲಿ ಎಚ್‍ಪಿ ಸ್ಪೆಕ್ಟರ್ ಫೋಲಿಯೋ ಮತ್ತು ಎಚ್‍ಪಿ ಸ್ಪೆಕ್ಟರ್ x360 ಅನ್ನು ಬಿಡುಗಡೆ ಪ್ರಮುಖವಾಗಿವೆ.

ಪಿಸಿಯನ್ನು ತಯಾರಿಸಲು ಅಗತ್ಯವಾದ ಎಲ್ಲಾ ವಸ್ತುಗಳನ್ನು ಎಲ್ಲಾ ದೃಷ್ಟಿಕೋನಗಳಿಂದ ಪುನರ್ ಆವಿಷ್ಕರಿಸಿದೆ. ಇದರಿಂದ ಅತ್ಯುತ್ತಮವಾದ ಅನುಭವಗಳನ್ನು ನೀಡಬಹುದಾಗಿದೆ. ಪ್ರತಿದಿನ ಬಳಕೆದಾರರು ಈ ಅತ್ಯುತ್ತಮವಾದ ಮತ್ತು ಸುಸಜ್ಜಿತವಾದ ಬಳಕೆ ಮಾಡಲು ಪೂರಕವಾಗಿ ಈ ಸಾಧನವನ್ನು ವಿನ್ಯಾಸಗೊಳಿಸಲಾಗಿದೆ.

ವ್ಯಕ್ತಿಗತ ಕಂಪ್ಯೂಟಿಂಗ್ ಡಿವೈಸ್‍ಗಳನ್ನು ಹೊಂದಲು ಎಲ್ಲರೂ ಬಯಸುತ್ತಾರೆ. ಈ ಬೇಡಿಕೆ ಪ್ರಮಾಣ ಹೆಚ್ಚುತ್ತಿದ್ದು, ಜೀವನಶೈಲಿಗೆ ಅನುಗುಣವಾಗಿ ಸಿಸ್ಟಂ ಅನ್ನು ವಿನ್ಯಾಸಗೊಳಿಸಬೇಕಾಗಿದೆ. ಇಂತಹ ಅನುಭವಗಳನ್ನು ಪಡೆಯಲೆಂದೇ ಗ್ರಾಹಕರು ಪ್ರೀಮಿಯಂ ಡಿವೈಸ್‍ಗಳ ಮೊರೆ ಹೋಗುತ್ತಿದ್ದಾರೆ. ಅಂದರೆ, ಇಂತಹ ಪ್ರೀಮಿಯಂ ಲ್ಯಾಪ್‍ಟಾಪ್‍ಗಳನ್ನು ಮನೆಯಿಂದ ಹೊರಗೆ ಹೆಚ್ಚಾಗಿ ಬಳಸುತ್ತಾರೆ ಮತ್ತು ಲ್ಯಾಪ್‍ಟಾಪ್ ಬಳಕೆಯಲ್ಲೇ ಹೆಚ್ಚಿನ ಸಮಯವನ್ನು ವಿನಿಯೋಗಿಸುತ್ತಾರೆ.

ಎಚ್‍ಪಿ ಇಂಕ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಸುಮೀರ್ ಚಂದ್ರ ಅವರು ಮಾತನಾಡಿ, "ಎಚ್‍ಪಿ ವಿಶ್ವದ ಅತ್ಯಂತ ಅತ್ಯಾಕರ್ಷಕವಾದ ಡಿವೈಸ್‍ಗಳನ್ನು ಅಭಿವೃದ್ಧಿಗೊಳಿಸುವ ಮೂಲಕ ಪಿಸಿಗಳ ಕ್ಷೇತ್ರದಲ್ಲಿ ಹೊಸ ಯುಗವನ್ನು ಆರಂಭಿಸಲು ಸದಾ ಮುಂದಿರುತ್ತದೆ ಮತ್ತು ಈ ಕಾರ್ಯವನ್ನು ಮುಂದುವರಿಸಿಕೊಂಡು ಬರುತ್ತಿದೆ. ನಮ್ಮ ಗ್ರಾಹಕರ ಅಗತ್ಯತೆಗಳನ್ನು ಆಲಿಸಿ ನಂತರ ಅವರಿಗೆ ಪೂರಕವಾದ ಪಿಸಿಗಳನ್ನು ವಿನ್ಯಾಸಗೊಳಿಸುತ್ತಿದ್ದೇವೆ. ಈ ಮೂಲಕ ಎಚ್‍ಪಿ ಈ ಉದ್ಯಮದಲ್ಲಿ ಹೊಸ ಮೈಲುಗಲ್ಲು ಸ್ಥಾಪಿಸುತ್ತಿದೆ'' ಎಂದು ತಿಳಿಸಿದರು.

