ಬಲವಂತದ ಖರೀದಿ

ಮೈಂಡ್ ಟ್ರೀ ಸ್ವಾಧೀನಪಡಿಸಿಕೊಳ್ಳುವ ಪ್ರಯತ್ನವನ್ನು ಬಲವಂತದ ಖರೀದಿ ಎಂದು ಮೈಂಡ್‌ ಟ್ರೀಯ ಸ್ಥಾಪಕ ಹಾಗೂ ಮಾಜಿ ಸಿಇಒ ಸುಬ್ರತೊ ಬಾಗ್ಚಿ ಆರೋಪಿಸಿದ್ದಾರೆ.
ಮೈಂಡ್‌ ಟ್ರೀ ಸಂಸ್ಥೆಯನ್ನು ಬಲವಂತವಾಗಿ ಖರೀದಿ ಮಾಡುವ ಅಪಾಯದ ಹಿನ್ನೆಲೆಯಲ್ಲಿ ಒಡಿಶಾ ಕೌಶಲ್ಯ ಅಭಿವೃದ್ಧಿ ಪ್ರಾಧಿಕಾರದ ಮುಖ್ಯಸ್ಥ ಹುದ್ದೆಗೆ ರಾಜೀನಾಮೆ ನೀಡಿ ಬೆಂಗಳೂರಿಗೆ ಬಂದಿದ್ದೇನೆ ಎಂದಿದ್ದಾರೆ.

ಸುಬ್ರತೊ ಟ್ವೀಟ್

ಮೈಂಡ್‌ ಟ್ರೀ ಎಂಬ ಹೆಮ್ಮರವನ್ನು ಕಡಿಯಲು ಬುಲ್ಡೋಜರ್ ಮತ್ತು ಗರಗಸಗಳೊಂದಿಗೆ ಜನ ಬರುತ್ತಿದ್ದು, ಮರವನ್ನು ಕಡಿದು ಆ ಜಾಗದಲ್ಲಿ ಶಾಪಿಂಗ್‌ ಮಾಲ್ ಕಟ್ಟಬಹುದು. ಆದರೆ ಇದನ್ನು ತಡೆಯಬೇಕಾಗಿದೆ ಎಂದು ಸುಬ್ರತೊ ಟ್ವೀಟ್ ಖಾರವಾಗಿ ಪ್ರತಿಕ್ರಿಯಿಸಿದ್ದಾರೆ.

ಸಿದ್ಧಾರ್ಥಗೆ 3,300 ಕೋಟಿ

ಎರಡು ದಶಕಗಳ ಹಳೆಯ ಮೈಂಡ್‌ ಟ್ರೀಯಲ್ಲಿ ಸಿದ್ಧಾರ್ಥ ಶೇ. 20.4 ಷೇರುಗಳನ್ನು ಹೊಂದಿದ್ದರು. ಇದನ್ನು ರೂ. 3,300 ಕೋಟಿಗೆ ಎಲ್‌ಆ್ಯಂಡ್‌ಟಿ ಖರೀದಿಸಲು ಮುಂದಾಗಿದೆ. ವಿ.ಜಿ ಸಿದ್ಧಾರ್ಥ ಅವರ ಷೇರನ್ನು ಎಲ್​&ಟಿ ಖರೀದಿಸಿದ ನಂತರ ಉಂಟಾಗಬಹುದಾದ ದುಷ್ಪಪರಿಣಾಮಗಳ ಬಗ್ಗೆ ಮೈಂಡ್​ಟ್ರೀ ಸಂಸ್ಥೆ ನಿರ್ವಹಣಾ ಮಂಡಳಿ ಕಳವಳ ವ್ಯಕ್ಯಪಡಿಸಿದೆ.

ಮೈಂಡ್ ಟ್ರೀ ಸ್ವಾಧೀನದ ಉದ್ದೇಶ?

ಕಾಪೋರೇಟ್ ಜಗತ್ತಿನಲ್ಲಿ ಸ್ವಾಧೀನ ಪ್ರಕ್ರಿಯೆಗಳು ಸಾಮಾನ್ಯ. ಎಲ್​&ಟಿ ಸಂಸ್ಥೆ ತನ್ನ ವ್ಯಾಪ್ತಿಯನ್ನು ವಿಸ್ತರಿಸಲು ಮೈಂಡ್ ಟ್ರೀ ಸ್ವಾಧೀನಕ್ಕೆ ಮುಂದಾಗಿದೆ. ಎಲ್​&ಟಿ ಸಿದ್ಧಪಡಿಸಿರುವ ಲಕ್ಷ್ಯ 2021 ವಿಷನ್ ಪ್ರಕಾರ ಐಟಿ ವಲಯ ಬಹಳ ಪ್ರಮುಖ ಉದ್ಯಮವಾಗಿದ್ದು, ಸ್ವಾಧೀನ ಪಡಿಸಿಕೊಳ್ಳುವುದು ಕಡ್ಡಾಯ ಎಂದು ಹೇಳಿದೆ.

ಐಟಿ ವಲಯಕ್ಕೆ ಬಿಗ್ ಶಾಕ್

ಮೈಂಡ್ ಟ್ರೀ ಸಂಸ್ಥೆಯನ್ನು ಸ್ವಾಧೀನಪಡಿಸಿಕೊಳ್ಳುವ ಪ್ರಕ್ರಿಯೆ ಐಟಿ ವಲಯವನ್ನು ಬೆಚ್ಚಿ ಬೀಳಿಸಿದೆ. ಕೆಲ ವಿಧಾನಗಳಿಂದ ಸ್ವಾಧೀನ ಪ್ರಕ್ರಿಯೆಯನ್ನು ದುಬಾರಿಯನ್ನಾಗಿ ಮಾಡಬಹುದು. ಹಾಗಾಗಿ ಇದರಿಂದ ಒಮ್ಮೊಮ್ಮೆ ಸ್ವಾಧೀನ ಪ್ರಕ್ರಿಯೆಯಿಂದ ಸಂಸ್ಥೆ ಹಿಂದೆ ಸರಿಯುವ ಸಾಧ್ಯತೆ ಇರುತ್ತದೆ ಎಂದು ಕ್ರೈಸಿಲ್​ನ ಮುಖ್ಯ ಆರ್ಥಿಕ ಸಲಹೆಗಾರ ಡಿ.ಕೆ. ಶ್ರೀವಾಸ್ತವ ಅಬಿಪ್ರಾಯಿಸಿದ್ದಾರೆ.