ಎಸ್ಬಿಐ ಸಾಲ, ಠೇವಣಿಗಳ ಮೇಲಿನ ರೆಪೋ ದರ ನಿಗದಿ

ಸರ್ಕಾರಿ ಸ್ವಾಮ್ಯದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಮೊದಲ ಬಾರಿಗೆ ಉಳಿತಾಯ ಹಾಗೂ ಅಲ್ಪಾವಧಿ ಸಾಲ‌ ಖಾತೆಗಳಿಗೆ ರೆಪೋ ದರ ನಿಗದಿ ಮಾಡಿದೆ.

ಭಾರತೀಯ ರಿಸರ್ವ್ ಬ್ಯಾಂಕ್ ನಿರ್ದೇಶನದಂತೆ‌ ಈ ನೂತನ ನಿರ್ಧಾರಕ್ಕೆ ಎಸ್ಬಿಐ ಬಂದಿದ್ದು, ಇದೇ ಮೇ 1ರಿಂದ ನೂತನ ರೆಪೋ ದರ‌ ಅನ್ವಯವಾಗಲಿದೆ. ಈ ನಿರ್ಧಾರದಿಂದ ಮುಂದಿನ ದಿನದಲ್ಲಿ ತ್ವರಿತವಾಗಿ ವಿತ್ತೀಯ ವರ್ಗಾವಣೆ ಪ್ರಕ್ರಿಯೆ ನಿರೀಕ್ಷೆ ಮಾಡಬಹುದಾಗಿದೆ ಎನ್ನಲಾಗಿದೆ.

ಒಂದು ಲಕ್ಷಕ್ಕಿಂತ ಹೆಚ್ಚು ಮೊತ್ತ‌ ಇರುವ ಉಳಿತಾಯ ಖಾತೆದಾರರಿಗೆ ಶೇ.3.5 ರಷ್ಟು ರೆಪೋ ದರ ನಿಗದಿಪಡಿಸಲಾಗಿದೆ ಎಮದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ರೂ. 1 ಕೋಟಿ ಮೀರಿದವರಿಗೆ ಶೇ. 4 ರಷ್ಟು ರೆಪೋ ದರ ನೀಡಲಾಗುವುದು.

ಉಳಿತಾಯ ಖಾತೆಗಳನ್ನು ರೆಪೋಗೆ ಜೋಡಿಸುವುದರಿಂದ ಮುಂದಿನ ದಿನದಲ್ಲಿ ಬ್ಯಾಂಕಿನ ಮೇಲಿರುವ ಸಾಲದ ಹೊರೆಯಿಂದ ಹೊರಬರಲು ಹಾಗೂ ಲಾಭದಾಯಕವಾಗಿ ಮಾಡಿಕೊಳ್ಳಲು ಸಹಾಯವಾಗುತ್ತದೆ ಎಂದು ಐಸಿಅರ್‌ಎ ಉಪಾಧ್ಯಕ್ಷ ಅನಿಲ್ ಗುಪ್ತ ಪ್ರತಿಕ್ರಿಯಿಸಿದ್ದಾರೆ.