ಎಚ್‍ಪಿ ಇಂಕ್ ಇಂಡಿಯಾದ ಪರ್ಸನಲ್ ಸಿಸ್ಟಮ್ಸ್ ವಿಭಾಗದ ಹಿರಿಯ ನಿರ್ದೇಶಕ ವಿಕ್ರಮ ಬೇಡಿ ಅವರು ಮಾತನಾಡಿ, "ಎಚ್‍ಪಿ ಯಾವಾಗಲೂ ಆಂತರಿಕ ಆಧಾರಿತ ನಾವಿನ್ಯತೆಗಳಿಗೆ ಹೆಸರುವಾಸಿಯಾಗಿದೆ ಮತ್ತು ಇದರಲ್ಲಿ ನಂಬಿಕೆ ಇಟ್ಟುಕೊಂಡಿದೆ. ನಮ್ಮ ಈ ಹೊಸ ಎಚ್‍ಪಿ ಸ್ಪೆಕ್ಟರ್ ಸರಣಿಯ ಉತ್ಪನ್ನಗಳು ವಿನ್ಯಾಸ, ಕೌಶಲ್ಯ ಮತ್ತು ಸಂವಹನದಲ್ಲಿ ಮೈಲುಗಲ್ಲು ಸ್ಥಾಪಿಸಿವೆ. ಎಚ್‍ಪಿ ಸ್ಪೆಕ್ಟರ್ ಫೋಲಿಯೋ ಮತ್ತು ಸ್ಪೆಕ್ಟರ್ x360 ಗಳು ಅತ್ಯುತ್ತಮವಾದ ವಿನ್ಯಾಸ, ಕಟಿಂಗ್ ಎಡ್ಜ್ ಎಂಜಿನಿಯರಿಂಗ್ ಮತ್ತು ಸರಿಸಾಟಿಯಿಲ್ಲ ಸಾಮಥ್ರ್ಯವನ್ನು ಹೊಂದಿವೆ'' ಎಂದು ಬಣ್ಣಿಸಿದರು.

ದರ ಮತ್ತು ಲಭ್ಯತೆ
* ಎಚ್‍ಪಿ ಸ್ಪೆಕ್ಟರ್ ಫೋಲಿಯೋ ಕಾಗ್ನ್ಯಾಕ್ ಬ್ರೌನ್‍ನಲ್ಲಿ ಲಭ್ಯವಿದ್ದು, ಇದರ ಬೆಲೆ 1,99,990 ರೂಪಾಯಿಗಳಾಗಿದೆ.

* ಎಚ್‍ಪಿ ಸ್ಪೆಕ್ಟರ್ x360 ಡಾರ್ಕ್ ಆ್ಯಶ್ ಗ್ರೇ ಬಣ್ಣದಲ್ಲಿ ಲಭ್ಯವಿದ್ದು, ಇದರ ಬೆಲೆ 1,29,990 ಮತ್ತು ಪೊಸಿಡನ್ ಬ್ಲ್ಯೂ ಬಣ್ಣದಲ್ಲಿ ಲಭ್ಯವಿರುವ ಇದರ ಬೆಲೆ 1,39,990 ರೂಪಾಯಿಗಳಿಂದ ಆರಂಭವಾಗಲಿದೆ.