ಮಾಹಿತಿ ತಂತ್ರಜ್ಞಾನದ ದೈತ್ಯ ಸರ್ಚ್ ಇಂಜಿನ್ ಗೂಗಲ್ ಸಂಸ್ಥೆಗೆ ಐರೋಪ್ಯ ಒಕ್ಕೂಟ ಬರೋಬ್ಬರಿ ರೂ. 170 ಕೋಟಿ ದಂಡ ವಿಧಿಸಿದೆ.

ಗೂಗಲ್ ಆನ್ಲೈನ್ ಸರ್ಚ್ ಜಾಹೀರಾತುಗಳಲ್ಲಿ ಅದರ ಪ್ರಬಲ ಸ್ಥಾನವನ್ನು ದುರುಪಯೋಗಪಡಿಸಿಕೊಂಡಿರುವ ಕಾರಣಕ್ಕೆ ಈ ದಂಡ ವಿಧಿಸಲಾಗಿದೆ.

ಯುರೋಪ್ ಬಳಕೆದಾರರಿಗೆ ಗೂಗಲ್ ಕೆಲ ನಿಯಮಗಳನ್ನು ವಿಧಿಸುತ್ತಿದ್ದು, ಇದು ನಿಯಮ ಬಾಹಿರ ಎಂದು ಹೇಳಿರುವ ಐರೋಪ್ಯ ಒಕ್ಕೂಟ ಈ ಭಾರೀ ಮೊತ್ತದ ದಂಡ ವಿಧಿಸಿದೆ.
EU ರೆಗ್ಯುಲೇಟರ್ ಆಕ್ಷೇಪ ವ್ಯಕ್ತಪಡಿಸಿದ ನಂತರ 2016 ರಲ್ಲಿ ಗೂಗಲ್ ಅದರ ಸರ್ಚ್ ಅಡ್ವರ್ಟೈಸ್‌ಮೆಂಟ್ನ್ನು ಬದಲಾಯಿಸಿತು. ಈ ಹಿಂದೆಯೂ ಎರಡು ಬಾರಿ ಗೂಗಲ್ ಗೆ ದಂಡ ವಿಧಿಸಲಾಗಿದ್ದು, ಆಪಲ್, ಅಮೆಜಾನ್, ಫೇಸ್ಬುಕ್ ಮತ್ತು ಗೂಗಲ್ ಸಂಸ್ಥೆಗಳು ಆರೋಗ್ಯಕರ ಸ್ಪರ್ಧೆಗೆ ಅಡ್ಡಿ ಮಾಡುತ್ತಿವೆ ಎಂದು ಐರೋಪ್ಯ ಒಕ್ಕೂಟ ಟೀಕೆ ಮಾಡಿತ್ತು.

ಎರಡು ವರ್ಷಗಳಲ್ಲಿ ಅವಧಿಯಲ್ಲಿ ಇದು ಮೂರನೇ ಬಾರಿ ವಿಶ್ವಾಸ ವಿರೋಧಿ ದಂಡ (antitrust fine) ಗೂಗಲ್ ವಿರುದ್ದ ಮಾಡಲಾಗಿದೆ.