ಮುಂಬರುವ ದಿನಗಳಲ್ಲಿ 22 ರಿಂದ 50 ವರ್ಷ ವಯೋಮಿತಿ ತನಕದ ದುಡಿಯುವ ವರ್ಗದವರ ಜೀವ ವಿಮೆ ಪ್ರೀಮಿಯಂ ವೆಚ್ಚ ಕಡಿಮೆಯಾಗುವ ಸಾಧ್ಯತೆ ಇದೆ.

ಯುವ ಹಾಗೂ ಮಧ್ಯಮ ವಯಸ್ಸಿನ ಜನತೆಗೆ ಜೀವ ವಿಮೆ ಪ್ರೀಮಿಯಂ ಇಳಿಯುವ ನಿರೀಕ್ಷೆಯಿದ್ದು, ಏಪ್ರಿಲ್ 1 ರಿಂದ ಜೀವ ವಿಮೆ ಪ್ರೀಮಿಯಂ ಕಡಿಮೆಯಾಗಲಿದೆ.

ವಿಮಾ ಸಂಸ್ಥೆಗಳು 2019 - 20 ನೇ ಸಾಲಿನಿಂದ ವಿಮೆ ಪ್ರೀಮಿಯಂ ದರವನ್ನು ಪರಿಷ್ಕರಿಸುವಾಗ ಬಳಕೆದಾರರ ಸರಾಸರಿ ಜೀವಿತಾವಧಿ ಕುರಿತು ಇತ್ತೀಚಿನ ಅಂಕಿ-ಅಂಶಗಳನ್ನು ಬಳಸಲು ಮುಂದಾಗಿರುವುದು ಇದಕ್ಕೆ ಮುಖ್ಯ ಕಾರಣವಾಗಿದೆ.

ಹೀಗಾಗಿ ಯುವ ಮತ್ತು ಮಧ್ಯಮ ವಯಸ್ಸಿನ ಜನತೆಗೆ ಜೀವ ವಿಮೆಯ ಪ್ರೀಮಿಯಂ ಕಡಿಮೆಯಾಗುವ ಸಾಧ್ಯತೆ ಇದೆ. ವಿಮೆ ಉದ್ದಿಮೆಯ ಇತ್ತೀಚಿನ ಅಂಕಿ ಅಂಶಗಳನ್ವಯ 22 ರಿಂದ 50 ವರ್ಷಗಳ ವಯಸ್ಸಿನ ವಿಮೆದಾರರಲ್ಲಿ ಮರಣದ ಪ್ರಮಾಣ ಶೇ. 4-16ರಷ್ಟು ಇಳಿಕೆಯಾಗಿದೆ. ಹೀಗಾಗಿ ಪ್ರೀಮಿಯಂ ದರ ಕೂಡ ಕಡಿಮೆಯಾಗಲಿದೆ ಎನ್ನಲಾಗಿದೆ.